Genesis 8:17 - Northern Tepehuan Bible

¹⁷ —Dai bubaidañi bïïxi go ujurugi ïmadï kiiyïrï buxtaki dai oidigan buxtaki dai kïkïixi dai aarhi kïkïixi bai muidana ïgai ïpamu aipakoga— itïtïdai.

Genesis 8:17 Kruisverwysings

Genesis 1:22

sai bhodïrï aagai ïgai ïmo bhaiïrhiaragai ñoki bïïtarï gobai ix makïdï idui ïgai. Daidi itïtïdai ïgai —Muidabïrai dai aipako óídaka sudaïrï dai aapimï ujurugi ïpï abïr muida ïpï oidigi dama— itïtïdai.

Genesis 1:28

Bhodïrï Diuxi aagai ïmo bhai ïrhiaragai ñoki go odami bïïtarï daidi potïtïdai, —Kïïga abïr muida oidigi dama sai bhodïrï tïanïna aapimï ïmadï gïn maamara oidigi dama bïïxi ixtumaxi oidaga— itïtïdai. —Daiñi— itïtïdai. —Kaxi gïn maa aanï go batopa dai go ujurugi dai bïïxi go oidigi dama ajiopadami mïxi iduñagi ix dukatai bhai ïrhiadagi aapimï— itïtïdai.

Genesis 8:18

Dai bhodïrï tïbai Noé barkoañdïrï ïmadï aduñdï dai ïmadï maamaradï dai kaakaxdïïdï.

Genesis 9:1

Bhodïrï Diuxi potïtïdai go Noé ïmadï maamaradï sai, —Xibi abïr muida daidi sudada oidigi aipakoga— itïtïdai. Dai go ñokikïdï gobai Diuxi maa ïmo bhai ïrhiaragai abhana go Noé ïmadï maamaradï.

Genesis 9:7

Dai bhodïrï itïtïdai ïgai ïpï sai, —Gï agai mïx muidada aapimï dai sudada oidigi aipakoga— itïtïdai.