Lukas 1:46 - Northern Tepehuan Bible

^46-47 Daidi go Maria ikaiti, —Agia bhai gin ïrhidi aanï aagaitai xïïxi ïr gïdukami gin Tïanïdamiga. Ïgai tudu ïr gin Diuxiga dai kïïgakïrï gin bubiadamiga.

Tepehuan Northern: Diuusi ñiooquidʌ utuducami oodamicʌdʌ

⁴⁶ Amaasi icaiti María: Aliʌ siaa duutudai aanʌ Diuusi.

Lukas 1:46 Kruisverwysings

Romanos 5:11

Dai ïkobïrakoga xibi Diuxi ïgai daidi ïr gïr bhai ïrhiaraga, ka bhai dunakai Gïr Nukadakami Suxi Kristo xi biakagi aatïmï urabaragai ïmadï Diuxi.

1 Korintios 1:31

Kaxkïdï maiti gï aagai ix po tïiyagi aatïmï sai ïïgi gïr gubukarhigakïdï namïga aatïmï. Bhaiyoma gï aagai ix potïiya aatïmï sai mosïkaxi Suxi Kristo ïgai ix makïdï namïga.

2 Korintios 2:14

Kïïga ïr buaboi tudu sai mai ibhïxtakan taadakana aanï mos ïï buamï in ïrhiditai gïn bïïtarï. Dïï gia gï agai sai maatïkagi aapimï sai mai soi gin ïrhidi aanï dai bhaiyoma bhai gin ïrhidi Diuxikïdï maatïkatai sai ka urabaka aatïmï Suxi Kristo dai maatïkatai ïpï sai xibi Diuxi gïr bhaitï imïi toma xako ajiopadagi aatïmï ka maitïkai ïgai go buidïrï bïïtïkamigadï. Dai xibi aatïmïkïdï aatabuayi Diuxi saidi óídakami aipakoga maatïna xorai go Suxi Kristo. Dai gobai kïïga bhai ïrhiaraga, xïïxkadï óídakami ka kïïga maatïkagi Suxi Kristo tudu. Ïpïan bhai ïrhiaraga gobai xïïxkadï po gï buadagi ïmo daxdaragai kïï xigian ubadami Diuxi bïïtarï. Kïïga bhai ïrhiaraga gobai.

Filipenses 3:3

Dïï gia aatïmï ix makïdï kïïgakïrï xadutudai Diuxi gubukarhigadïkïdï Diuxi Ibhïadï, aatïmï gia kïïgakïrï ïr maamaradï Diuxi. Aatïmï tudu ix makïdï gïïpi bia bhai ïrhiaragai bïïna darakatai aatïmï Suxi Kristo. Aatïmï ix makïdï mai buaboitudai ixtumaxi ibuadagi aatïmï ïïgi gïr gubukarhigakïdï tudu.

Filipenses 4:4

Dai bïïxkatai aapimï, abïr bhai gïn ïrhiada bïïnakatai aapimï Suxi Kristo Gïr Nukadakami. Gïn aagidamu aanï ïpamu abïr bhai gïn ïrhiada aapimï.

1Tesalonicenses 5:23

Gïr susukurhi, daanïi aatïmï Diuxi sai gïn soiñana sai go ïïgi Diuxi bïïtarï óídakaiña aapimï. Diuxi tudu ïgai dai gïr maakai ibhïxtaragai. Daanïi aatïmï ïgai sai gïn nukadakana sai maiti gïn sarabidana soimaaxkami tomarhi gïn ibhïdagïrï tomarhi gïn tïgibudagïrï tomarhi gïn tukugïrï. Daanïi aatïmï sai kïï buañixikami gïn biakana ïgai tudu asta xïïxkadï ïpamu dibiagi Suxi Kristo Gïr Nukadakami. Podukai mai tipukamu ixtukïdï gïpiïrï gïn bupadagi ixtumaxi dibiakai ïgai.

1 Pedro 1:8

Gin aaduñi, kïïga oigïdai aapimï go Suxi Kristo, tomaxi mai nïidi aapimï. Apia buaboitudai aapimï tomaxi mai nïidi aapimï kia tudu. Dai mai tipu ñoki ixdukatai aagagi xïï kabami bhai gïn ïrhidi aapimï buaboitudatai aapimï Suxi.