Genesis 39:1 - Northern Tepehuan Bible

¹ Go gaagaradami gamo Ejiptuamu baidaja go Jose dai ïmo dunukami ami sabïrhi. Potifara tïgidu go dunukami ïgai. Kapitañigadï ïgai sandadaru ix makïdï nukadai kiidïrï go gïï Rey.

Genesis 39:1 Kruisverwysings

Genesis 37:25

Dai bhodïrï xixïgidï darakatai gakuayi dai tïï chïki gaagaradami ix no gukigi. Ejipto amakoga iimïdami ïgai dai mïïkaxdïrï iji xako Galad tïgidu oidigi. Dai sosoigadï kamemeyo gïï kusu iimïi kïï bïïñakan ubaikami kuadagai ïmadï perfume dai duduadigami maaxi.

Genesis 37:28

Bhodïrï xixïgidï busaitu go Jose ïpamu dïgakaiñdïrï aidïxi ka dïgabusai go gaagaradami dai gagalda agai. Ïmokobhai tuminxikïdï plata gagara ïgai. Dai go gaagaradami bhïkai go Jose dai gamo Ejiptuamu gagaara agai ïpamu.

Genesis 37:36

Dai go Madianitas ix makïdï ïr gaagaradami dai gasabïrhitadai baidaja go Jose gamo Ejiptuamu. Dai ami gagarhi ïgai ïmo dunukami Potifara tïgidukami. Kapitañigadï ïgai go nunukadakami kiidïrï go gïï Rey ami Ejipituana.

Genesis 45:4

Dai Jose itïtïdai, —Bhainorioma abïr gukiba tami gin sonoana— itïtïdai. Dai ka sonoana gukiba potïkai ïgai. Dai Jose itïtïdai, —Aanï ïr gïn sukurhi Jose dai aanï gin otoxi aapimï gin gagaarakai.

Hechos 7:9

—Gokiïrï go bhaitï gukakami ïgai ïgamu sukurhidï. Ïgamu ïgai go Jose tudu dai gagaarhi ïgai xibhïakoga óídakami bai ïgai bhïkai go Jose Ejiptuamu. Dïï bïïxkïrï Diuxi ïmadï dajatadai go Jose