Lukas 1:32 - Northern Tepehuan Bible

³² —Ïmo gïdukami gubukadagai biakamu ïgai dai odami pokaitadamu sai ïgai ïr Maradï Diuxi ix makïdï bïïxi adaama gatïanïi. Pipiixaradïka agai ïgai go rey Dabidkaru. Dai Diuxi dasamu ïgai Rey ix duu dáítadai ïgai Rey go Dabidkaru ïïki.

Tepehuan Northern: Diuusi ñiooquidʌ utuducami oodamicʌdʌ

³² Dai siaa duutuadamu muidutai ʌSuusi. Dai pocaitiadamu gooviava ʌrDiuusi maradʌ ʌvaamioma gʌʌ baitʌcʌaacami. Dai Diuusi maaquimu ʌSuusi sʌʌlicamigadʌ gʌaduñi Davicaru.

Lukas 1:32 Kruisverwysings

2Sa 7:16

—Nukada iñagai piipixaradï ïgai xi ïgai tomaxi tuigako Rey ka agai dai bia ka agai gï gubukadaga— ikaiti Gïr Nukadakami.

Mataibo 1:1

Tami ojixi ix tïtïgidu ïïkidadï aaduñdï Suxi Kristo. Sai Suxi Kristo ïr pipiixaradï go Rey Dabidkaru tudu. Dai go Dabidkaru ïr pipiixaradïkatadai go Abraamkaru. Tami bhaitïki aagai ix dukatai pogïdui gobai.

Mataibo 12:42

—Dai go reina Sebañdïrï oidakami ami buitapi Diuxi baan kïkibamu ïpï dai ïgai ïpï maaxi aagamu xïï kabami ïr soimaaxi ibuadami aapimï. Kïïga maatïkatadai ïgai sai kïïga saitudaga tïgibudadï go Solomon ïïki dai kaxkïdï sïïrhikïdï mïkaxdïrï jii dai dibiji kaïka ïrhiditai aatagidï. Dai aanï tami gïn saagida daja. Mai bia aapimï xi mïkaxi iimiagi dai kaïkagi gin aatagi tudu. Dai gïïpi bamioma ïr namïakami aanï xi bhai go Solomon. Dïï bïïxkïrï maiti ipïrhidi aapimï xi kaïkagi gin ñoki. Kaxkïdï gïpiïrï gïn bupadamu go reina xïxkadï amïka Diuxi buitapi gukakagi aapimï— itïtïdai.

Mataibo 28:18

Dai ami buidïrï ayi Suxi go mamaatïrdamigadï daidi potïtïdai, —Ka bhïiyi aanï ïmo sïïrhikami dai bïïxi adaama ïr Tïanïdami aanï tami oidigi daama dai mïï tïbagiana ïpï.

Mataibo 3:11

Daidi potïtïdai Juan go odami ïpï sai, —Aanï maiti ïr go otosadï Diuxi ix makïdï nïnïraka aapimï. Gokiïrioma dibiamu ïgai kia— itïtïdai. —Gïïpi bamioma gatïanïi ïgai xi aanï tudu. Aanï tomarhi maiti gin ajïga xi ibuadagi go bamioma arhidukïdï aaduindagai ïgai bïïtarï. Maiti gin ajïga aanï tomarhi xi upasdagi aanï sususakadï ïmo arhi pioñigadï dukai. Dai aanï mosïkaxi sudagikïdï gïn bapakonai ka ïmadukai gïn tïtïgitokatai aapimï. Dïï gia Diuxi otosadï gia Diuxi Ibhïadïkïdï gïn bapakonadamu ïmadï táíkïdï. Sïïrhikïdï ïr gïdukami ïgai tudu daidi ïr gubuakami— itïtïdai.

Markos 14:61

Dïï mos go Suxi mos dodorhi bii dai mai taadaga. Daidi go gïï bhaitï kïakami daxdadami potïtïdai aidï, —Aatïmï bïïxkatai gia buaboitudai Diuxi. ¿Aapi pïxi ïr ïgai daidi ïr Diuxi otosadï gïr bhaitï kïakami dai Diuxi maradï?— itïtïdai.

Markos 5:7

Dai Suxi potïtïdai, —Aapi Diabora tïañikarudï dagitoñi idi kïïrhi— itïtïdai. Baidi go Diabora tïañikarudï gïïgïrï iñakitu go kïïrhi daidi potïtïdai, —¿Tui pïxi dibia aapi Suxi tami xako aimïrai aanï? Aapi ïr maradï Diuxi ix makïdï bïïxi adama ïr gïïdukïdï. Gï daanïi aanï gïr nïiditai Diuxi pïxi maiti gin soi duada— itïtïdai.

Lukas 1:35

Dai go tïañikarudï Diuxi potïtïdai aidï, —Gï dibidamu Diuxi Ibhïadï dai ïgaikïdï gï ayimu Diuxi gubukarhigadï gï abhana. Podukai nonoakami bimu aapi. Dai kaxkïdï kïïga buañixikamu gï maara ix makïdï buapamu aapi dai odami Diuxi Maradï aagadamu—.

Lukas 1:76

Dai bhodïrï go Zakarias aagai ïmo ñoki maradï bïïtarï daidi potïtïdai, —Aapi gin maara, Diuxi ïgai daidi ïr Gïr Nukadakami bïïxi adaama gatïanïitai ïgai. Dai aapi bhaitï imimu Gïr Nukadakami dai bhai duñimu bogïdï xïïxkadï dibiagi ïgai. Kaxkïdï ïmo ñokituldiadamigadï Diuxi gï aagadamu odami.

Lukas 3:16

Dïï gia go Juan potïtïdai go odami, —Aanï gia maiti ïr Diuxi otosadï ix makïdï nïnïraka aapimï. Gokiïrioma dibiamu ïgai— itïtïdai. —Gïïpi bamioma gubuka ïgai xi aanï tudu. Aanï tomarhi mai ajïi xi ibuadagi go bamioma arhidukïdï aaduindagai ïgai bïïtarï. Mai ajïi aanï tomarhi xi upasdagi sususakadï ïpïan dukai ïmo arhi pioñigadï tudu. Daiñi, aanï mosïkaxi sudagikïdï gïn bapakonaiña dïï gia Diuxi otosadï gia Diuxi Ibhïadïkïdï gïn bapakonadamu ïmadï táíkïdï. Agia ïr gïdukami ïgai daidi ïr gubuakami— itïtïdai.

Lukas 6:35

—Daiñi— itïtïdai. —Aanï aagai sai gï agai bhaiyoma xi oigïdada aapimï asta go odami ix makïdï ïr gïn buidïrï bïïtïkamikagi. Kïïga abïr buidada tudu dai abïr tañubida ixtumaxi gïn tañiagi ïgai tomaxi po gïn ïrhiada aapimï sai mai aa noraida antaada. Ix pobuadagi aapimï aidï gia kïïga buimu aapimï gïn maitïkiga dai kïïga maaxitudamu aapimï saidi ïr maamaradï aapimï Diuxi ix makïdï bïïxi adaama ïr Ga Tïanïdami. Diuxi kïï tuiga buidïrï bïïxi odami tudu tomaxi galtutiakagi ïgai dai ix makïdï mai bhai ïrhiadagi Diuxi bui tomax Diuxi kïï buididi ïgai.

VUAANA 12:34

Daidi go odami itïtïdai aidï, —Aidï gia maiti ïr Diuxi otosadï aapi ¿aba? Ka pokaiti aapi sai muki agai dai kïïga maatï aatïmï sai go ojaïrï ix makïdï gïr biturhi Diuxi ami aagai sai bïïxkïrï bïïtarï oidaka agai go Ga Tïanïdami ix makïdï kïïgakïrï odami busi agai. Kaxkïdï xadïrï ïr ïgaikana aapi. ¿Tuixidï pokaiti aapi sai aapi ïr ïgai, muki agaitai aapi? ¿Xorai gï aagai ïïgi aapi tudu?— itïtïdai go odami.

VUAANA 6:69

—Aatïmï kïïga gï buaboitudai ix aapi ïr ïko dasadï Diuxi ix makïdï ïgai otoi tami oidigi daama— itïtïdai.

Hechos 16:17

Idi arhi oki aipako gïr oidatukïiña, aatïmï ïmadï Pabora tudu, dai iñakidana daidi ikaitidana, —Idi kïkïïrhi ïr pipioñigadï Diuxi go bïïxi adama bhaitï kïakïdï. Gobai gïn aagidimi ixdukatai kïïgakïrï bubuakiagi aapimï— ikaitidana go arhi oki.

Hechos 2:30

Ïki aidïxi mai kia mutadai go Dabidkaru ïgai maaxi aagaiña Diuxi ñokidï dai ïkiaxdïrï agaitadai ixtuma daibuña agaitadai xibi. Diuxi ïkiaxdïrï aagidi go Dabid sai dasa agaitadai ïmo pipiixaradï sai bhïna Dabid sïïrhikamigadï dai sai tïanïna ïmo Rey dukai.

Hechos 2:36

Dai apia gamamaakai ñoki go Piduru daidi ikaiti, —Kaïkabïrai bïïxkatai aapimï judidiu. Gï aagai mïx kïï maatïkagi sai ï galbaaxi Suxi ix makïdï xixa aapimï kuruxiana ïr Diuxi Otosadï Gïr Bhaitï Kïakamiga. Ïgai tudu ïr gatïanïdamika agai oidigi daama— itïtïdai Piduru.

Hechos 7:48

Dïï Diuxi bïïxi adama ïr gabhaitïkïakami dai mai oidaga ïgai kikiupiïrï ix makïdï odami ibuayi. Ïmo maaxi aagadami Diuxi ñokidï ka podukai oja ïïki di. Dai oja ïgai sai Diuxi ikaiti sai,

Romanos 1:4

Diuxi Ibhïadï gubukadadïkïdï duakatu Suxi Kristo ïpamu gokiïrï xi muu dai podukai gïr maaxitu Diuxi sai gia ïr Diuxi maradï ïgai. Ïgai tudu ïr Gïr Nukadakami.

Apokalipsis 3:7

Daidi go makïdï gin ñokidi dai odami maaxi gin tïtïdai, —Ojidañi ïmo ojai go buaboitudadami nukadakamigadï Filadelfiïrï ïpï. Dai adukai ojida aapi, Aanï Diuxi Ïko Dasadï tïgidu dai Sïïrhi Ibuadami tïgidu aanï ïpï. Dai bia aanï ï galbaaxi sïïrhikami ix makïdï biakatadai rey Dabidkaru. Ix dukai biakatadai ïgai sïïrhikami xi tïanïdagi Jerusalenïrï dai aagagi xorai baakiagi ami dai xorai mai baakiagi, aanï podukai bia sïïrhikami xi tïanïdagi dai maakiagi oigaragai ïïmoko xi bapakïdagi xako gatïanïi aanï. Dai bhaiga aanï xi daidagi xorai ipïrhiadagi aanï ïpï. Dai mai tipu xorai gin daidagi.