Lukas 23:14 - Northern Tepehuan Bible

¹⁴ —Tami gin buidïrï baan kïi aapimï go Suxi pokaititai aapimï sai gobai abïnakidi go óídakami sai bui surhigïna ïgai go gïï dunukami. Dïï gia ka kaï aapimï aidïxi naana maaxi tïkakai aanï gobai tami gïn buitapi. Dai modukai mai tïï aanï soimaaxkami ïgai abhana ix makïdï aagai aapimï.

Tepehuan Northern: Diuusi ñiooquidʌ utuducami oodamicʌdʌ

¹⁴ daidʌ itʌtʌdai: ―Aapimʌ mʌtaiñvuaapi idi cʌʌli pocaititai sai goovai sisioquitudai oodami, nai aanʌ catʌcacai aapimʌ gʌnvuitapi dai canʌidi aapimʌ iñsmaitʌtʌgai istumaasicʌdʌ gʌpiʌrʌ caatʌcagi goovai tomali ʌmo istumaasicʌdʌ mʌstuucʌdʌ gʌpiʌrʌ vuupai aapimʌ.

Lukas 23:14 Kruisverwysings

Mataibo 27:19

Dai go gïï daikaruana dakatadai go Pilato aidï xako dakatai gatïanïiña ïgai. Daidi oñigadï otoxdi ñoki ami. Daidi potïtïdai, —Maiti gï agai xi gïpiïrï daitudagi aapi go kïïrhi gobai. Maiti gï agai ix maakada gïgïbidaragai tudu. Maiti ïr soimaaxi ibuadami gobai toma lïïchi kaxkïdï. Tukarï tïïtïkimi gobaikïdï dai kabami soimaaxi taata aanï gokïdï— as duu otoxdi ñoki go oki.

Mataibo 27:24

Dai gokïdï ka máí go Pilato sai ka maiti ixtutuidi agai buidïrï go odami mos ïï xigarhi kaititai go odami ijiñakaitai. Dai gatáí ïgai sudagi dai gï iko ami go óídakami buitapi. Podukai maaxituda ïrhiditadai ïgai saidi maiti ïr duñidїka agai xïïxkadï gï muatuda agai go Suxi. Daidi potïtïdai ïgai go óídakami, —Ka maiti ïr gin duñika agai gï aaxtakai ïradï go Suxi gï muatudakai ïgai. Ïïgi aapimï ïr gïn duñika agai gobai— itïtïdai.

Mataibo 27:4

Dai potïtïdai ïgai go dudunukami, —Agia soimaaxi idui aanï gatïïgidakai aanï go Suxi maiti ïr soimaaxi idukamikatai ïgai— itïtïdai. Daidi go dudunukami potïtïdai, —Aatïmï gïr bïïtarï maiti ïr ixtumaxi gobai. Ïïgi aapi ïr gï duñi gobai— itïtïdai.

Mataibo 27:54

Daidi kabami duduadimu go kapitañi ïmadï sandadarugadï ix makïdï nukadakatadai go Suxi. Nïiditadai ïgai aidïxi gigiburhi oidigi dai bïïxi ixtumaxi daibusai ami ïpï kaxkïdï. Daidi ikaitiña ïgai, —Idi gia ïr buaboi saidi ïr Diuxi maradï— ikaitiña.

Hechos 13:28

Tomaxi go Jerusalenïrï óídakami mai tïï tomarhi ïmo ixtumaxi soimaaxkami Suxi bui, bïïxkïrï aagidi ïgai go Pilato sai tïanïna muaragai.

Hechos 17:11

Go óídakami ami bamioma kïïga tutuiga xi bhai go Tesalonikïrï óídakïdï. Ïgai gia bhai gïn ïrhiarakïdï kaïkana aatagidï Pabora ïmadï Silas. Dai bïïx tasai gaagaiña Diuxi ñokidïrï xi bhai ïr buaboi ix dukatai aagaiña go Pabora.

Hebreos 7:26

Suxi Kristo tudu ïr go adaama kïïgadukïdï dadaxdadami ix makïdï bamioma kïï bhaiga ix gïr soikïdagi. Kïïga ïko daja ïgai go soimaaxkamiañdïrï tudu mai biakatai ixtukïdï gïpiïrï kaatïkagi. Kïï buañixi ïgai dai ka ïkobai daja ïgai soimaaxi ibuadamiañdïrï amïï tïbagiana dakatai ïgai. Dai bïïxi adaama bia ïgai xadutudaragai amïka tïbagiana dakatai ïpï.