Lukas 21:36 - Northern Tepehuan Bible

³⁶ —Kïïga abïr nïnïasïrhiakami dukai óídaka bïïx tasai tudu. Dai bïïxkïrï abïr daanïda Diuxi sai podukai buiya aapimï gubukarhigai. Podukai kïïgakïrï bubuakimu aapimï go soi ïrhiaragaiñdïrï ix makïdï daibuña agai tami oidigi daama. Podukai kïïga mai xaïraitai gukakamu aapimï gin buitapi. Aanï in buitapi tudu ix makïdï ïr otosadï Diuxi dai ïmo kïïrhi busai— itïtïdai Suxi go mamaatïrdami gamaakaitai ñoki.

Tepehuan Northern: Diuusi ñiooquidʌ utuducami oodamicʌdʌ

³⁶ Baigavʌr ʌnduca aapimʌ tudu, dai tomastuigaco avʌr gamamadada dai poduucai istuidimi aapimʌ iscʌʌgacʌrʌ vuvaaquiagi vʌʌsi gomaasiaiñdʌrʌ ismaacʌdʌ ʌpʌduñia agai, dai poduucai istuidimu isgiñvuidʌrʌ guuquivagi aapimʌ aanʌ ismaacʌdʌ viaa ʌmo sʌʌlicami ―astʌtʌdai ʌSuusi ʌoodami.

Lukas 21:36 Kruisverwysings

Mataibo 24:42

Daidi Suxi potïtïdai ïpï, —Gï agai xi kïïga nïnïasïrhigan dukai nïnïrakagi aapimï xïïxkadï aiyagi aanï.

Mataibo 24:43

Daiñi, ïmo oidakami xadïrï kosokana ix maatïkagi ïgai sai ami kiidïrï ayi agai ïmo ïxibugami. Nïnïasïrhigan dukai dakana ïgai bhaiyoma dai mai daadagitoiña ïgai go ïxibugami xi bakiagi sai mai popoidana ïgai buxtuidadï.

Mataibo 24:44

Podukai tudu gï agai xi gin nïnïrakagi aapimï ïpï aanï ix makïdï ïr otosadï Diuxi dai ïmo kïïrhi busai. Podukai abïr gin nïnïraka mai maatïkatai xuduku ayimu aanï— itïtïdai.

Mataibo 25:13

Daidi bhodïrï potïtïdai Suxi go mamaatïrdamigadï sai, —Po ikaidaga go maaxidaragai aatagi aagaitai xïxkadï dibiamu aanï ïpamu tudu. Dai kaxkïdï gï agai sai kïïga bhai gïn dukagi aapimï ïpïan dukai go aarhi oki ix makïdï gia kïïga gïn tïgito. Aanï ïr Diuxi otosadï ix makïdï ïmo kïïrhi busai dai mai maatï aapimï xuduku dibiamu aanï ïpamu. Kaxkïdï gï agai sai kïïga bhai gïn dukagi aapimï— itïtïdai.

Mataibo 26:41

Maiti abïr kokoxi tudu. Daiñi, go diabora gïn abïnakida ïrhidi mïsai soimaaxi ibuadagi gïpiïrï gïn daituda ïrhiditai ïgai. Daanïdabïrai Diuxi tudu sai mai gïpiïrï surhigiagi aapimï. Tomaxi ipïrhiadagi aapimï ix gupurtudagi gïn iibhïdaga go soimaaxi buidïrï bïïxkïrï mai gupuka aapimï. Dai maiti ixtutuidimu aapimï xi bui gukibagi go soimaaxkami ïïgi. Kaxkïdï abïr daanïda Diuxi— itïtïdai.

Mataibo 8:20

Dai Suxi ipïrhiditadai sai go kïïrhi maatïkana sai xijiaka agai ix oijadagi ïgai Suxi daidi potïtïdai ïgai, —Aapi kïïrhi, asta go kakaxokai biakana xako kokosïdagi oidigana dai go ujurugi ïpï bia kokosadï, dïï gia aanï ix makïdï ïr otosadï Diuxi dai ïmo kïïrhi busai, aanï gia mai bia tomarhi xakoga gin ibhïxtagi— itïtïdai.

Markos 13:33

Gï aagai mïxi gin tïgito ajiopada tudu gin nïnïrakatai. Aanï ïr Diuxi otosadï ix makïdï aagai Diuxi ïïki dai maiti gï maatï xudu ayimu aanï— itïtïdai.

Markos 13:37

—Bïïxi odami bïïtarï idi gin ñoki tudu. Bïïxkatai abïr tïgito nïida dai nïnïraka ix dibiagi aanï— itïtïdai Suxi go mamaatïrdami.

Lukas 1:19

Daidi go Tïañikarudï Diuxi potïtïdai, —Aanï ïgai daidi Gabriel tïgidu. Aanï ïgai tudu dai Diuxi buitapi kïakana dai ïgai gin otoi ansai gï aituldana idi bhai ïrhiaragai ñoki. Sai gï aagidana aanï sai marata agai gï aduñi tudu.

Lukas 18:1

Ïmo imidagai go Suxi maa ïmo ñoki mamaatïrdamigadï. Ïmo maaxidaragai aatagikïdï aagidi ïgai sai mai ojodatai daanïda ïgai Diuxi.

Lukas 20:35

Dïï gia gokiïrï go gïmai oidigïrï ka mai pobuadamu óídakami. Ïgai ïr ix makïdï Diuxi maakai oigaragai xi duduakatudagi ïpamu dai xi óídakagi go gïmai oidigïrï. Ïgai ka mai gaïmadï bipiïyi dai tomarhi mai mamaakai maamaradï sai gaïmadï bipiïdagi ïpï.

Hechos 10:2

Dai go Kornelio ïmadï aaduñdï kïïga xadutudaiña Diuxi. Ïgai dudatai soikïiña judidiu ix makïdï tïgitokana dai mai dagitokai daanïiña Diuxi tomax tuigako.

1 Korintios 16:13

Kïïga abïr nïnïasïrhigan dukai óídaka kïïga buaboidaitai. Maiti abïr ïbhiada tomarhi ïmo ixtumaxi tudu daidi abïr gupurtuda gïn buaboidaraga.

2 Korintios 4:14

Kïïga maatï aatïmï sai Diuxi duakaturhi go Suxi ïpamu mukukai ïgai. Dai buaboitudai aatïmï sai aatïmï gïr duduakatulda agai ïgai ïpï ïmadï aapimï ïpï. Dai maatï aatïmï ïpï sai baan gïr tutusa agai ïgai amïka xako daja ïgai, bïïxkatai aatïmï ix makïdï ïr buaboitudadami tudu.

Kolosenses 4:2

Gin aaduñi, gï agai xi mai dagitokai dai kïïga nïnïasïrhigan dukai daanïda aapimï Diuxi bhai gïn ïrhiditai ïgai buidïrï.

1Tesalonicenses 5:17

Daidi abïr aatagada Diuxi ïmadï bïïxkïrï.

2 Timoteo 4:5

Dïï gia aapi maiti gï agai ix pobuadagi. Gï agai xi kïïga sïïrhi gï tïgitokagi aapi bhaiyoma dai mai dagitoagi ix gï maitiagi soi ïrhiaragai gï kabakadaitai aapi xïïxkadï soimaaxi taatakagi. Mos sai aapia aagada aapi go bhai ïrhiaragai aatagi aipakoga daidi kïïga ibuada gï aaduindaga ix makïdï gï maa Diuxi.

1 Pedro 4:7

Gin aaduñi, ka miadaimi ix ugitiagi oidigi. Kaxkïdï abïr kïïga gïn tïtïgitoda dai kïïga nïnïasïrhigan dukai abïr daanïda Diuxi.

1 Pedro 5:8

Gin aaduñi, kïïga abïr gïn tïtïgitoda daidi abïr gïn nukadaka. Bia aapimï gïn buidïrï kaatïkamiga tudu ix makïdï ïr go diabora dai aipakoga aimïrai ïgai xia duada ïrhiditai xorai tïïgiagi ïgai.

1 Juan 2:28

Kïïga gïn oigïdai aanï aapimï gin aaduñi, maamaradïkatai aapimï Diuxi. Apia abïr kïïga urabakatai óídaka Suxi Kristo ïmadï tudu sai podukai xïïxkadï dibiagi ïgai ka kïïga ïïmadagi aapimï dai mai xaïradagi aapimï.

Udaxi 1:24

Gïn aaduñi, mosïka arhi ïmaduga Diuxi dai ïgai bhai dui go kïïgakïrï bubaidaragai gïr bïïtarï Suxi Kristokïdï ix makïdï ïr Gïr Nukadakami. Kïïga ixtutuidikïi Diuxi ix gïn nukadakagi dai gïn soikïdagi sai mai dagitoagi aapimï gïn buaboidaraga sai podukai mai gïpiïrï surhigiagi aapimï. Dai kïï bhaiga ïgai sai bhai gïn buadagi saidi kïïga bhai ïrhiarakïdï gukakagi aapimï ami xako kabami totoarïi buitapi Diuxi. Kabami totoarïi Diuxi tudu mos ïï kïïga xigiamaaxkatai ïgai dai mos ïï kabami gubuakatai ïgai ïpï. Kïïga ixtutuidikïi ïgai ix bhai gïn duñagi sai mai biakagi aapimï toma lïïchi soimaaxkami gïn abhana dai bhodïrï baan gïn tutusamu ïgai ami buitapi ïgai ka kïïga bhai gïn dunakai ïgai.

Apokalipsis 11:4

Daiñi, ïmo Diuxi ñokituldiadamigadï pokaiti ïïki sai Diuxi buitapi guka goka uxi olibo dai goka kukudakarui. Dai ï goka uxi olibo ïmadï ï goka kukudakarui ïr maaxidaragai ï goka ojotosadï Diuxi bïïtarï ix makïdï Jerusalenïrï aitulda agai ïmo ñoki Diuxiañdïrï.

Apokalipsis 6:17

dai ka ayi ixtuigako gïr maakiagai gïgïbidaragai dai tipu xorai ixtutiadagi ïgai bui— ikaitiña.

Apokalipsis 7:9

Dai bhodïrï tïï aanï sïïrhikïdï mui naana maaxi odami bïïxi aipakoga oidigi daamaiñdïrï óídakami. Ami gukatadai ïgai go gïï daikarui buidïrï xako sonoana kïïka go Arhi Kañiru tïgidukïdï. Mai bhaigakatadai tomarhi ïmadutai xi ïkaldagi go odami mos ïï muidukatai ïgai. Gukatadai odami bïïxi gïgïrï kiikiañdïrï óídakami tudu dai bïïxi go naana maaxi ñokadami saagidañdïrï dai gïn aadati ïgai yukuxi totoakami dai dagï guka ïgai soubarhi aagadï.

Apokalipsis 8:2

Dai tïï aanï kubarakami Diuxi tïtïañikarudï xi ami gukatadai Diuxi buidïrï dai gïn maakiatu ïïmo trompeta ïïmadutai ix tukïdï gaiibadagi ïgai.