Isa 9:7 - Northern Tepehuan Bible

⁷ Bhïimu ïgai gubukadadï ix makïdï biakana go Rey Dabid ïïki. Tomax tuigako mos bïïx tasai bamioma gubukan kïïkiadamu ïgai gubukadadï ixtukïdï tïanïi ïgai dai mos kïïgioma oidaka agai ibhïxtaragai tipukatai kokodi ami xako tïanïda agai ïgai. Kïï sïïrhi aataduñimu ïgai dai aagadamu ixtumaxi ïr sïïrhikami. Kïï kaban kïkibamu gubukadadï ix dukatai tïanïda agai ïgai tomax tuigako. Gïr Nukadakami kïïgakïrï oigïdai aaduñdï kaxkïdï bïïxi gubukadadïkïdï gï aagamu ïgai dai kabakami kïïsamu gubukadadï gobai ix makïdï gïr otoxi ïgai.

Isa 9:7 Kruisverwysings

2Sa 7:16

—Nukada iñagai piipixaradï ïgai xi ïgai tomaxi tuigako Rey ka agai dai bia ka agai gï gubukadaga— ikaiti Gïr Nukadakami.

Isa 11:1

Ïmo uxi guikutikami daitudikami ipoñi ka agai ïpamu sonodïañdïrï. Go Isaí uxi sonodï gï dukamikana ïki abhiadïrï mukiadïkatai ïgai. Dai piipixaradïañdïrï oidaka agai ïpï ïmo ipuadï dukai ix makïdï ïr utudukami Rey ka agai.

Mataibo 1:23

Gïr Nukadakami potïtïdaitadai ïgai aidï saidi, Nonoakami bii agai ïmo arhi oki ix makïdï mai kia ïmadï bii tomarhi ïmo kïïrhi dai marata agai ïmo arhi xïïñi dai Emanuel tïïtïmu ïgai. Gobai ïr go ñoki ix makïdï aiturhi go ñokituldiadamigadï Diuxi go óídakami ïïki tudu. Dai go tïtiaradï go Emanuel itïiya ïrhidi sai Diuxi gïr ïmadï daja.

VUAANA 12:34

Daidi go odami itïtïdai aidï, —Aidï gia maiti ïr Diuxi otosadï aapi ¿aba? Ka pokaiti aapi sai muki agai dai kïïga maatï aatïmï sai go ojaïrï ix makïdï gïr biturhi Diuxi ami aagai sai bïïxkïrï bïïtarï oidaka agai go Ga Tïanïdami ix makïdï kïïgakïrï odami busi agai. Kaxkïdï xadïrï ïr ïgaikana aapi. ¿Tuixidï pokaiti aapi sai aapi ïr ïgai, muki agaitai aapi? ¿Xorai gï aagai ïïgi aapi tudu?— itïtïdai go odami.

Hebreos 1:8

Dïï gia gïïpi ïma dukai aagidi ïgai Maradï. Gïïpi bamioma namïakami aa ïgai tudu dai kaxkïdï potïtïdai sai, Aapi in Maara ïr Diuxi dai aapi gia bïïxkïrï bïïtarï biakamu sïïrhikami ix gatïanïda aapi ïmo gïï rey dukai, itïtïdai. Daidi ikaiti Diuxi ïpï aagaitai ïgai, Gin Maara gia kïïga sïïrhi aatabuada agai gatïanïitai ïgai, ikaiti.

Hebreos 7:24

Dïï gia Suxi bïïxkïrï bïïtarï oidaga dai mai ugutai oijada agai aaduindadï dadaxdamikatai ïgai bïïxkïrï bïïtarï.

Apokalipsis 19:11

Dai bhodïrï nïidi aanï ix gï kupiokatadai go tïbagi dai ami kïakatadai ïmo kabayo tojakami. Dai go kabayo daama daitugai ïgai ix makïdï bïïxkïrï ibuayi ixtumaxi aagagi dai bïïxkïrï aagai ixtumaxi ïr buaboi. Dai ïgai bïïxkïrï sïïrhi aatabuayi xïïxkadï gamaakadagi gïgïbidaragai dai xïïxkadï ibuadagi kokodi.