Jonas 3:4 - Northern Tepehuan Bible

⁴ Tai baa Jonas bhaabhaki saagida Ninibeïrï ïmo tasai imidagai aïkami dai ami gïgïr iñokidimi ïgai dai potïtïdaimi ïgai óídakami, —Xibi abhiadïrï gokobhai tasaikïdï xia duada agai Gïr Nukadakami bhaabhaki ïmadï óídakami tanai— itïtïdai.

Jonas 3:4 Kruisverwysings

Jonas 3:10

Dai maatï tïï Diuxi sai ka ïmadukai gïn tïtïgito go óídakami. Dai ka ïmadukai gï tïgito Diuxi dai ka mai koi ïgai.

Mataibo 12:41

—Dai aanï aagai sai ayimu ixtuigako aagada agai Diuxi xorai kïïga idui dai xorai mai kïïga idui. Dai amaxi ami Diuxi buitapi gukakamu aapimï ix makïdï óídaga xibi ïmadï go ix makïdï Ninibeïrï óídakatadai ïïki ïpï. Dai aidï go Ninibeïrï óídakami gïpiïrï gïn bupadamu dai aagadamu sai aapimï kabami ïr soimaaxi ibuadami dai sai gïn ajïga gïgïbidaragai. Go Ninibeïrï óídakami gia ïma dukai gïn tïtïgito ïïki tudu dai aapimï gia cho. Ïgai gia otoma ïma dukai gïn tïtïgito mos kaïkai ñokidï go Jonas. Dai aapimï kaïkana aanï gin ñoki ix makïdï gïïpi bamioma namïga xi go Jonas. Dïï modukai aapimï maiti ipïrhi xi ïmadukai gïn tïtïgitokagi. Dai gokïdï gïpiïrï gïn bupadamu go Ninibeïrï óídakami— itïtïdai.

Lukas 11:32

—Dai go Ninibeïrï óídakami ïpï gukakamu ami Diuxi buitapi dai ami maaxi aagamu ïgai xïï kabami ïr soimaaxi ibuadami aapimï. Kaxkïdï tudu ïgai gia ïma dukai gïn tïtïgito ïki kaïkai ñokidï go Jonas. Dai aanï gïïpi bamioma ïr gïdukïdï xi bhai go Jonas dïï bïïxkïrï aapimï mai ïmadukai gïn tïgito kaïkatai gin ñoki— itïtïdai.