Lukas 23:26 - Northern Tepehuan Bible

²⁶ Dai aidïxi go sandadaru ka baidakatadai ïgai go Suxi dai ka kuruxiana xixa agai sai nobai kaiyana ayi ïgai ïmo Sireñiïrï oidakami Ximuñi tïgidukami. No xibhï dïjoañdïrï imïitadai go kïïrhi dai go sandadaru bhïiyi dai daama dáí go kuruxi sai kusukana dai aagidi sai oidana ïgai go Suxi.

Tepehuan Northern: Diuusi ñiooquidʌ utuducami oodamicʌdʌ

²⁶ Dai aidʌsi vaidaticatadai ʌgai ʌSuusi dai curusiaba siisa agai, dai caayana aayi ʌmo cʌʌli Sireñiʌrʌ oidacami ismaacʌdʌ dʌjiaiñdʌrʌ imʌitadai Simuñi tʌʌgiducami, mʌtai bʌi dai tʌjai sai gooquiʌrʌ imʌiña ʌSuusi dai bʌʌcaticana ʌcurusi.

Lukas 23:26 Kruisverwysings

Mataibo 5:41

—Dai xi ïmo oidakami no xibhïkai gubuakïdï gï aagidagi sai ïmo kilometro soiña kusukagi aapi ïmo kusubi, abïr kïïgioma soikïda dai goka kilometro kusuka bhaiyoma— itïtïdai.

Lukas 14:27

—Gï agai ïgai xi gin ïpïan buadagi dai bhai aagagi xi soimaaxi taatagi dai asta xi gï muatudagi ïgai gin oiditai. Gï agai xi bhai aagagi ïgai xi asta xixatudagi ïgai ïmo kuruxiana in oiditai tudu. Ïma dukai mai bhaiga ïgai xi ïr gin mamaatïrdamigakagi ïgai— itïtïdai.

Lukas 23:25

Dai tïïgi ïgai go Suxi go óídakami saidi ibuadana ïgai ix dukatai ipïrhiadagi ïgai. Dai dagito ïgai go Barabas ix duu agaitadai go óídakami ïpï. Dai go Barabas gia ïr ïmo gamuakami. Ïgai aagidiña go odami sai bui surhigïna go gïï dunukami ïpï. Kaxkïdï gï maixakatadai ïgai.

Lukas 9:23

Daidi bhodïrï Suxi potïtïdai bïïxi go odami, —Gïn aagidamu aanï ix dukatai gï agai xi ibuadagi odami ix makïdï ipïrhiadagi ïr ïmo gin mamaatïrdamigakagi. Gï agai xi dagitoagi ïgai ïïgi tïgibudadï. Ka maiti gï agai xi ibuada ïgai ïïgi ixtumaxi ipïrhiadagi ïgai tudu. Gï agai bhaiyoma xi bïïx tasai kusukan dukai imïdagi ïgai go kuruxi ixtukïdï gï muatuda aagai ïgai. Gï agai tudu xi bïïx tasai bhai gï dukagi ïgai ix soimaaxi taatagi dai asta xi gï muatudagi gin oiditai. Aidï gia bhaigakamu ïgai xi gin oijadagi dai xi ïr gin mamaatïrdamigakagi. Ïma dukai gia cho—.

Hechos 13:1

Ami Antiokiïrï muidukatadai buaboitudadami dai ïïmoko ïgai ïr aagadami Diuxi ñokidï dai maatïtuldiadami ïpï. Ïmoko Bernabe tïgidu, dai ïmai Ximuñi ix makïdï tuku agaiña odami, dai ïmai Lucio. Go Lucio ïr Sireniïrï oidakami. Dai ïmai Manaen tïgidu, dai ïmai Saulo. Idi Manaen ïmadï gïrakami go dunukami Erodïxi.

Hechos 2:10

dai Frijiañdïrï, dai Panfiliañdïrï, dai Ejiptuañdïrï, dai no xibhïadïrï miadïrï Cireniañdïrï. Ïïmadutai aatïmï Romañdïrï dada ïpï ix makïdï gïr dïïdï ïr judidiu ïmadï modukai ix makïdï mos bhïiyi buaboidaradï judidiu ïpï.

Hechos 6:6

Mïtai bïïxkatai baidakai amïka xako darajatadai go ojotoxikami tai ïgai gadáí Diuxi go kïkïirhi bïïtarï dai daama darai gïn noonobi.

Hechos 6:9

Dïï bïïxkïrï mui odami bui ñokaitadai go Tibañi. Ïïmoko go kïkïïrhi ix makïdï bui ñokaitadai dada ïmo judidiu kiupaigadïañdïrï ix makïdï Libertados tïgidu kiupai. Cireniañdïrï dai Alejandreañdïrï oidakamikatadai ïgai. Dai jaa bui ñokadami Ciliciañdïrï dai Asiañdïrï oidakamikana. Bïïxkatai ïgai bui surhi go Tibañi.