Jonas 3:8 - Northern Tepehuan Bible

⁸ Gïn aadabïrai bïïxkatai aapimï yukuxi kostatarhikïdï duñixikami ïmadï modukai gïn sosoiga buxtaki. Daidi abïr gïgïr daanïda Diuxi. Gï agai sai dagito aapimï gïn soimaaxkami ix makïdï ibuadana aapimï dai ka mai omarhigaka.

Jonas 3:8 Kruisverwysings

Jonas 1:14

Dai go iimidadami barkoañdïrï daañimi Gïr Nukadakami daidi potïtïdai, —Idi kïïrhi ïr duñidï— itïtïdai. —Maiti gïr dagito xi koiyagi aatïmï bïïxkatai ïgai ïmadï. Aapi adaama ïr Tïanïdami di. Dai aapi ibuayi ïïgi pïx dukatai ipïrhiadagi. Kaxkïdï aatïmï gï daanïi xibi xi maiti gïr aituldagi aapi gïïgïbidaragai xi muagi aatïmï idi kïïrhi sudaïrï daitudakai. Xi duñada maiti ïr duñidïkagi ïgai xi podukai gïr ayi go ïbïrhi— ikaiti barkoana iimidadami gadaanïitai ïgai Diuxi.

Jonas 1:6

Dai kapitañigadï go barko mïï kïkiba xako kaatïkatadai Jonas dai potïtïdai, —Nïñiñi aapi parïgami— itïtïdai. —Daañiñi go Diuxi ix makïdï buaboitudai aapi. Maatï xi ipïlda ïgai xi gïr soiñagi sai mai koiyagi aatïmï— itïtïdai.

Mataibo 3:8

Gï agai bhaiyoma sai kïïka ibuadagi aapimï dai podukai maaxitudagi ix bhai buaboikïdï ka ïmadukai gïn tïtïgito aapimï— itïtïdaiña.

Hechos 26:20

Daidi aipako aatagidi aanï óídakami. Ïpïgioma jii aanï Damaskamu dai abhiadïrï Jerusalenamu dai bïïxi aipako aatagidi aanï go judidiu xako Judea tïgidu oidigi. Dai podukai ïpï aagidiña aanï go ix makïdï maiti ïr judidiu ïpï sai gï aagai xi ïma dukai gïn tïtïgitoagi dai oijadagi Diuxi. Dai sai kïï bhai maaxkami dukai óídakaiña bai podukai maaxitudaiña ïgai xi gia ïr buaboi xi ka ïma dukai gïn tïtïgito ïgai.

Hechos 3:19

Kaxkïdï abïr ïma dukai gïn tïtïïgito aapimï dai ïmai boi bhïiyi, Diuxi amajako tudu. Buaboitudabïrai Diuxi bai ïgai buanadagi bïïxi gïn soimaaxkamiga ix makïdï ibuayi aapimï Diuxi bui. Aidï gia Diuxi Gïr Nukadakami gïn bhai gïn ïrhiatudamu.

Apokalipsis 11:3

Go Jerusalen ïgai daidi ïr gin tuixiki dukai tudu dai dagitomu aanï xi ïmo mirhi dan goka ciento dan baikobhai tasai gatïanïdagi go mai judidiu ami. Dïï gia otosamu aanï goka kïkïïrhi dai maakimu aanï gubukarhigai sai aagana gin ñoki ami. Dai ix xïïki tasai gatïanïdagi go gaa odami ix makïdï maiti ïr judidiu ami Jerusalenïrï po kaaki tasai maakimu ñoki gin ojotosa. Dai gin ojotosa soi gïn ïrhiadamu nïiditai ixtuma buayi go mai judidiu ami dai gïn aadatikamu ïgai soimaaxi yukuxi kostarhi duñixikami soigamukatai— in tïtïdai Diuxi.