Lukas 13:11 - Northern Tepehuan Bible

¹¹ Dai ami dakatadai ïmo oki ix makïdï bhaibuxtama dan mamaakoba umigi abhiadïrï kokokatadai. Ïmo diabora tïañikarudï dakatadai ïgai ïrana dai tupixtudakatadai. Maiti ixtutuidikïi ïgai xi sïïrhiñdagi tukugadï toma lïïchi.

Tepehuan Northern: Diuusi ñiooquidʌ utuducami oodamicʌdʌ

¹¹ Vai ami daacatadai ʌmo ooqui ismaacʌdʌ cabaivustaama dan mamacova uumigi coococatadai. Ʌmo Diaavora tʌaañicarudʌ topostudacatadai vai ʌgai maitistutuiditadai isgʌsʌʌliñagi tomali palʌpi.

Lukas 13:11 Kruisverwysings

Mataibo 4:23

Dai bhodïrï aipakoga jii Suxi ami Galileana. Bapakïiña ïgai kikiupaigadïrï go Judidiu dai ami gatïtïïgidi ïgai ñoki. Aagidiña ïgai odami go bhai ïrhiaragai ñoki aagiditai sai ka bhai otoma gatïanïda agai Diuxi. Podukai gamamaakaiña ïgai aatagi. Dai duduadaiña ïgai bïïxi go naana maaxi kokokoñiadï ïpï.

Markos 9:21

Daidi Suxi gatïkakai ogadï go kokoadï, —¿Bïïkidï abhiadïrï pobuayi gobai?— itïtïdai. —Arhidukatai abhiadïrï— ikaiti ogadï go arhi gïrhi.

Lukas 13:12

Dai tïïgakai Suxi go oki báí ïgai sai miadïrï kïkibana daidi potïtïdai, —Aapi oki, ka mai kokoadïkamu aapi xibi abhiadïrï bhaitiakoga— itïtïdai.

Lukas 13:16

¿Kaxkïdï mai ix ïr sïïrhi xi soiñagi aanï idi oki ïpï? Daiñi, go diabora ka burakami duu biakatadai idi oki bhaibuxtama dan mamaakoba umigi kokoadïkatai gobai. ¿Mai ix gï agai ix duadiagi gobai tomaxi ibhïxtaragai tasïrïkagi gobai? Ïmo pipiixaradï gobai go Abraamkaru ïpïan dukai aapimï di— itïtïdai.

Lukas 21:28

Daiñi— itïtïdai. —Xïxkadï utudama pobuimi bïïxi ixtumaxi gïn aagidi aanï gobai itïiya ïrhidi sai ka miadaimi ix kïïgakïrï bubuakiagi aapimï. Kaxkïdï xïxkadï po gï duñagi gobai aapimï ix makïdï ïr gin mamaatïtuldiadamiga abïr kabakan dukai gukada dai abïr bhai gïn ïrhiada— itïtïdai.

Lukas 8:2

ïmadï chïki oki ïpï. Ïïmadutai go oki kokokoñiadïkatadai ïkioma dai ïïmoko biakana diabora tïtïañikarudï dai duduaditadai go Suxi dai xibi aipakoga oidiña ïgai. Ïmoko Maria tïgidukatadai ix makïdï Magdalena aagaiña odami. Ïgai biakatadai kubarakami diabora tïtïañikarudï dai Suxi bubaitutadai.

Lukas 8:27

Dai ami oidakatadai ïmo kïïrhi biakami tïtïañikarudï diabora. Mui umigi mai kiiyïrï oidakatadai ïgai dai mai yukusukana. Nobai yaasakaru koidadï saagida oidakatadai ïgai tudu biakatai diabora tïtïañikarudï.

Lukas 8:43

Dai ami go odami saagida imïitadai ïmo oki ix makïdï ka bhaibuxtama dan goka umigi abhiadïrï oiditadai kokodagai ïradïkïdï. Dai ton gaagaitadai ïgai duduadadami mai tïï xorai ixtutiadagi ix duadiagi.

Hechos 3:2

Dai bïïx tasai ami dadaïjïiña ïmo kïïrhi ix makïdï arhidukatai abhiadïrï maiti ixtutuidikïiña xi aimïrdagi. Jaa odami ami kiupiïrï buapaiña go kïïrhi dai kuuparana Kïï Tiodikïdï agaikïdï abhai bipiaiña bai tanïna ïgai soiñi odami ix makïdï ami bapakïi.