Genesis 6:3 - Northern Tepehuan Bible

^3-4 Dai go maamaradï Diuxi bui aarhi oki dai onta dai abhiadïrï gïïgïrdukami kïkïïrhi maamara ïgai. Mui umigi óídakatadai go gïïgïr kïkïïrhi ïgai oidigi dama. Sïïrhikïdï oomarhigakana ïgai xi kaxkïdï arhiï aatagaiña óídakami ïki. Daidi Gïr Nukadakami itïi, —Gin tïgibudaga mai xu mos apia bïïxkïrï maakadamu ñoki odami. Ka mos ïr ïï soimaaxkami tïgibudadï ïgai di. Ka mos arhi ïmo ciento dan ïmokobhai umigi dagitomu aanï ix óídaka óídakami oidigi dama kia— itïi ïgai.

Genesis 6:3 Kruisverwysings

Hechos 7:51

Daidi go Tibañi apia ñokidi go bhaitï gukakami judidiu daidi itïtïdai, —Gia mai tïtïkaidaga aapimï. Ïpïan dukami aapimï odami ix makïdï mai buaboitudai Diuxi. Axñiñitu gïn dukami aapimï dai ïpïan tutuiga aapimï gïn aaduñikaru. Mos buidïrï bïïtïkana aapimï Diuxi Ibhïadï tudu.

1Tesalonicenses 5:19

Maiti abïr sobhikïda Diuxi Ibhïgadï xïïxkadï gïn saagida gaatabuadagi ïgai.