Lukas 17:22 - Northern Tepehuan Bible

²² Dai bhodïrï maa Suxi ïmo ñoki mamaatïrdamigadï daidi potïtïdai, —Aanï ïr otosadï Diuxi ix makïdï ïmo kïïrhi busai. Dai aanï aagai sai imimu aanï idi oidigi daamaiñdïrï. Dai gokiïrï ayimu ixtuigako nïijada ïrhiadamu aapimï ix dibiagi aanï ïpamu. Dïï aapimï mai nïidamu ix dibiagi aanï.

Tepehuan Northern: Diuusi ñiooquidʌ utuducami oodamicʌdʌ

²² Dai amaasi potʌtʌdai ʌSuusi gʌmamaatʌrdamiga: ―Aimu istuigaco aapimʌ ipʌliadamu isgatʌaanʌda aanʌ ismaacʌdʌ viaa ʌmo sʌʌlicami tami tomasi ʌmo tasai dʌmos maiaimu amaasi.

Lukas 17:22 Kruisverwysings

Mataibo 9:15

Daidi potïtïdai Suxi, —Gïn aagidamu aanï ïmo maaxidaragai aatagi sai maatïkana aapimï ix tui. Daiñi, aanï ïr ïmo ontadami dukai ïmo kunataragïrï. Dai gin mamaatïrdamiga ïr bapaidarxikami dukai ami go kunataragïrï. Kaxkïdï gï agai sai kïïga bhai gïn ïrhiada ïgai dai gakuada gin ïmadï darakatai. Xadïrï soi gïn ïrhidiña ïgai dai maiti gakuadana kia ïmadï dakatai aanï tudu. Dïï gia ayimu ixtuigako maigobai gin baidakatudamu aanï dai aidï gia maiti gakuadamu ïgai ïïmo imidagai ïmo xadutudaragai dukai— itïtïdai.

Markos 2:20

Dïï gia xudu aanï ix makïdï gin onta iñagai ka maigo imiagi aidï gia mai kuada antaada go bapaidarxikïdï xadutudaitai. Dai podukai aanï ïpï. Daiñi, ayimu ixtuigako aanï ix makïdï gin onta iñagai imimu tabhiadïrï dai aidï gia ix makïdï ïr gin bapaidarxikami gia mai dïïkamu kuadagai dai podukai xadutuadamu— itïtïdai.

Lukas 13:35

Dai xibi otoma ka dagitomu aanï gïn kii dai ka maiti gin nïijadamu aapimï asta xïïxkadï aagadagi aapimï ïmo bhai ïrhiaragai ñoki in aagaitai aanï. Aidï po kaitidamu aapimï sai, Diuxi maakana bhai ïrhiaragai ïgai ix makïdï ïr Diuxi otosadï, ikaitidamu aapimï gin aagaitai aanï. Dai aidï gia gin nïijadamu aapimï ïpamu— itïtïdai.

Lukas 5:35

Dïï gia gokiïrï ayimu ixtuigako maigo imimu aanï ix makïdï ïr nobio duu dai aidï gia gin aaduñi mai kuadatai gadaanïdamu mai dakatai aanï— itïtïdai.

VUAANA 12:35

Dai Suxi itïtïdai, —Gïn aagidamu aanï xorai gin aagai ïïgi aanï. Aanï ïr go kudagi óídakami bïïtarï. Dai xibi mosïkaxi chïki tasai biakamu aapimï go kudagi gïn ïmadï kia ixtukïdï kïïga ajiopada aapimï kïï maaxikatai boi. Gï agai ix otoma bhïiya aapimï boi tudu, tadu gïn ayi tukagi. Kaxkïdï tudu odami ix makïdï tukapi ajiopai mai maatï tomarhi xajako imi agai.

VUAANA 13:33

—Aapimï ïr miadïrï gin aaduñi dai kïïga gïn oigïdai aanï— itïtïdai. —Xibi ka mai xii tïbïpi dakamu aanï gïn ïmadï kia. Dai gokiïrï ka imïkai aanï aapimï gin gaagadamu dai maiti gin tïigimu— itïtïdai. —Potïtïdai aanï go judidiu ïpï ïkioma. Dai xibi gia ka aijimi ix imïdagi aanï dai aapimï maiti ixtutiadamu ix gin oidagi.