Lukas 1:7 - Northern Tepehuan Bible

⁷ Dai go Elisabet mai bhaigakatai xi mamaatadagi xi kaxkïdï mai maamarakatadai ïgai dai ïkobïrakoga kaxi ïr kïkïrhiodamikatadai ïgai bïï gokatai ïpï.

Tepehuan Northern: Diuusi ñiooquidʌ utuducami oodamicʌdʌ

⁷ Dʌmos maimaamaracatadai ʌgai, ʌElisabeeta maitistutuiditadai ismaamatadagi cascʌdʌ. Casi ʌroocodamicatadai ʌgai daidʌ ʌcʌʌli casi ʌrcʌliodamicatadai.

Lukas 1:7 Kruisverwysings

Genesis 17:17

Dai go Abraam mos kuiki dai pobï ïrhi, —Xadïrï tïïgana aatïmï ïmo arhi odami mos ïï mui umigi biakatai aatïmï— gï ïrhidi. —Aanï ka bia ïmo ciento umigi dai go Sara ka bia maakokobhai dan bhaibuxtama umigi— gï ïrhidi ïgai dai mos aasïi.

Genesis 25:21

Dai go Rebeka mai bhaiga ix tïïgiadagi aarhi ix kaxkïdï Isaak tanïi oigaragai Gïr Nukadakami xi soiñana Rebeka. Dai Diuxi kaï Isaak ñokidï dai Rebeka tïï ïmodïrï goka aarhi.

Lukas 1:5

Aapi Teofilo, gï aagidamu aanï ix dukatai daibusai tukamïrï abhiadïrï. Daiñi, aidïxi dakatadai go kïïrhi Herodes dai gïï dunukamikatadai ïgai go Judea munisipiïrï, aidï oidakatadai ïmo kïïrhi Zakarias tïgidukami ïpï. Ïgai ïr ïmo dadaxdadamikatadai dai urabakatadai ïgai jaa dadaxdadami ix makïdï Abhiaxi aaduñdï gïn aagaiña. Dai oñigadï go Zakarias Elisabet tïgidukatadai dai ïgai ïr pipiixaradï go Aaronkaru.

Lukas 1:6

Dai kïï tutiakatadai go Zakarias ïmadï Elisabet Diuxi buidïrï kïïga ïïgiditai ïgai ixtumaxi tïjai Diuxi. Podukai óídakaiña ïgai tudu bïïxkïrï xi kaxkïdï mai tipukatadai ixtukïdï gïpiïrï bupadagi jaa.

Lukas 1:8

Dai ïmo imidagai gï ajïakatadai go Zakarias ïmadï aaduñdï dadaxdadami xi ibuadagi aaduindadï Diuxi buitapi ami go gïï kiupiana Jerusalenïrï.

Romanos 4:19

Go Abraamkaru ka biakatadai parï ïmo ciento umigi dïï bïïxkïrï apia kïïga buaboitu ïgai Diuxi tomaxi nïidi ïgai ïïgi tukugadï ix ka mai biakatadai gubukarhigai ixtukïdï tïïgiagi aarhi. Dai maatïkatadai ïgai sai go Sara mai bhaigakatadai xi tïïgiagi aarhi ïpï.

Hebreos 11:11

Dai go Sara kïïga buaboitu ïpï dai kaxkïdï ixtui ïgai ix maratagi tomaxi kaxi ïr okodamikatadai ïgai. Ka daibusaitadai ixtuigako maratadagi ïgai dïï bïïxkïrï kïïga buaboitu ïgai Diuxi sai ïgai bïïxkïrï ibuayi ixtumaxi aagadagi dai kaxkïdï maara ïgai.