Genesis 6:8 - Northern Tepehuan Bible

⁸ Dïï gia Gïr Nukadakami apia bïïxkïrï bhai ïrhiarakïdï nïidiña go Noé.

Genesis 6:8 Kruisverwysings

Mataibo 24:37

Dïï gia aanï aagai sai xïïxkadï ka ïpamu dibia in agadagi aanï tami oidigi daama sai óídakami ïpïan ibuadamu aidïxi oidakatadai go Noékaru. Po tudu ikaiti aanï ix makïdï ïr otosadï Diuxi dai ïmo kïïrhi busai.

Lukas 1:30

Dai go tïañikarudï Diuxi potïtïdai, —Maiti duadikuda aapi Maria. Diuxi kïïgakïrï gï nïidi tudu.

Lukas 17:26

—Kaxi gïn aagidi aanï sai aanï ïr Diuxi otosadï ix makïdï kïïrhi busai— itïtïdai. —Dai aanï aagai sai xïïxkadï ka dibia agadagi aanï ïpamu oidigi daama sai óídakami ïpïan ibuadamu ixdukai ibuadana aidïxi oidakatadai go Noékaru.

Hechos 7:46

Diuxi kïïgakïrï nïidiña go Dabid tudu. Daidi go Dabid ikaiti ïïki sai, —Go Jakobokaru kïï buaboitudaiña Diuxi dai xibi aanï buaboitudai ïpï. Iduña in ïrhidi ïmo kïïgadukami kiupai Diuxi bïïtarï— ikaiti.

Romanos 11:6

Diuxi ïko bubaitu chïki judidiu dïï mai xu nïiditai xi kïï dui ïgai. Bhaiyoma mos kïï tuiga Diuxi dai kaxkïdï ïko bubaitu ïgai. Ix ïïko bubiadamudai nïiditai sai kïï duitadai ïgai aidï gia maiti ïr oidaragai dukaikamudai gobai. Mos ïr ïmo oidaragai dukai tudu chïki judidiu bïïtarï xi Diuxi ïko bubaitu ïgai.

Romanos 4:4

Daiñi, ïmo kïïrhi ix makïdï gaatadui dai gamaitï tuminxi, xadïrï potïna saidi ïr óídaradï go tuminxi ¿Aba? ¡Cho! ¡Maitïkidï gobai bhaiyoma!

1 Korintios 15:10

Sïïrhikïdï kïï tuiga Diuxi gin bïïtarï tudu ix kaxkïdï otosadï gin dáí ïgai. Dai kïïga ibuayi soiñi xi otosadï gin dáí Diuxi kaxkïdï tudu gin maakai ïgai gubukarhigai sai ibuadana aanï naana maaxi aaduindagai. Dai asta kabamioma gin aaga aanï ix bhai go gaa ojotosadï Suxi. Dïï mai xu ix ïïgi gin gubukarhigakïdï ibuayi aanï go aaduindagai. Diuxi ïgai dai aatabuayi aanïkïdï bhaiyoma kïï tuigakatai ïgai gin bïïtarï.

Galatas 1:15

Pomaaxkatadai aanï ïkioma tudu, dïï bïïxkïrï Diuxi ïkobai gin busaitutadai mai kia busaikai aanï abhiadïrï ïmo sïïrhikami bïïtarï. Gia kïï tuiga Diuxi gin bïïtarï tudu. Dai gokiïrï ka aïkai ixtuigako Diuxi ipïrhi

2 Timoteo 1:18

Kaxkïdï ipïrhidi aanï sai kïï tuigakagi Gïr Nukadakami ïgai bïïtarï asta xïïxkadï dibiagi ïgai ïpamu tami oidigi daama. Sïïrhikïdï kïïga gin soi ïgai tudu tami Romïrï maixapikatai aanï dai ïkobïrakoga gin soi ïgai aidïxi amïï Efesoana dakatadai aanï ïpï. Aapi kïï maatï xïï kïïga gin soi ïgai amïka tudu.

Tito 2:11

Diuxi otoi Suxi Kristo tudu dai bhai dui kïïgakïrï bubaidaragai bïïxi óídakami bïïtarï. Podukai gïr tïtïïgidi ïgai xïï kïï tuiga Diuxi.

Tito 3:7

Aidï ïr soimaaxi ibuadamikana aatïmï dai maiti ïr gïr ajïakamikatadai xi kïï tuigakagi Diuxi gïr bïïtarï dïï bïïxkïrï buañixikami gïr aa ïgai. Podui ïgai saidi ïr maamaradïkana aatïmï dai sai bhïna aatïmï ixtumaxi bia ïgai gïr bïïtarï. Dai xibi nïnïraka aatïmï ixtumaxi bia ïgai gïr bïïtarï maatïkatai sai bïïxkïrï bïïtarï óídaka ragai.

Hebreos 4:16

Dai kaxkïdï ïpï gï agai xi mai duduadikoitai daanïda aatïmï Diuxi kïïga ïïmadan dukai. Kïï tuiga ïgai gïr bïïtarï tudu dai daanïkai aatïmï gïr tïïgidamu ïgai xïï soi gï ïrhidi ïgai gïr bïïtarï gïr soikïitai xïïxkadï tïgitokagi aatïmï.

2 Pedro 2:5

Dai mai oigïrhi Diuxi go soimaaxi ibuadami ix makïdï óídakatadai aidïxi sudaïrï dupiturhi ïgai oidigi ïpï. Aidï kïïgakïrï busaitu ïgai go Noé ix makïdï aagidiña go óídakami sai gï agaitadai xi kïï sïïrhi ibuadagi dai ïïgiadagi Diuxi. Dai kïïgakïrï bubaitu Diuxi kubarakami aaduñdï Noé ïpï dai mosïkaxi. Dai go gaa óídakami bïïxi bhaikoi go sudagiïrï ix makïdï otoi Diuxi bïïxi oidigi daama.