Lukas 1:30 - Northern Tepehuan Bible

³⁰ Dai go tïañikarudï Diuxi potïtïdai, —Maiti duadikuda aapi Maria. Diuxi kïïgakïrï gï nïidi tudu.

Tepehuan Northern: Diuusi ñiooquidʌ utuducami oodamicʌdʌ

³⁰ Tai amaasi itʌtʌdai ʌgai: ―María maitiduaadicuda, Diuusi cʌʌgacʌrʌ gʌnʌidi.

Lukas 1:30 Kruisverwysings

Genesis 6:8

Dïï gia Gïr Nukadakami apia bïïxkïrï bhai ïrhiarakïdï nïidiña go Noé.

Mataibo 14:27

Dïï gia Suxi potïtïdai, —Gïn kabakadabïrai go duadimudagai buidïrï gin aaduñi. Aanï an ïr Suxi. Maiti abïr duduadikuda tudu— itïtïdai.

Mataibo 28:5

Daidi go tïañikarudï Diuxi ñokidi go oki ix makïdï ami dadatadai daidi potïtïdai, —Maiti abïr duduadikuda. Kïï maatï aanï sai gaagai aapimï ïgai ix makïdï kuruxiana gï xixatu. Gaagai aapimï go Suxi tudu— itïtïdai.

Lukas 1:13

Dïï gia go Tïañikarudï Diuxi potïtïdai, —Maiti duadikuda aapi Zakarias— itïtïdai. —Kïïga gï kaïkana Diuxi daanïitai aapi xi kaxkïdï marata aagai gï aduñi ïmo arhi gïrhi. Bïrai Juan tïïtï ïgai— itïtïdai.

Lukas 12:32

Aapimï arhi kañiñiru duu dai Diuxi sosoigadï kaxkïdï maiti abïr buamï gïn ïrhiada. Chïkidu aapimï dïï bïïxkïrï ïr ïmo bhai ïrhiaragai Diuxi bïïtarï gïn maakaitai ïgai oigaragai xi ïgai gïn tïanïdagi— itïtïdai Suxi go mamaatïrdamigadï.

Hechos 27:24

bai ïgai gin tïtïdai, —Maiti duadikuda aapi Pabora— gin tïtïdai. —Gï agadamu kia xi baan kïkibagi aapi go César, go gïï tïanïdami Romïrï tudu. Diuxi gï oigïdai xi kaxkïdï kïïgakïrï bubuakimu bïïxkatai go ix makïdï gï ïmadï iimïi barkoïrï— gin tïtïdai go Diuxi tïañikarudï.

Romanos 8:31

¿Ix tïiya ïrhidi aidï gïr bïitarï idi ix makïdï gïn aagidimi aanï idi ojiïrï? Diuxi ïgai dai gïr abhana kïïka dai gïr soikïi ¿aba? ¡Xadïrï ixtuidïna gïr buidïrï bïïtïkami gïr bui aidï!

Hebreos 13:6

Kaxkïdï bhaiga aatïmï xi mai buamï rïrhiadagi gïr ïmadï dakatai Diuxi, tomaxi mai xii mui ixtumaxi biakagi aatïmï. Dai asta bhaiga aatïmï ïpï xi pokaitadagi sai, Diuxi ïgai dai gin nukadai. Kaxkïdï ¿Ix tuixi buamï iñïrhidiña aanï xi gin buidadagi óídakami? Diuxi gin nukadai di. Daiñi, gï agai bhaiyoma xi bhai gïr ïrhiadagi ixtumaxikïdï bia aatïmï. Ka kïïga bia aatïmï ixtumaxi kabami namïakami gïr ïmadï dakatai Diuxi tudu. Dai gï agai ix mai duduadikuda aatïmï ïpï gïr nukadakatai ïgai.