Lukas 13:13 - Northern Tepehuan Bible

¹³ Dai taata ïïkadïkïdï bai otoma sïïrhi kïkiba go oki dai aagai xïïxi ïr gïdukami Diuxi.

Tepehuan Northern: Diuusi ñiooquidʌ utuducami oodamicʌdʌ

¹³ Mosdaama darai ʌgai gʌnoonovi taidʌ ʌooqui gʌsʌʌli, dai gʌaagacai cʌʌga ñioo Diuusi vui.

Lukas 13:13 Kruisverwysings

Mataibo 9:8

Dai bïïxkatai go odami nïidi dai ka mai tïtïgaitadai ix dukatai gïn tïtïïgitoagi daidi ikaitimi, —Xïïxi ïr gïïdukami Diuxi dai gïr otoxi ïmo kïïrhi kïïga biakami gubukarhigai— ikaitimi go odami.

Markos 16:18

Kookoyi buimu ïgai ïpï dai xi yïïdagi ïgai kodakaru maaxi mai xïduñimu ïgai. Duduadamu ïgai kokokoñiadï mos taatakai ïgai— itïtïdai Suxi.

Markos 5:23

Dai sïïrhikïdï daañimi ïgai go Suxi, —Gin maara oki karhioga mukimi. Gin oigïdakai mïï daama darasa aapi gï noonobi bai duadïna xi mai mukiagi ïgai— itïtïdai go Jairo.

Markos 6:5

Daidi go Suxi mai tïtïïgaitadai ixdukatai gï tïtïïgitoagi nïiditai xïïxi mai buaboitudai go odami. Dai ka mai bhaiga ïgai xi ibuadagi gïïgïrï aaduindagai ami xako gïrakami ïgai. Mos daama dáí noonobidï dai duadi chïki kokokoñiadï dai mosïkaxi. Bhodïrï jii ïgai abhiadïrï dai maigobai dadiji arhi kiiki xako chïchïkidu bhaabhaki dai ami gamamaakaiña ñoki.

Markos 8:25

Taidi Suxi noonobikïdï ïpamu taata bupuidï go kïïrhi dai go kïïrhi kïïga gï tïgito nïidi dai xibi gia ka bhai gï dui nïadagadï dai bïïxi aïkatai nïidi kïïga.

Lukas 13:12

Dai tïïgakai Suxi go oki báí ïgai sai miadïrï kïkibana daidi potïtïdai, —Aapi oki, ka mai kokoadïkamu aapi xibi abhiadïrï bhaitiakoga— itïtïdai.

Lukas 18:43

Dai mos po tïkai Suxi go ix makïdï mai nïadatadai ka nïnïaba bii. Dai oi ïgai go Suxi dai aagaimi xïïxi ïr gïdukami Diuxi. Dai jaa mui odami aagaimi ïpï xïïxi ïr gïdukami Diuxi tïïgakai go ix ka nïayi go kïïrhi.

Lukas 4:40

Dai aidï urunoko karhioga dupikai tasai mui óídakami bua aaduñdï ix makïdï biakatadai naana maaxi kokodagai. Buapi ïgai go Suxi dai ïgai mos taata ïkadïkïdï dai ka duduadi bïïxkatai.

Hechos 9:17

Daidi jii Ananias kiidïrï Udaxi xako dakatadai Saulo dai ami baakïkai daama darai gï ïïka daidi itïtïdai, —Gin aduñi Saulo, Suxi Gïr Nukadakami gin otoi bhaigobai. Suxi ïgai dai gï maaxitu gï buitapi boiyaiñdïrï. Ïgai gin otoi saidi aapi ïpamu nïnïabana dai sai ïmo tïgibudagai bhïiyagi aapi ïmadï Diuxi Ibhïadï— itïtïdai Ananias.