Lukas 22:26 - Northern Tepehuan Bible

²⁶ Dïï gia aapimï maiti gï agai xi ïpïan buadagi go dudunukami ïgai. Aapimï bhaiyoma ix makïdï bamioma gatïanïi gï agai xi mai tïanïdami dukai ibuadagi buidïrï go gaa. Aapimï ix makïdï ïr gabhaitïkïakamikagi gï agai xi ïr bïïxkatai pioñigadï dukaikana tudu— itïtïdai.

Tepehuan Northern: Diuusi ñiooquidʌ utuducami oodamicʌdʌ

²⁶ Dʌmos aapimʌ maitʌaagai mʌspoduucai ivuaadagi, baiyoma ismaacʌdʌ ʌrbaitʌcʌaacamicagi gʌaagai isvaamioma gʌʌli gʌvuaadagi dai piooñi duucai.

Lukas 22:26 Kruisverwysings

Mataibo 20:26

Dïï gia aapimï maiti gï agai xi podukai ibuadagi. Aapimï ix makïdï ïr gabhaitïgukakami gï agai bhaiyoma xi pipioñi dukamikagi aapimï jaa bïïtarï. Dai mai xu xi kabami gatïanïda ïrhiadagi aapimï— itïtïdai.

Markos 10:43

Dïï aapimï maiti gï agai xi pomaaxi buadagi. Aapimïkïdï gia ix makïdï ipïrhiadagi xi ïr bhaitï kïakamikagi gï agai xi ïr odami pioñigadï bhaiyoma.

Markos 9:35

Taidi go Suxi daiba dai báí go bhaibuxtama dan goka gï mamaatïrdami daidi potïtïdai aidï, —Xi ïmadutai aapimï ipïrhiadagi xi ïr bhaitï kïakamikagi, gobai gï agai xi kïï dumarhikami bhïiyagi tïgibudagai dai gï agai ïgai xi ïr pioñigadï dukamikagi bïïxi oidakami— itïtïdai.

Lukas 9:48

Daidi potïtïdai Suxi go mamaatïrdami, —Gïn aagidamu aanï xorai bamioma ïr gïdukïdï Diuxi bïïtarï. Daiñi, aanï podukai nïidi sai aanï gin xadutuadan buayi odami ix makïdï kïïga xadutuadagi jaa ix makïdï bamioma maiti ïr tïtïanïdami. Ix xadutuada ïgai ïmo arhi gïrhi dukami idi ix makïdï tami gin abhana kïïka, aanï podukai nïidi sai aanï gin xadutudai ïgai pobuadatai. Dai xorai gin xadutuadagi ka xadutudai gin Oga ix makïdï gin otoi ïpï. Gobai maatiga maaxi. Daiñi, gï agai sai maatïka aapimï sai Diuxi bïïtarï bamioma ïr gatïanïdami odami ix makïdï jaa mai tïanïdami dukai nïidi— itïtïdai.

Romanos 12:2

Maiti abïr ïïgiada tïgibudadï oidigi daama óídakami bhaiyoma abïr bhïiyi tïgibudagai utudui Diuxiañdïrï. Aidï gia gïn utudutuldamu Diuxi gïn ïrabiadïrï dai maatïkamu aapimï ixtuma agai Diuxi gïn bïïtarï. Ix makïdï Diuxi aagai gïn bïïtarï mos ïr ïï kïkïïgadukami dai buapai bhai ïrhiaraga Diuxi bïïtarï. Mai tipu ïma maaxi bamioma kïïgadukami xi bhai ix makïdï Diuxi agai gïn bïïtarï.

1 Pedro 5:3

Dai maiti abïr kabami tïanïda go buaboitudadami ïpï dai bhaiyoma abïr kïï bhai maaxkami óídaka aapimï. Podukai tïtïïgiadamu aapimï go buaboitudadami ix dukatai gï agai sai óídakagi ïgai ïpï.

1 Pedro 5:5

Dai aapimï uutu iimïdami, gï agai sai ïïgiada dai xadutuada aapimï go bhaitï gukakamigadï go buaboitudadami ïpï. Gï agai sai mai tïtïanïdami dukai gïn ïrhiadagi aapimï toma lïïchi dai bhaiyoma gï agai sai gïn soikïdagi aapimï aipakoga. Diuxi ojadï ikaiti sai, Buidïrï kaatï Diuxi go odami ix makïdï gïgïrdukïdï gïn ïrhiadagi. Dïï gia soikïi ïgai odami ix makïdï mai gïgïrdukïdï gïn ïrhidi, ikaiti Diuxi ojadï.