Lukas 2:36 - Northern Tepehuan Bible

³⁶ Dai ami go gïï kiupiïrï dakatadai ïmo rhiokodami Ana tïgidukami ïpï. Ïmo ñokituldiadamikatadai ïgai Diuxi dai ïr maradïkatadai go Penuelikaru daidi ïr pipiixaradïkatadai go Asielikaru. Ïmadï bitadai ïgai ïmo kïïrhi ïkioma dïï kubarakami umigikïdï mutadai go kïïrhi.

Tepehuan Northern: Diuusi ñiooquidʌ utuducami oodamicʌdʌ

³⁶ Ami Jerusaleenʌrʌ oidacatadai ʌmo oocodami Aana tʌʌgiducami. Ʌgai ʌrPanuelicaru maradʌcatadai daidʌ ʌrcajiudadʌ Asielicaru. Dai ʌgai ʌrDiuusi ñiooquituldiadamigadʌcatadai. Aidʌsidʌ ʌrtʌjicatadai cunai ʌgai ʌmo cʌʌli. Dai bo cuvaracami uumigicʌdʌ viuudutu.

Lukas 2:36 Kruisverwysings

Lukas 2:35

Podukai gï maaxitudamu ix dukatai gïn tïtïitoi odami. Dai aapi Maria sïïrhikïdï gï ayimu soi ïrhiaragai— itïtïdai Ximuñi.

Lukas 2:38

Dai kia ñokaitadai go Ximuñi xi ami miadïrï kïkiba go Ana dai aagai xïï bhai gï ïrhidi ïgai Diuxi bïïtarï nïiditai go arhi xïïñi. Dai aidï abhiadïrï aatagidiña ïgai mui odami aagaitai go arhi xïïñi. Aatagidiña ïgai go odami ix makïdï nïnïrakatadai xi dibiagi go kïïgakïrï bubiadami go judidiu bïïtarï tudu.

Hechos 2:18

Aidïpïrï maakimu aanï gin Ibhïdaga go ix makïdï gin ïïgiadagi kïkïïrhi saagida oki baidi ïmadï daakana ïgai. Bai ïgai maaxi agadamu gin ñoki.

Hechos 21:9

Daidi Pirhi maamarakatadai maakoba oki. Mai kia ïr kukunakamikatadai ïgai dai ïr aagadami Diuxi ñokidï ïpï.

1 Korintios 11:5

Dïï go oki gia gï agai ix iñapikagi momodï. Ïgai ïr ïmo parunaragai kunadï bui ix mai iñapikagi modï xïxkadï gadaanïdagi Diuxi ïmpaiñdaragïrï. Dai podukai ïpï xïxkadï aagiadagi Diuxi ñokidï. Ix pobuadagi ïgai mai iñapikatai momodï gobai ïr ïmo xaïraragai. Gïn aagidamu aanï ix maaxi gobai. Daiñi, ¿mai ix xaïraraga ix ïmo oki ïmo kïïrhi dukai ikidagi kuupadï? Ïmo kïïrhi dukai ibuayi ïgai kaxkïdï. Dai podukai ïpï ix daanïda ïgai Diuxi mai iñapikatai modï. Gobai ïr xaïraragai ïpï.

1 Korintios 12:1

Gin susukurhi, Diuxi Ibhïadï gïr maakai naana maaxi gubukarhigai. Dai xibi ipïrhidi aanï ix kïïga maatïkagi aapimï ix tumaxi ïr buaboi gokïdï dai gïn aagida iñagai ïmo ñoki.

1 Tomoteo 3:2

Kaxkïdï ïmo nukadakami buaboitudadami gï agai xi kïï buañixikami dukai oidakagi sai mai tipukagi ixtukïdï gïpiïrï bupadagi jaa. Maiti gï agai tudu xi mui oki biakagi. Gï agai bhaiyoma xi ïmadugakagi oñigadï. Dai gï agai xi kïï gï tïgito nïijada ïgai bïïxi aïkatïrï ixtuma buadagi sai kïï bhai maaxkagi. Dukami, gï agai xi kïïga miadaidarakagi ïgai xïïxkadï daibidagi jaa. Dai gï agai xi maatïtai tïtïgiadagi ïgai ñoki ïpï.

1 Tomoteo 5:9

Bia aapi ïmo paperhi xako ojixi go bipiudu ix makïdï bhai aa sai óídaka agai Suxi Kristo bïïtarï ibuadatai aaduindadï Suxi Kristo. Ïgai ïr go bipiudu ix makïdï go buaboitudadami maaki agai soiñi ixtukïdï óídakagi. Dai xibi gï aagidamu aanï ix makïdï bipiudu gï agai xi gïn ojagi ami. Daiñi, gï agai xi ojagi ami mosïkaxi bipiudu ix makïdï ka bhaibitu baikobhai umigi dai ix makïdï kïïga xadutugi kunakarudï mai ïmadï biïkai ïmai.

Apokalipsis 7:6

dai podukai ïpï go Aser dai go Naftali dai go Manases