Lukas 15:24 - Northern Tepehuan Bible

²⁴ Ka mukiadï ïrhiditadai aanï idi in maara di. Dai xibi tami duakakami kïïka. Xibhï imiadïkatadai gobai dai xibi ka tïï aatïmï ïpamu— itïtïdai go kïrhiodami go pipioñi daidi idui bagimi.

Tepehuan Northern: Diuusi ñiooquidʌ utuducami oodamicʌdʌ

²⁴ Idi giñmara casi ʌrmuuquiadʌcatadai dai ʌpamu duaaca casi ʌrsibʌ imiadʌcatadai goovai tʌtai ʌpamu tʌʌ”, ascaiti ʌoogadʌ daidʌ idui vagimi.

Lukas 15:24 Kruisverwysings

Genesis 45:28

—Xibi gia tumaxi gin biïga— itïi ïgai. —Kaxi ïr buaboi xi kia daja gin maara Jose tami oidigi dama. Bïïxkïrï nïidamu aanï kia mai kia mukukai aanï— itïi go Jakobo.

Mataibo 8:22

Daidi Suxi potïtïdai, —Cho— itïtïdai. —Daiñi, gï oga kia ïr mukiadï duu ibhïadï. Kaxkïdï dagitoñi go aaduñdï ix makïdï koidadï duu ibhïadï ïpï sai yaasana. Dai aapi mos sai gin oijada— itïtïdai.

Markos 8:22

Dai gokiïrï ayi ïgai Betsaidïrï, mïtai ami buapi ïmo kïïrhi mai nïadami, dai daañimi sai taatana.

Lukas 10:19

Daiñi, gïn maa aanï gubukarhigai xi tomaxi kïixapadagi aapimï kookoyi xiïpï naakasorai mai xïduñimu aapimï. Gïn maa aanï gubukarhigai ïpï sai asta go diabora maiti ixtuidana gïn buidïrï. Mai tipu ixtumaxi soi gïn buadagi tudu. Dai kïïga ïr buaboi saidi ïr ïmo bhai ïrhiaragai xïïxkadï gïn ïïgiadagi go diabora tïtïañikarudï

Lukas 15:23

Buapabïrai go baka maara ix makïdï gimutudai aatïmï ïpï dai mua tïtai iduñi bagimi.

Lukas 15:25

Daidi xïgidï go gïrhi no xibhï gaatabuadatadai no dïjoana. Dai laachkïdï ka aijimi ïgai kiiyana ïpamu dai kaï go ibaragai ïmadï go tudaidagai ami.

Lukas 15:32

Dïï gia xibi ka dibia gï sukurhi. Aatïmï ïmo mukiadï ïrhiditadai dai xibi ka duakatu. Xibhï imiadïkatadai ïgai dai xibi ka tïï aatïmï ïpamu. Kaxkïdï gï agai xi bagimituda aatïmï di— itïtïdai.

Lukas 15:4

—Ix ïmadutai aapimï sosiakagi ïmo ciento kañiñiru dai ïmoko kuga imiagi, ¿Mai ix no baaxi oidigana biayiña ïgai go gaa kañiñiru dai maigobai gaagaiña ix makïdï xibhï jii asta xudu tïï?

Lukas 19:10

Daiñi aanï ïr otosadï Diuxi ix makïdï ïmo kïïrhi busai dai dibia aanï gaaga iñagaitai odami ix makïdï ïr xibhï iimiadï Diuxi bïïtarï. Dai aapi Zakeo ïr ïmoko ix makïdï gaagaitadai aanï. Dibia aanï dai kïïgakïrï bubaida iñagai soimaaxi ibuadami tudu— itïtïdai.

Lukas 9:60

Daidi Suxi potïtïdai, —Dagitoñi sai ix makïdï koidadï gïn duduna iibhïadï sai ïgai yaasana aaduñdï xïxkadï koiyagi. Aapi kïïrhi ix gin oijada ïrhiada aapi gï agai gï agai xi aipako aagadagi xïï kïïga gatïanïi Diuxi— itïtïdai.

VUAANA 11:25

Dai Suxi itïtïdai aidï, —Aanï ïgai ix makïdï duduakatudai koidadï di. Dai aanïkïdï kïïgakïrï óídaga óídakami ïpï. Odami ix makïdï gin buaboitudai, tomaxi koi ïgai bïïxkïrï kïïgakïrï duduaka agai.

VUAANA 5:21

—Daiñi, Diuxi gin Oga kïïga duakatudai koidadï dai aanï ïr Diuxi Maradï dai aanï ïpï duakatudai xorai ipïrhiada aanï.

Romanos 11:15

Maiti ipïrhi go judidiu xi buaboitudagi Kaxkïdï xibhï gïn ayi bïïxi go gaa óídakami bïïtarï xi buaboitudagi dai kïïgakïrï bubuakiagi. ¿Ix tuma oidaka agai aidï go judidiu bïïtarï xudu ka buaboitudagi ïgai? Gïn aagidamu aanï ix tumaxi oidakamu ïgai bïïtarï. ¡Daiñi, bïïxkatai ix makïdï buaboitudagi dai mukiagi gïn duduakatuda agai ïpamu!

Romanos 12:15

Xïïxkadï bhai gïn ïrhiadagi gïn aaduñi Diuxiamadïrï, aapimï abïr bhai gïn ïrhiada ïpï. Dai xudu soi gïn ïrhiadagi ïgai, aapimï abïr soi gïn ïrhiada ïpï ïgai ïmadï.

Romanos 6:11

Podukai ïpï abïr tïgito ajiopada aapimï sai kaxi ïr koidadï aapimï go soimaaxkami bïïtarï. Dïï gia abïr tïgito ajiopada ïpï sai xibi bhai ïrhiatudai aapimï Diuxi gïn oidakaragakïdï ïpï bïïna darakatai aapimï Suxi Kristo.

Romanos 6:13

Maiti abïr gatïïgida gïn tukuga xi ïr aaduinkarudï go soimaaxkami tudu. Bhaiyoma abïr gïn tïïgida xi ïr Diuxi aaduinkarudïkana aapimï xi ibuadagi aapimï ixtumaxi ïr kïïga. Aapimï ka gokiamako bia go mukigami aidï dai kaxi ïr duduakakami kïïgakïrï. Kaxkïdï abïr gatïïgida gïn tukuga bai podukai ïïgiadagi aapimï ixtumaxi ïr sïïrhi.

Romanos 8:2

Xibi Diuxi Ibhïadï ïgai dai gïn tïanïi dai gïn maakai gubukarhigai sai kïïgakïrï óídakana aapimï. Ka bïïnakami aapimï Suxi Kristo kaxkïdï. Dai kaxkïdï ïpï go soimaaxkami ka maiti gïn tïanïi dai go mukigami ka maiti gïn ajïi ïpï.

1 Korintios 12:26

Pomaaxi ïpï xïxkadï kokoakagi lïïchi tukugadï ïmo odami. Mai bhai taadakana bïïxi tukugadï aidï. Dai ix lïïchi gïr tukuga biakagi ïmo bhai ïrhiaragai maaxi aidï gia bïïxi gïr tukuga bhai gï ïrhidi. ¿Maiti ix ïr buaboi gobai?

Efesios 2:1

Ïkioma ïr koidadïkana gïn iibhïdaga soimaaxi buadatai aapimï. Mai ïïgidiña aapimï Diuxi kaxkïdï.

Efesios 2:5

Kaxkïdï tomaxi ïr koidadïkatadai gïr iibhïdaga ïkioma soimaaxi buadatai aatïmï bïïxkïrï Diuxi gïr duakaturhi Suxi Kristo ïmadï. Diuxi gia kïï tuiga tudu dai kaxkïdï kïïgakïrï gïr bubaitu ïgai.

Efesios 5:14

Kaxkïdï odami ikaitiña, —Nïñiñi aapi kosokami Daidi bañigi koidadï saagidañdïrï ka duakakai Baidi Suxi Kristo gï kudaidana— ikaitiña odami.

Kolosenses 2:13

Gin aaduñi, ïkioma ïko darakatadai aapimï Diuxiañdïrï. Koidadï dukaikana aapimï Diuxi bïïtarï tudu soimaaxi ibuadamikatai aapimï. Aidï kia biakatadai gïn ïïkidadï tïgibudagai soimaaxkïdï. Mai kia maigobai dasakatadai gobai gïn ibhïdagaiñdïrï aidï. Dïï gia tomaxi pomaaxkatadai aapimï bïïxkïrï Diuxi gïn oigïrhi bïïxi gïn soimaaxkamiga dai gïn duakaturhi bïïnakai aapimï Suxi Kristo.

1 Tomoteo 5:6

Dïï gia maiti gï agai xi soikïdagi aapimï bipiudu ix makïdï adaimïiña ïïgi bhai ïrhiaradï. Ïgai ïr koidadï dukai ibhïgadï tomaxi tukugadï kia duakaka maaxi.

Udaxi 1:12

Go tïtïïgiadami yaatagi ïgai ïr ïmo xaïraragai gïn bïïtarï gïn saagida darakatai ïgai xïïxkadï ibuadagi aapimï ïmo urabaragai kuadagaikïdï. Ïpïan dukami gobai xïïxkadï gïr yukuxi sarabidikagi tukuragai. Xaïraraga gobai tudu. Go kïkïïrhi ïgai bhaibitukami gakuadana gïn urabaragïrï tudu dai mai buamï gïn ïrhidi ïgai ix gïn tïgitokagi ix tuma bïïtarï go urabaragai. Mosïkaxi ïïgi bïïtarï buamï ïrhidi ïgai tudu. Maiti ibuayi ïgai soiñi jaa bïïtarï tudu. Ïpïan dukamikana ïgai iikomai ix makïdï bhïï aimïrai ïbïrhi dai mai dukitudai oidigi. Dai ïpïan dukami ïgai uxi ix makïdï ka bainkumi dai mai taataka dai mai ibhiatai ka gakixakai gobai ïpï. ¿Tumaxi ïr soiñikana ïgai tudu?

Apokalipsis 3:1

Dai bhodïrï ix makïdï gin ñokidi dai odami maaxi gin tïtïdai, —Ojidañi aapi ïmo ojai go buaboitudadami nukadakamigadï Sardixiïrï ïpï. Dai adukai ojida aapi, Aanï gin ïmadï daja bïïxi gubukarhigadï Diuxi Ibhïadï gin ïmadï dajatai ïgai. Dai aanï ïgai dai dagïka go kubarakami xixabugai ïpï. Dai pokaiti aanï sai maatï aanï bïïxi ixtumaxi ibuayi aapimï. Maatï aanï sai jaa pobïnïrhidi sai kïïgakïrï gin oijadaimi aapimï. Dïï tomaxi ïr buaboi saidi ïr buaboitudadami aapimï bïïxkïrï mai kïïga gin oijadaimï aapimï. Mai kïïgakïrï duduakakami duu óídaga aapimï tudu.