Genesis 21:3 - Northern Tepehuan Bible

³ Daidi go Abraam Isaak tïïtï maradï.

Genesis 21:3 Kruisverwysings

Genesis 17:19

—Cho Abraam— itïtïdai Diuxi. —Kaxi an gï aagidi sai go Sara ïgai dai buapa agai ïmo arhi gïrhi dai Isaak tïïtïmu aapi. Ïgai bïïtarï ka agai go ñoki ix makïdï bhai dui aanï gï ïmadï. Dai ïgai maamaradï bïïtarïka agai ïpï bïïxkïrï bïïtarï. Bïïxkïrï bïïtarï kïïgadu ka agai go ñoki tudu— itïtïdai.

Genesis 22:2

—Imiñi mïï Morayamu ïmadï gï maara ïmadugakïdï ix makïdï bia aapi ïmadï Sara. Go ix makïdï kïï oigïdai aapi. Dai ami Morayana gï tïïgidamu aanï ïmo tubidaki xi ami tubidaki dama gïbiña aapi go gï ïrhi dai bhodïrï gin mïitulda ïmo kañiru dukai— itïtïdai Diuxi.

Genesis 25:19

Idi ojai aagai go Isaak ix makïdï ïr maradï Abraam.

Mataibo 1:2

Go Abraamkaru marai ïïki go Isaakaru. Daidi gokiïrï go Isaak marai go Jakobokaru. Dai go Jakobo marai go Judakaru dai susukurhidï.

Hechos 7:8

Diuxi bhai dui ïmo ñoki go Abraamkaru ïmadï tudu— ikaiti Tibañi oiditai aatagidï ami dudunukamiïrï kïakatai. —Diuxi tïjai sai gï circuncidandoagi go Abraamkaru ïmadï gï maamara kïkïïrhi. Podukai mamaaxidi ïgai saidi ïr gïn bïïtarïkana go ñoki ix makïdï bhai duitadai Diuxi Abraam ïmadï. Kaxkïdï gokiïrï busaikai Isaak go Abraam maradï, bhobai mamaakoba tasaikïdï Abraam circuncido go Isaak, dai podukai idui ïpï go Isaak gï maara Jakobo dai Jakobo poduñi ïpï go bhaibuxtama dan goka maamaradï kïkïïrhi ix makïdï ïr bhaitï gukakamikana ïïki. Ïgaiñdïrï tudu bubuaja bïïxkatai aatïmï judidiu— itïtïdai Tibañi.

Romanos 9:7

Daiñi, Diuxi mai gajiadïrï bia go ñoki ix makïdï aagidi ïgai go Abraamkaru ïpï. Diuxi ka aagiditadai go Abraamkaru sai go Isaakaiñdïrï muida agai piipixaradï. Mosïkaxi go Isaak maamaradï kïïgakïrï ïr piipixaradï Abraamkaru kaxkïdï.