Lukas 17:30 - Northern Tepehuan Bible

³⁰ Dai pomaaxkamu ïpï xïïxkadï dibiagi aanï. Aidïpïrï maaxitudamu Diuxi xorai aanï dai ïr otosadï Diuxi dai ïmo kïïrhi busai. Aidï gia bïïxi óídakami gin nïijadamu xorai aanï—.

Tepehuan Northern: Diuusi ñiooquidʌ utuducami oodamicʌdʌ

³⁰ Poduucai ʌpʌduuñimu ʌʌpʌ siʌʌscadʌ diviagi aanʌ ismaacʌdʌ viaa ʌmo sʌʌlicami.

Lukas 17:30 Kruisverwysings

Mataibo 16:27

—Gï agai sai maatïkagi aapimï tudu sai imimu aanï tami oidigi daamaiñdïrï dïï gia ayimu ixtuigako dibiamu aanï ïpamu. Aanï ix makïdï ïr otosadï Diuxi dai ïmo kïïrhi busai tudu. Dibiamu aanï gubukarhigadïkïdï gin Oga dai gin oijadamu tïtïañikarudï Diuxi. Dai dibiakai maakimu aanï bïïxi óídakami ixtumaxi ajïakagi ïgai nïiditai aanï ixtumaxi idui ïgai tami oidigi daama. Ïïmoko maakimu aanï bhai ïrhiaragai dai jaa maakimu aanï gïgïbidaragai.

Mataibo 24:3

Dai gokiïrï go gidi Olibo tïgidukïdïana dakatadai Suxi daidi mamaatïrdamigadï ïkobai aatagai ïgai ïmadï daidi potïtïdai, —Gïr aagidañi xïxkadï po gï duña agai gobai go gïï kiupaikïdï ix makïdï gïr aagidi aapi— itïtïdai. —¿Dukatai maatïkamu aatïmï xïïxkadï karhioga ïpamu dibiagai aapi tudu dai xïïxkadï karhioga ugiti agadagi oidigi?— itïtïdai.

Mataibo 24:37

Dïï gia aanï aagai sai xïïxkadï ka ïpamu dibia in agadagi aanï tami oidigi daama sai óídakami ïpïan ibuadamu aidïxi oidakatadai go Noékaru. Po tudu ikaiti aanï ix makïdï ïr otosadï Diuxi dai ïmo kïïrhi busai.

Mataibo 26:64

Dai Suxi potïtïdai, —Ïjï, kïï aagai aapi. Aanï ïr Diuxi otosadï ix makïdï ïmo kïïrhi busai— itïtïdai. —Dai ayimu ixtuigako saidi gin nïijadamu aapimï sai sïïrhixapadïrï daibamu aanï Diuxi. Ïgai bïïxi adama ïr Tïanïdami tudu, dai ïgai gin maakimu sïïrhikami xi ami daibamu aanï. Dai gin nïijadamu aapimï ïpï xïïxkadï tïbagiañdïrï dibiagi aanï iikomai saagida— itïtïdai.

Markos 13:26

Aidï gia gin nïijadamu odami xi dibiamu aanï bïïxi gin gubukadakïdï dai ïïgi gin kudagigakïdï makïdï bia aanï gin abhana. Aanï ïr Diuxi otosadï ix makïdï aagai Diuxi ïïki dai podukai dibiamu aanï. Iikomai saagida dibiamu aanï.

Lukas 17:24

Daiñi, mai mosïkaxi chïki óídakami nïijadamu xïxkadï dibiagi aanï ïpamu. Kïïga nïijada agai bïïxi óídakami bhaiyoma. Ix maaxi xïïxkadï bïpïdokïdagi oidigi dai mïkaxdïrï maaxi pomaaxkamu xïxkadï dibiagi aanï ïpï. Bïïxi óídakami nïidamu tudu.

Lukas 17:29

Dïï gia aidïxi busai go Lot abhai Sodomañdïrï Diuxi surhi táí tïbagiañdïrï ïmadï asufre dai bïïxi naato koi óídakami.

Lukas 21:22

—Aidï kaxi gï sïïrhiñdamu Diuxi soimaaxi ibuadami ïmadï tudu bai gï iduñagi bïïxi ixtumaxi ojixi Diuxi ñokidïrï.

Lukas 21:27

Aidï gia gin tïïgimu óídakami aanï ix makïdï ïr otosadï Diuxi dai ïmo kïïrhi busai. Gin tïigimu ïgai xi ïmo ikomai saagida dibiamu aanï kïïga biakatai aanï gubukarhigai dai xadutudaragai.

1 Korintios 1:7

Dai kaxkïdï xibi ka bia aapimï bïïxi aïkatai go gubukarhigai ix makïdï maakai Diuxi go buaboitudadami. Dai xibi bïïxi bhai gïn ïrhiaragakïdï nïnïraka aapimï ix dibiagi Suxi Gïr Nukadakami.

1 Korintios 1:8

Ïgai tudu gïn soiñamu xibi ix kabakan dukai gukibana aapimï gïn buaboidaragïrï asta go kugatïrï tasïrï ukami bai podukai xïïxkadï dibiagi Suxi Kristo Gïr Nukadakami mai tipukagi tomarhi ïmo ixtumaxi ixtukïdï gïpiïrï gïn bupadagi jaa.

Kolosenses 3:4

Dïï gia kïïga maatï aatïmï sai mosïkaxi bïïnakatai aatïmï Suxi Kristo bhaiga aatïmï xi kïïgakïrï óídakagi. Mai tipu ïma dukai. Kïïga maatï aatïmï gobai tomaxi mai maatï aatïmï kia ix maaxika agai gïr utudui oidakaraga. Dïï gia xïïxkadï ka kïïga gï maaxitudagi Suxi Kristo xïïxi ïr gïdukami ïgai dai ka biakagi gïdukami xadutudaragai amaxi biakamu aatïmï xadutudaragai ïgai ïmadï ïpï.

2 Tesalonicenses 1:7

Go gaa soimaaxi gïn taatamiturhi dïï Diuxi gïn maakai ïmo ibhïxtaragai gïn ibhïdagïrï. Dai gokiïrioma gïr maakimu ïgai ibhïxtaragai bïïxkatai aatïmï buaboitudadami xïïxkadï gï maaxitudagi Suxi Gïr Nukadakami dibiakai ïgai tïbagiañdïrï. Amaxi dibiamu ïgai ïmadï tïtïañikarudï kabami gupukami dai ïmadï imïdamu ïmo táí kabami gubuakami ïpï.

1 Pedro 1:13

Aapimï gïn bïïtarï tudu go kïïgakïrï bubaidaragai ix makïdï aagaiña go ñiñokituldiadamigadï Diuxi ïïki. Dai kaxkïdï abïr bhai gïn duka dai kïï sïïrhi tïtïgitoda. Kïïga buaboitudaitai abïr nïnïraka go bhai ïrhiaragai ix makïdï gïn maakimu Diuxi xïïxkadï dibiagi Suxi Kristo ïpamu tudu. Aidï bïïxi óídakami nïijadamu go Suxi dibiakai ïgai dai bïïxi óídakami maatïkamu xorai ïgai.

1 Pedro 1:7

Daiñi, gïn aagidamu aanï ïmo maaxidaragai ñoki gokïdï. Kïïga maatï aapimï sai odami taiyïrï dadasai oro dai mïmïidiña sai podukai kïïga maaxkana gobai ix makïdï buaboikïdï ïr go ïïgi oro. Dai podukai ïpï xïïxkadï soimaaxi taatamadagi aapimï buaboitudadami podukai kïïga maaxkana ix bhai buaboikïdï buaboitudai aapimï. Dai xïïxkadï apia kïïga buaboitudagi aapimï gobai bamioma namïga xi bhai go oro. Go oro mai bïïxkïrï bïïtarï kabaka tudu tomaxi kïïga gï mïidagi dai kïïga buañixikagi gobai. Dïï gia xïïxkadï ïpamu dibiagi Suxi dai gï maaxitudagi xorai ïgai aidï Diuxi kïïga ñokadamu gïn bïïtarï kïïga buaboitudaitai aapimï. Dai oidakamu gïdukami xadutudaragai gïn bïïtarï aidï ïpï.

1 Pedro 4:13

Bhai gïn ïrhiadabïrai bhaiyoma. Gobai ix makïdï taatamaimi aapimï ïr ïmo urabaragai Suxi Kristo ïmadï kaxkïdï. Ïgai podukai soimaaxi taata ïpï tudu. Dai gobai itïiya ïrhidi sai gia kabami bhai gïn ïrhiadamu aapimï xïxkadï dibiagi ïgai ïpamu xïïxkadï gï maaxitudagi xïï xigiamaaxi ïgai dai xïï kabami ïr gubuakami ïpï.

1 Juan 2:28

Kïïga gïn oigïdai aanï aapimï gin aaduñi, maamaradïkatai aapimï Diuxi. Apia abïr kïïga urabakatai óídaka Suxi Kristo ïmadï tudu sai podukai xïïxkadï dibiagi ïgai ka kïïga ïïmadagi aapimï dai mai xaïradagi aapimï.

1 Juan 3:2

Gin aaduñi, kaxi ïr maamaradï aatïmï Diuxi xibi. Dïï gia maiti gïr tïtïïgidi Diuxi kia ix maaxka ragai aatïmï xïïxkadï dibiagi Suxi Kristo. Dïï gia kïïga maatï aatïmï sai xïïxkadï dibiagi Suxi Kristo kïïga nïijadamu aatïmï dai maatïkamu ix maaxi ïgai. Dai mos nïiditai aatïmï ix maaxi ïgai aidï gia ka ïpïan mamaaxkamu aatïmï ïgai.

Apokalipsis 1:7

Kïïga gï tïgito kaïka idi ñoki, daiñi, ayimu ixtuigako dibiamu Suxi Kristo iikomai saagida imïitai dai bïïxi óídakami nïijadamu. Asta go odami ix makïdï sïi kuruxiana xixakai bïïxi nïijadamu ïpï. Dai bïïxi oidigi daama óídakami kabami suanïdamu nïiditai. Kïïga ïr buaboi xi pobai gï duñagai gobai.