Lukas 16:13 - Northern Tepehuan Bible

¹³ —Daiñi, ïmo sosiaxikami dukai pioñi mai bhaiga xi biakagi goka amudï. Kaxkïdï tudu bamioma oigïdamu ïgai ïmoko dai go gïmai mai xu go kaxi. Ipïrhiadamu xi ïmadï dakagi ïmoko dai dagitomu ïgai go gïmai. Pomaaxi go sosiaxikami dukai pipioñi tudu. Dai podukai ïpï mai bhaiga aapimï xi adaimuagi go tuminxi dai oijadagi Diuxi ïpï. Mai bhaiga aapimï xi bïï gokatai bïïtarï óídakagi tudu— itïtïdai.

Tepehuan Northern: Diuusi ñiooquidʌ utuducami oodamicʌdʌ

¹³ Tomali ʌmo piooñi maitistutuidi isgoocaducagi aamudʌ, cʌʌdadan tada ʌgai ʌmoco dai oigʌadagi ʌgʌmai, ʌʌgiadan tada ʌgai ʌmoco dai maiʌʌgiadagi ʌgʌmai. Sioorʌ oigʌadagi gʌvustuidaga maitistutuidi isʌʌgiadagi Diuusi ―astʌtʌdai ʌSuusi.

Lukas 16:13 Kruisverwysings

Mataibo 4:10

Daidi Suxi potïtïdai, —Imïdañi tabhiadïrï aapi diabora— itïtïdai. —Diuxi ojadï ikaiti sai, Mosïkaxi Diuxi Gïr Nukadakami buidïrï gï agai xi oigïda ñokada aatïmï dai xadutuada podukai— itïtïdai.

Mataibo 6:24

—Gïn aagidamu aanï ïpï ïmo maaxidaragai aatagi go tuminxikïdï— itïtïdai. —Daiñi, ïmo gapioñi sabïdixikami mai bhaiga xi gokadukagi tïtïanïdamigadï ¿aba? Ix gokadu biakagi ïgai aidï gia mosïkaxi ïmoko oigïdamu dai kïï bimu ïmadï dai go gïmai ïmadï mai kïï bimu dai kïïdadamu ïgai. Dai podukai ïpï mai bhaiga ïmoko xi ïr pioñigadïkagi Diuxi dai adaimuagi go tuminxi ïpï— itïtïdai Suxi.

Lukas 11:23

Ïmo kokoadami aanï tudu dai xorai maiti gin urabagi kaxi ïr gin buidïrï bïïtïkami. Ïmpaidimi aanï gin aaduñi tudu. Dai ix makïdï ïr gin buidïrï bïïtïkamiga ïïko darasaimi go odami ix makïdï bapaidimi aanï sai gin urabana— itïtïdai Suxi go odami.

Lukas 14:26

Gï agai xi kïïgioma in oigïdada ïgai aanï xi bhai xi xïïxi oigïdai ïgai ogadï tudu xiïpï dïïdï xiïpï oñigadï dai maamaradï dai susukurhidï dai xixïgidï. Gï agai xi kïïgioma in oigïdada ïgai aanï xi bhai xi asta ïïgi ibhïadï tudu. Pokaxi gï agai xi gin oigïdada ïgai, ïma dukai mai bhaiga ïgai xi ïr gin mamaatïrdamigakagi— itïtïdai.

Lukas 16:12

—Daiñi, Diuxi ïgai dai gïn nukaturhi ixtuma bia aapimï. Ïgai tuidadï gobai. Tañubidikami bia aapimï gobai tudu. ¿Dai ix mai kïï ibuadagi aapimï gokïdï ix makïdï maiti ïr gïn tuidaga dukatai gïn óídana Diuxi ixtumaxi namïakami sai ïïgi gïn tuidagakagi?—

Lukas 16:9

Dai aanï aagai sai aapimï gï agai xi gïn tïgito nïijadagi ixdukatai ibuadagi ïpï. Gï agai tudu xi soikïdagi aapimï jaa gïn buxtuidagakïdï sai gïn oigïda ïrhidiña ïgai. Podukai gokiïrï xïïxkadï ka maiti ibuadagi soiñi gïn buxtuidaga ka iimïkai aapimï tami idi oidigi daamaiñdïrï aidï gia ix makïdï soi aapimï gïn miadïgidamu bhai ïrhiarakïdï gïn kiiyïrï tïbagiana. Ami gïn kii mai ugiti agai tomarhi ïmo imidagai tudu— itïtïdai Suxi mamaatïrdamigadï aagaitai ïmo maaxidaragai ñoki.

Lukas 9:50

Dïï mos go Suxi potïtïdai, —Maiti abïr daidada. Maiti gin buidïrï kaatïkan buayi ïgai po budatai. Dai xorai maiti gïn bui kaatïkagi ïgai ïr gïn soikïdami— itïtïdai.

Santiago 4:4

Daiñi, Diuxi bïïtarï ïpïan dukami aapimï ïmo oki ix makïdï oidiña ïmai kïïrhi tomaxi maiti ïr kunadï. Oidiña aapimï go tami oidigi daama óídakami tïgibudadï soimaaxkïdï tudu. Pobuayi aapimï gaagaitai gïn bhai ïrhiaraga ixtumaxiïrï oidaga tami oidigi daama. Bamioma ïïmadai aapimï go soimaaxi tïgibudagai ix makïdï oidaga tami idi oidigi daama tudu dai mai ïïmadai aapimï Diuxi. Gï agai sai maatïkagi aapimï tudu sai odami ix makïdï adaimïi pomaaxkami tïgibudagai ïr buidïrï bïïtïkami Diuxi.