Hechos 13:8 - Northern Tepehuan Bible

⁸ Dïï go kïïdarakïdï bui ñokimi Bernabe ïmadï Saulo maiti ipïrhiditai xi go kaigi buaboitudagi Diuxi ñokidï.

Tepehuan Northern: Diuusi ñiooquidʌ utuducami oodamicʌdʌ

⁸ Amaasi ʌcʌʌdaracʌdʌ Barsuusi Elimasi vui ñiooquimi Bernabé ʌʌmadu Saulo daida ʌliditai ʌcaigi isvaavoituda ʌgai.

Hechos 13:8 Kruisverwysings

VUAANA 1:41

Dai otoma jii ïgai dai mïï aagidi Ximuñi daidi itïtïdai, —Ka tïï aatïmï go Ga Tïanïdami ix makïdï nïnïraka aatïmï— itïtïdai.

Hechos 13:12

Dai go kaigi mai tïtïgaitadai ix ïldagi kaïkatai Diuxi ñokidï. Dai buaboitu ïgai Gïr Nukadakami tïïgakai xi gï duitadai go kïïdarakami.

Hechos 18:12

Dai bhodïrï ïmo imidagai aidïxi go kïïrhi Galión ïr gïï dunukamikatadai Akayïrï bai go judidiu bïïxkatai bui bhaakoi Pabora dai bhïiyi dai mïï dunukamiïrï kïi.

Hechos 19:38

Daidi go Demetrio ïmadï go gaa aatabuadami biakagi ïmo ixtumaxi ïmo odami bui, gï agai xi dunukamiïrï aipako gïpiïrï gïn bupadagi ïgai dai ami bhai duñagi. Pomaaxi bïïtarï aatïmï dudunukami tudu dai pomaaxi bïïtarï oidaga ixtuigako gïr ïmpaidagi aatïmï dai bhai buadagi aatagi— itïtïdai.

Hechos 6:7

Dai aidïpïrï odami bïïxi aipadïrï óídakami kaïkana Diuxi ñokidï. Jerusalenïrï bamioma muidaimi go buaboitudadami dai muidutai go dadaxdadami judidiu buaboitu ïpï.

Hechos 8:9

Dai ami Samariana oidakatadai ïmo kïïrhi Ximuñi tïgidukami. Ïkioñdïrï abhiadïrï ïr tabïgamikana ïgai dai naana maaxi ibuadana ïgai yaatagiditai óídakami. Dai óídakami mai tïtïgaiña ixtumaxi gïn tïtïgitoagi nïiditai ixtumaxi ibuadana ïgai. Ïïgi pokaitiña ïgai saidi ïr ïmo gïdukami maatïkami. Gïdukami gï ïrhidi ïgai daidi ikaiti.

Hechos 9:36

Aidï Jopeïrï oidakatadai ïmo oki. Buaboitudadami ïgai dai Tabita tïgidu. Griego ñokikïdï Dorkas ikaidakatadai tïtiaradï. Go Tabita kïï tuigakana dai soikïiña ïgai soititigami.

2 Timoteo 3:8

Dai go kïkïïrhi ix makïdï buirumadai odami podukai arhiï soimaaxi tïgibudadï dai mai buaboikïdï buaboitudai. Ïgai bui bïïtïkana ixtumaxi ïr buaboi ïpïan dukai go Janes dai go Jambres ix makïdï bui bïïtïkana go Moises ïïki buirumadatai ïgai odami.