Lukas 3:2 - Northern Tepehuan Bible

² dai go Anás ïmadï Kaifas ïr dadaxdadami bhaitï gukakamigadïkatadai. Aidï tudu oidigana dakatadai maradï go Zakarias Juan tïgidukïdï dai Diuxi aiturhi ïmo ñoki.

Tepehuan Northern: Diuusi ñiooquidʌ utuducami oodamicʌdʌ

² vaidʌ Aanasi ʌʌmadu Caifasi ʌrbaitʌguucacamigadʌcatadai ʌpapaali. Dai aidʌ ʌVuaana Zacaría maradʌ oidigana oidacatadai taidʌ Diuusi ootosi ʌmo ñiooqui.

Lukas 3:2 Kruisverwysings

Jonas 1:1

Ïïki oidakatadai ïmo kïïrhi Jonas tïgidukami. Ïgai ïr maradïkatadai ïmo kïïrhi Amitai tïgidukami. Dai ïmo imidagai Gïr Nukadakami aataga ïmadï Jonas daidi potïtïdai,

Mataibo 11:7

Dai bhodïrï ka ijitadai go ojotosadï Juan abhiadïrï daidi Suxi aagidi go odami ïmo ñoki aagaitai go Juan daidi potïtïdai, —Kïï maatï aanï sai muidutai ajiopaiña aapimï oidigana nïida ïrhiditai aapimï go Juan amïka. ¿Dai ix tuigakami ïrhidi aapimï go Juan dai mïï nïida ïrhiditadai aapimï tudu? ¿Pobïn ïrhiditadai mïxi sai ïgai mai xïï kïï maatï ix tuma buaboitudagi dai sai dudatai ïmapïbuayi ñokidï ïpïan dukami ïmo basoi ix makïdï aipakoga oiñïi ïbïrhikïdï? ¿Po tuigakami kïïrhi mïx nïida ïrhiditadai? Cho ¿aba?

Mataibo 26:3

Dai aidï tuigako ïpï gïn ïmpagi go tïtïanïdamigadï go dadaxdadami ïmadï go tïtïïgiadami sïïrhikami. Gïn ïmpagi ïgai kiidïrï ïmo kïïrhi Kaifas tïgidukami ix makïdï ïr bïïxi adaama gatïanïdami go dadaxdadami.

Markos 1:2

Ïïki oidakatadai ïmo kïïrhi Isaias tïgidukami. Ïgai ïr ïmo aagadamikatadai Diuxiañdïrï ñoki, daidi gaoja ïgai ix kaiti Diuxi. Ïmo imidagai Diuxi aataga ïmadï maradï dai Isaias oja ix kaiti ïgai. Diuxi potïtïdai maradï aidï, —Aapi ïr gin maara. Dai otosamu aanï ïmoko gin otoxikami aapi gï bhaitïki bai ïgai aagidana odami sai karhioga dibia aapi oidigi daama, itïtïdai Diuxi. Podukai kaxi bhai gïn dukagi odami pïx xuduku aiyagi, itïtïdai.

Lukas 1:80

Dai bhodïrï kïïdukai gïï go arhi Juan dai kïïga bhïiyi gubukarhigai ibhïgadïana. Dai gokiïrï ka gïrakai ïgai sai oidigana oidatu xako ïgiga oidigi. Ami oidatu ïgai asta xïïxkadï gï aaga tïtïgidi ïgai ñoki go Israelitas.

VUAANA 1:23

Daidi go Juan potïtïdai aidï, —Aanï mosïkaxi ïr ibuadami ixdukatai gïr aagidi go Isaiaskaru ïïki ix makïdï ïr ïmo aagadami Diuxi ñokidï. Aanï tudu ïr ïgai ix makïdï gïgïrï iñakaiña oidigana aimïraitai dai aagidiña aanï odami sai ïma dukai gïn tïgitokana sai podukai bhai gïn dukana xudu dibiagi Gïr Nukadakami— itïtïdai go Juan.

VUAANA 18:24

Dai bhodïrï go Anás gatïjai mïsai bupurana ïkadï go Suxi ïpamu dai sai baidakana dai mïï Kaifas buidïrï kïïsana. Go Kaifas tudu ïr bhaitï kïakïdï daxdadamikatadai aidï.

Hechos 4:6

Dai ami dakatadai ïpï go Amaxi. Ïgai ïr bhaitï kïakamigadï go dadaxdadami judidiu. Dai dakatadai ïpï go Kaifas ïmadï Juan dai Alejandro ïmadï jaa ïpï ix makïdï ïr aaduñdï go dadaxdadami bhaitï kïakamigadï.