Lukas 20:36 - Northern Tepehuan Bible

³⁶ Ka duduaka ïgai ïpamu dai kaxkïdï ïpïan dukamikamu ïgai Diuxi tïtïañikarudï. Ka mai koimu ïgai tudu maamaradïkatai ïgai Diuxi.

Tepehuan Northern: Diuusi ñiooquidʌ utuducami oodamicʌdʌ

³⁶ mʌʌca camaitʌcooyi cascʌdʌ. Moscaduduaacacai ʌgai ʌpan ducamica agai Diuusi tʌtʌaañicarudʌ ʌgai ʌrDiuusi maamaradʌ.

Lukas 20:36 Kruisverwysings

Mataibo 22:30

—Daiñi, xïxkadï gïn duduakagi koidadï ka maiti gaïmadï bipiïdamu ïgai. Amaxi ïpïan maaxkamu ïgai tïtïañikarudï Diuxi ix makïdï tïbagiana daraka. Kïïga gï maatï tudu sai go tïtïañikarudï Diuxi maiti gaïmadï bipiïyi tudu— itïtïdai.

Markos 12:25

Daiñi— itïtïdai, —Xïïxkadï duduakagi koidadï ka mai kukuntai ïgai tomarhi mai ontai, mos ïpïan dukamikana ïgai Diuxi tïtïañikarudï ix makïdï Diuxi ïmadï daraka.

Romanos 8:16

Xibi gïr iibhïdaga gïr aagidimi xi aatïmï ïr maamaradï Diuxi dai Diuxi Ibhïadï gïr aagidimi ïpï xi gia ïr buaboi gobai.

1 Korintios 15:26

Dai bhodïrï kugatïrï Suxi ugitituda agai go mukigami sai ka mai kona odami.

1 Korintios 15:42

Dai pomaaxi ka agai gïr tukugakïdï ïpï ka duduakïkai aatïmï. Gïr tukuga ix makïdï bia aatïmï xibi muki agai dai xatuidimu dïï gia go utudui tukugai ix makïdï biakamu aatïmï ka duduakakai ka mai koi agai tomarhi ïmo imidagai.

1 Korintios 15:49

Daiñi, maa Diuxi tukugadï bïïxi oidakami ix maaxi maa ïgai go tukamïrï kïïrhi oidigi daama oidakami, go Adán tudu. Dai podukai ïpï aatïmï ix makïdï buaboitudai Suxi Kristo gïr maakimu ïgai tukuga ix maaxi bia Suxi Kristo ix makïdï tïbagiana daja.

Filipenses 3:21

Ïgai tudu bia gubukarhigai xi tïanïdagi bïïxi ixtumaxi dai bïïxi ixtumaxi bia xi ïïgiadagi. Dai go galbaaxi gubukarhigakïdï ïma maaxtuda agai Suxi gïr tukuga aidï dibiakai ïgai. Xibi mai xii gubuka gïr tukuga dai otoma ugiatïi. Dïï aidï gia gïr maakimu ïgai gïr tukuga utudui ix makïdï ïpïan maaxkamu ix makïdï bia ïgai. Dai ïgai tukugadï gia kïï gubuka dai kïï tiodi dai mai ugiti agai. Pomaaxika agai gïr tukuga utudui tudu.

Apokalipsis 21:4

Xibi Diuxi buana agai bïïxi odami suañibharudï. Xibi ka mai tipukamu mukigami tomarhi soigamudagai tomarhi suanïdagai tomarhi kokodagai. Bïïxi ixtumaxi ïkidadï ugiti agai tudu— ikaiti go ñoki.

Apokalipsis 22:9

Dïï gia pobai in tïtïdai ïgai, —Cho— in tïtïdai. —Maiti pobuada. Aanï ïr gï ïpïan dukai di. Aanï ïpï mos ïr pioñigadï Diuxi ïpïan dukai aapi ïmadï bïïxi go gaa ñokituldiadamigadï Diuxi. Ïpïan ïï namïakami bïïxkatai ix makïdï ïïgida kaïkana idi libro tudu. Gï agai xi mosïkaxi Diuxi xadutuada aapi podukai bhaiyoma— in tïtïdai.