Genesis 13:8 - Northern Tepehuan Bible

⁸ Dai Abram potïtïdai go Lot, —Maiti gï agai xi gïr kokoada aatïmï. Tomarhi gïr pipioñi maitï aagai ix kokoada. Aadunumï aatïmï miadïrï di— itïtïdai.

Genesis 13:8 Kruisverwysings

Genesis 13:9

—Daiñi, buiduru go oidigi— itïtïdai. —Nïidañi xako bhai ïrhiada aapi dai gamo gï urhiña. Xi norteamako imiagi aapi aanï suramajako imiagi. Dai ix suramajako imiagi aapi aanï norteamako imiagi— itïtïdai ïgai.

Exodo 2:13

Xadiko amïï gapaxa ïgai ïpamu. Dai nïidi xi gïn kokodai goka kïkïïrhi Israelitas. Daidi itïtïdai ïgai go ix makïdï soi buididi go gïmai, —Tuipïxi gïbai gï aduñi. Ïgai ïr Israelita ïpï di— itïtïdai.

Mataibo 5:9

—Dai aapimï ix makïdï kabami gaatabuayi gaagaitai ix dukatai soikïdagi óídakami saidi kïïgakïrï gïn nïijada ïgai aipakoga, aapimï kïïga bia ïmo bhai ïrhiaragai ïpï. Diuxi pokaitada agai sai aapimï ïr maamaradï kaxkïdï— itïtïdai.

Hechos 7:26

Dai xadiko no aimïraitadai Moises dai tïï goka kïkïïrhi, aaduñdï ïgai Moises, dai gïn kokodaitadai. Dai go Moises bhai ïrhiatuda ïrhiditadai daidi itïtïdai, —¿Tuimïxi soi gïn buayi aapimï? Aaduñi aapimï di— itïtïdai.

Romanos 12:10

Aapimï ix makïdï buaboitudai Suxi Kristo gï agai xi gïn oigïdadagi ïmo gïn xïgïmï dukai. Kïïga abïr xadutuada tudu gïn xixïgi Diuxiïrï gaagaitai ïpïgioma ix makïdï ïr kïïga ïgai bïïtarï dai mai xu ïpïgioma ix makïdï ïr kïïga ïïgi aapimï gïn bïïtarï.

Filipenses 2:14

Gin aaduñi Diuxi amadïrï, maiti abïr soi kaitiada aapimï dai tomarhi maiti abïr naana kaitiada aipakoga tomax tuma aaduindagai ibuadagi aapimï.

1Tesalonicenses 4:9

Daiñi, Diuxi kaxi gïn maatïturhi ix dukatai oigïdadagi aapimï go gaa tudu. Dai kaxkïdï gokïdï bhaitoma maiti gï agai ix gïn maakiagi aatïmï ñoki.

Hebreos 12:14

Kabami abïr gïn aaga gaagaitai ix dukatai xioma oidakagi jaa óídakami ïmadï kïïgakïrï gïn nïiditai aipakoga. Dai kabami abïr gïn aaga ïpï oidakatai ix dukatai gï agai xi oidakagi odami ix makïdï ïkobai daraka go soimaaxkamiañdïrï. Kaxkïdï tudu xorai mai ïkobai dakagi soimaaxkamiañdïrï mai biakamu oigaragai ix aiyagi Diuxi Gïr Nukadakami buitapi.

Hebreos 13:1

Gin aaduñi, ïmo aadunumï aapimï buaboitudadami dai gï agai xi mai ugutai gïn oigïdada aapimï aipakoga.

1 Pedro 1:22

Daiñi gin aaduñi, aapimï ka ïïgidi go buaboi aatagi dai ka buañixikami bii gïn ibhïdaga. Kaxkïdï gï agai sai kïïgakïrï gïn oigïdada aapimï aipakoga bïïxi gïn ibhïdagakïdï.

1 Pedro 2:17

Kaxkïdï abïr xadutuada bïïxi óídakami daidi abïr oigïdada bïïxi go buaboitudadami. Gïn tïgitobïrai xïïxi ïr gïdukami Diuxi daidi abïr xadutuada ïgai. Dai xadutuadabïrai go gïï dunukami romano ïpï.

1 Pedro 3:8

Gïn maakimu aanï ïpï ïmo ñoki gin aaduñi. Gï agai sai kïï xioma gïn urapïkïda aapimï aipakoga ïmo tïgibudagai biakatai aapimï bïïxkatai. Soigabïr gïn ïrhiada ïmadï gïn aaduñi Diuxi amadïrï xïïxkadï soi gïn ïrhiadagi ïgai. Gïn oigïadabïrai aipakoga tudu ïmo xixïgïmï dukai. Dai kïïga abïr tutiaka jaa bïïtarï mai gïgïrdukïdï gïn ïrhiditai aapimï.

1 Pedro 4:8

Podukai gï agai sai óídakagi aapimï tudu. Dai xibi gïn aagidamu aanï ixtumaxi ix makïdï adaama gï agai saidi ibuadagi aapimï. Gï agai aapimï buaboitudadami xi kïïgakïrï gïn oigïdadagi aipakoga tudu. Gobai ïgai dai adaama gï agai saidi ibuada aapimï. Ix gïn oigïdadagi aapimï aipakoga aidï gia tomaxi dudatai soimaaxi gïn buidadagi gïn aaduñi aapimï bïïxkïrï mai bui ñokadamu ïgai. Kaxkïdï gï agai sai gïn oigïdadagi aapimï aipakoga.

2 Pedro 1:7

Dai bhodïrï ka kïïga ïïgiditai aapimï Diuxi gï agai ïpï mïx kïïga oigïdadagi aapimï gïn aaduñi Diuxi amadïrï ïmo gïn xïgïmï dukai. Dai bhodïrï gï agai sai oigïdada aapimï bïïxi go gaa óídakami ïpï. Podukai abïr óídaka tudu maatïkatai ixtumaxi idui Diuxi gïr bïïtarï.

1 Juan 4:7

Gin aaduñi, kïïga gïn oigïdai aanï dai ipïrhidi aanï saidi gïn ojoigïadagi aapimï aipakoga ïpï. Daiñi, mosïkaxi Diuxi ïgai dai buaboikïdï oigïdai jaa dai mosïkaxi Diuxi ïgai dai gamamaakai gubukarhigai óídakami saidi gïn ojoigïadagi ïgai ïpï. Kaxkïdï gï maatï saidi ïr maamaradï Diuxi go odami ix makïdï buaboikïdï oigïadagi jaa. Dai podukai gï maatï ix bhai kïïga maatï ïgai Diuxi ïpï.