Lukas 14:11 - Northern Tepehuan Bible

¹¹ Dai pomaaxi aatabuayi Diuxi ïpï. Daiñi, Diuxi dumaltuda agai bïïxkatai ix makïdï tïka darakïdï gïn ïrhiadagi ïïgi dai ix makïdï dumarhi darakïdï gïn ïrhiadagi ïgai gia Diuxi tïkabioma darasamu— itïtïdai Suxi go gaa bapaidarxikïdï.

Tepehuan Northern: Diuusi ñiooquidʌ utuducami oodamicʌdʌ

¹¹ Ʌgai ismaacʌdʌ siooma gʌducʌdʌ gʌʌliadagi ʌgai siooma maitʌrgʌducʌdʌcamicamu dai ʌgai ismaacʌdʌ siooma maigʌducʌdʌ gʌʌliadagi ʌgai siooma ʌrgʌducʌdʌcamicamu ―astʌtʌdai ʌSuusi ʌoodami.

Lukas 14:11 Kruisverwysings

Mataibo 23:12

Diuxi dumaltuda agai xorai ïmo gïdukami gï ïrhiadagi ïïgi tudu dïï gia xorai mai gïdukïdï gï ïrhiadagi ïgai gia ïmo gïdukami aagadamu Diuxi— itïtïdai Suxi go odami.

Lukas 1:51

—Dïï gia óídaga odami ix makïdï ïr buidïrï bïïtïkamigadï Diuxi gïgïrdukïdï gïn ïrhiditai ïgai. Dïï gia Diuxi maitïkïi buidïrï bïïtïkamigadï dai ïjïkobai mïïmïkaxi bipiayi. Podukai mamaaxidi Diuxi xïïxi ïr gubuakami ïgai.

Lukas 1:52

Oidakana jaa ïpï ix makïdï ïr gïgïrdukïdï tïtïanïdamikana dai Diuxi dumaltu dai popoki ïgai sïïrhikamigadï. Dai oidakana jaa ix makïdï ïr soititigamikana dai Diuxi tïsagi saidi ïr tïtïanïdamikana ïgai.

Lukas 14:12

Dai kia ami kuadagiïrï dakatadai Suxi daidi potïtïdai ïgai go ix makïdï baitadai, —Aapi kïïrhi, xïxkadï bapaidagi aapi jaa sai gï urabana ïmo kuadagiïrï maiti bapaidada aapi ix makïdï kïïga ïïmadai aapi tomarhi gï xixïgi, tomarhi jaa gï aaduñi, tomarhi ix makïdï maatï aapi sai kïï gïn bipidaka. Tadu gï báí ïgai ïmo kuadagiïrï ïpï dai gokiïrï Diuxi gï tïdamu, Kaxi gï báí go gaa ïmo kuadagiïrï dai gobai kaxi ïr gï maitïki. Ka mai tipuka agai bamioma maitïki aapi gï bïïtarï— gïn tïdamu ïgai.

Lukas 18:14

Dai aanï aagai sai go taanïdami kuota gia busai go kiupiañdïrï dai jii kiiyamu ka kïïga oigïrhikatai soimaaxkamigadï dai go gïmai ix makïdï kïï tuigakami gï aagaiña ïïgi gia cho. Daiñi, Diuxi dumaltudamu xorai tïkabi gï dasagi ïïgi. Dai Diuxi tïkabi bañidamu xorai dumarhikami gï ïrhiadagi ïïgi ïpï— itïtïdai Suxi.

Santiago 1:9

Gin aaduñi Diuxi amadïrï, gï agai sai kïïga bhai gïn ïrhiada aapimï ix makïdï ïr soititigami dai ix makïdï jaa odami mai namïakami dukai nïidi. Gï agai sai bhai gïn ïrhiadagi maatïkatai sai Diuxi gia kïïga namïakami dukai gïn nïidi.

Santiago 4:10

Maiti abïr gïgïrdukïdï gïn ïrhiada aapimï Gïr Nukadakami buitapi tudu bai ïgai kïïga namïakami gïn aagamu.

Santiago 4:6

Dai tomaxi oijada antaadakagi aatïmï ïïgi gïr tïgibudaga soimaaxkïdï Diuxi bïïxkïrï kïï tuiga dai gïr soikïi saidi ïgai oijadiña aatïmï bhaiyoma. Agia kïï tuiga Diuxi gïr bïïtarï. Kaxkïdï pokaiti Diuxi ñokidïrï saidi, Odami ix makïdï gïgïrdukïdï gïn ïrhidi ïr buidïrï bïïtïkamigadï Diuxi. Dai kïï tuiga Diuxi odami bïïtarï ix makïdï mai gïgïrdukïdï gïn ïrhiadagi. Kïïga soikïi ïgai tudu, ikaiti go ojai.

1 Pedro 5:5

Dai aapimï uutu iimïdami, gï agai sai ïïgiada dai xadutuada aapimï go bhaitï gukakamigadï go buaboitudadami ïpï. Gï agai sai mai tïtïanïdami dukai gïn ïrhiadagi aapimï toma lïïchi dai bhaiyoma gï agai sai gïn soikïdagi aapimï aipakoga. Diuxi ojadï ikaiti sai, Buidïrï kaatï Diuxi go odami ix makïdï gïgïrdukïdï gïn ïrhiadagi. Dïï gia soikïi ïgai odami ix makïdï mai gïgïrdukïdï gïn ïrhidi, ikaiti Diuxi ojadï.

1 Pedro 5:6

Sïïrhikïdï gubuka Diuxi tudu. Dai kaxkïdï gï agai sai dagitoagi aapimï saidi gïn tïanïdagi Diuxi mai gïgïrdukïdï gïn ïrhiditai aapimï. Ix pobuadagi aapimï aidï gia xïxkadï Diuxi ipïrhiadagi gïn maakimu ïgai oigaragai saidi gïn xadutuadagi jaa.