Genesis 4:4 - Northern Tepehuan Bible

⁴ Dai Abel buapi ïpï ix makïdï mïida agai Gïr Nukadakami. Bua ïgai ïmoko soigadï kañiñiru maradï ix makïdï bïïxi ïr gaxïgi kañiru dai ix makïdï kïïgadukïdioma. Dai Gïr Nukadakami bhai ïldan tïï go Abel ïmadï go ix makïdï buatadai ïgai mïida bïïtarï.

Genesis 4:4 Kruisverwysings

Genesis 4:3

Ïmo imidagai sai buapi Kain lïïchi yoobadï dai mïida agai Gïr Nukadakami ïmo xadutudaragai dukai.

Hebreos 11:4

Gin aaduñi, kïïga gï maatï sai go Abel kïïga buaboitu Diuxi dai kaxkïdï bamioma kïïgadukatadai ïgai daasadï xi bhai go Kain daasadï. Go Abel buaboitu Diuxi dai kaxkïdï Diuxi kïïgakïrï tïï dai aagidi sai bhai gï ïrhidi go daxdaradïkïdï ix makïdï buapi ïgai. Dai xibi tomaxi go Abel ka muu bïïxkïrï ïgaikïdï mamaatïrïi aatïmï ixdukatai buaboitudagi aatïmï Diuxi ïpï.

Hebreos 9:22

Kaxkïdï tudu go Moises sïïrhikamigadï ikaiti sai gï agai xi buxtaki ïrakïdï buanadagi bhaitoma bïïxi ixtumaxi. Gobai itïiya ïrhidi sai gï agai xi mukiagi ïmo ixtumaxi odami bïïtarï sai buañixikami biyagi ïgai Diuxi bïïtarï. Ïma dukai mai tipu ix dukatai oigïldana Diuxi go soimaaxkamigadï odami tudu.

Apokalipsis 13:8

Dai bhaitoma bïïxi oidigi daama óídakami xadutuada agai go kïixi Diuxi dukai. Dïï gia go odami ix makïdï ojixi go libroïrï ix makïdï bia go Arhi Kañiru ïgai gia mai xadutuada agai go gïï kïixi. Go Arhi Kañiru ïgai makïdï gï muatu dai bia ïmo libro xako ojixi odami ix makïdï bïïxkïrï bïïtarï óídaka agai. Aidï abhiadïrï xi mai kia kïkibatadai oidigi biakana ïgai go libro tudu. Dai odami ix makïdï ojixi ami libroïrï gia mai xadutuada agai go gïï kïixi.