Lukas 22:61 - Northern Tepehuan Bible

⁶¹ Daidi go Suxi bui nïnïaba go Piduru aidï. Daidi go Piduru gï tïgito ix tïtïdaitadai Gïr Nukadakami ïgai, sai ïkioñdïrï aagiditadai sai mai kia kujukai takuku sai baikako mai maaxi aaga agai ix maatï.

Tepehuan Northern: Diuusi ñiooquidʌ utuducami oodamicʌdʌ

⁶¹ Taidʌ ʌSuusi vui nʌnʌaava ʌPiiduru, taidʌ ʌPiiduru tʌgito istumaasi aagidi ʌmamaatʌtuldiadami, sai maiquiaa cuujuicai tacucu ʌgai vaicojo ʌstua agaitadai ismaatʌ ʌSuusi.

Lukas 22:61 Kruisverwysings

Mataibo 26:34

Daidi Suxi potïtïdai, —Cho, daiñi Piduru— itïtïdai. —Aanï aagai sai xibi tukarï mai kia kujukai takuku, aapi kaxi baikako po tïi agai sai maiti gin maatï— itïtïdai.

Mataibo 26:75

Dai amaxi gï tïgito go Piduru saidi Suxi ïkiaxdïrï potïtïdaitadai, —Aapi Piduru, mai kia kujukai takuku aapi baikojo potïimu sai maiti gin maatï aapi— itïtïdaitadai Suxi ïkiaxdïrï. Dai Piduru gï tïgitokatadai gobai dai jii abhiadïrï dai kabami suakaitadai soigamukai.

Markos 5:30

Taidi go Suxi máí ix duadi ïgai ïmadutai gï gubukadakïdï dai aa kïkiba odami saagida kïakatai daidi ikaiti, —¿Borai taata gin yukuxi?— ikaiti.

Lukas 10:41

Daidi Suxi potïtïdai, —Aapi Maruta, kïïga gï oigïdai aanï dïï mos aapi arhiï buamï ïrhidi naana maaxikïdï ix makïdï mai xii kabami gï agai.

Lukas 22:34

Dïï gia Suxi potïtïdai, —Gï aagidamu aanï ixtumaxi Piduru. Xibi mai kia kujuitai takuku kïrhiadï aapi baikojo potïimu sai maiti gin maatï— itïtïdai.

Lukas 22:60

Dai Piduru potïtïdai, —Cho aapi kïïrhi— itïtïdai. —Maita an maatï aanï tomarhi ix tïiya ïrhidi aapi— itïtïdai. Dai kia ñokaitadai go Piduru bai kujui takuku kïrhiadï.

Lukas 22:62

Dai busai go Piduru abhiadïrï dai suakimi kabami soi gï ïldakai.

Lukas 7:13

Dai soi gïlda tïï Suxi go oki aidï daidi potïtïdai, —Aapi oki, maiti suakada— itïtïdai.

Lukas 7:19

Dai kaïkai go Juan ixtumaxi ibuadana go Suxi sai báí ïgai goka mamaatïrdamigadï dai aagidi sai mïï tïkakana go Suxi sa bhai ïgai ïr otosadï Diuxi ix makïdï nïnïrakana ïgai xiïpï xi gï agaitadai xi nïnïrakagi sai dibiana ïmai kia.

VUAANA 13:38

Dai Suxi itïtïdai aidï, —Kïïga maatï aanï sai mai bhai gï duu aapi ix gï muatudagi gin bïïtarï— itïtïdai. —Daiñi, bhaiyoma, aanï aagai sai mai kia kukujukai baikojo go takuku potïi agai aapi pïsai maiti gin maatï— itïtïdai.

Hechos 5:31

Dai Diuxi baidi jii go Suxi tïbagiamu dai sïïrhixapadïrï dáí saidi ïgai ïr gatïanïdamikana daidi ïr kïïgakïrï gïr bubiadamikana. Podukai idui Diuxi sai ïma dukai gïn tïtïgitona aapimï judidiu baidi podukai gïn oigïldana Diuxi gïn soimaaxkamiga.

Efesios 2:11

Kaxkïdï aapimï ix makïdï maiti ïr judidiu abïr gïn tïgito ajiopada sai mai biakana aapimï urabaragai ïkioma go judidiu ïmadï. Mai circuncidadugami gïn aagaiña go judidiu aidï mai biakatai aapimï go circuncision ix dukai bia ïgai. Go circuncision ix makïdï odami ibuayi dai mos ïr gatukuga bïïtarï tudu.

Apokalipsis 2:5

Gï agai tudu xi kïïga gïn tïgitokagi ix dukatai gin oigïdaiña aapimï aidïxi mai kia koidamu dui gïn buaboidaraga. Daiñi, aapimï buaboitudadami ïr ïmo dasakarui kudagi dukai go gaa óídakami buitapi ami xako daraka aapimï. Dïï gia ix mai ïma dukai gïn tïtïgitoagi aapimï dai ïpamu gin oigïdadagi ixdukai ibuadana tukamïrï, aidï gia gïn dibidamu aanï otoma dai maigobai gïn darasamu abhiadïrï xako kukudadai aapimï óídakami. Maigobai gïn darasamu aanï ïpïan dukai xi ïmo odami maigobai dasagi ïmo kudagi dasakarui tudu.