Genesis 13:7 - Northern Tepehuan Bible

⁷ Dai ïkobïrakoga ami óídakatadai jaa odami mui. Óídakatadatai go Kananeo agaikïdï dai go Fereseo ïpï. Xi kaxkïdï go pipioñigadï Lot ïmadï pipioñigadï Abram bupuidïrï gïn susurhigïiña ka mai tïtïïgaitai xako tïigiagi sosoigadï. Ka arhiï muidu ïgai kaxkïdï.

Genesis 13:7 Kruisverwysings

Genesis 12:6

Dai bhodïrï Kanaanïrï ïraan sïïrhi dïgabusai ïgai dai ayi ïmo gïï tuayi uta xako Moray aagai oidakami. Go tuayi ïgai sonoana kïïka go aarhi bhaabhaki Xikem tïgidukïdï. Kia óídakatadai go Kananeo aagaikïdï ami dai ami tuayïrï ukami ayi ïgai.

Exodo 2:17

Daidi ami dïgabusai jaa paxtuturu dai adaji ïgai Reuél maamaradï. Dïï go Moises baa go oki bïïtarï dai sobhi go paxtuturu dai báí sudagi dai oi Reuél sosoigadï.

Markos 3:25

Dai ix ïmo kiiyïrï óídakami ïïgi gïn kokodagi ïgai mos aipako gïn kodi antaada ïpï dai gïn xia duadiagi.

1 Korintios 3:3

Apia kia ïïgidimi aapimï go odami tïgibudadï gïn tïanïda ïrhiditai aapimï ïïgi. Kia gïn ïjïgakorïi aapimï dai gïn bupui ñokai aapimï ïpï. Kaxkïdï maatiga maaxi sai kia adaimïi aapimï go oidigi daama óídakami tïgibudadï.

Galatas 5:20

Naana maaxi ibuadana odami ix makïdï ïïgidiña ïïgi tïgibudadï tudu. Diuxi dukai xadutudai ïgai ixtumaxi ix makïdï maiti ïr Diuxi. Kïkïïdarakana ïgai ïpï. Gïn kïïdaiña aipakoga dai gïn bupui ñokaiña. Ïjïgakoitïrïkana ïgai dai bhakoitudakana. Mosïkaxi ïïgi gïn bïïtarï buamï gïn ïrhidiña ïgai. Ïjïkobai buiyiña ïgai naana maaxi tïgibudagai dai ïjïkobai bipiïyiña oiditai go naana maaxi tïgibudagai ïpï.

Kolosenses 4:5

Kïïga abïr gïn tïgito nïijada ix dukatai ibuayi aapimï buidïrï go óídakami ix makïdï mai kia buaboitudai. Xibi kia bia aapimï oigaragai xi ibuadagi ixtumaxi ïr soiñi ïgai bïïtarï tudu dai kaxkïdï abïr kabami gïn aaga dai mai dagito ix mos dïgabuskïdagi tasai.

1Tesalonicenses 4:12

Podukai tudu jaa ix makïdï mai buaboitudai gïn tïgito nïijadamu kïï bhai maaxkami dukai óídakatai aapimï. Dai podukai ïpï maiti gï aagadamu ix gïn maakiagi ïgai soiñi. Maiti gïn biïgakamu soiñi tudu Ïïgi gamaitïmu aapimï ïïgi aatabuadatai bhaiyoma.

Tito 3:3

Daiñi, maiti gï agai xi soi dukai nïijada aatïmï go jaa ix makïdï mai buaboitudai. Aatïmï ïpï maiti ïr buaboitudadamikana ïkioma tudu dai ïpïan tutiakana aatïmï ïgai dai ïpïamaaxi ibuadana. Aidï mai ïïgidiña aatïmï Diuxi dai buaboitudaiña aatïmï ixtumaxi ïr yaatagi. Mai bhaigakana aatïmï xi dagitoagi go soimaaxkami ix makïdï ibuada ïrhidiña aatïmï gaagaitai ïmo bhai ïrhiaragai. Aidï ïjïgakoitïrïkana aatïmï dai gïr kïïdaiña aatïmï aipakoga. Pomaaxi tutiakana aatïmï mai kia buaboitudakai tudu.

Santiago 3:16

Toma xakoga xako koimudadï tutiakagi óídakami dai mosïkaxi ïïgi bïïtarï buamï gïn ïrhiadagi ïgai, ami ïïgi gïn bupui ñokaiña óídakami dai naana maaxi soimaaxi ibuadana.

Santiago 4:1

Gin aaduñi, ¿Ix tuixi gïn bupui ñokaiña aapimï aipakoga dai gïn bupui bïïtïkana aapimï ïïgi? Bhaibitukami gaagaiña aapimï ïïgi gïn bhai ïrhiaraga mai buamï gïn ïrhiditai jaa bïïtarï tudu dai go tïgibudagai gobai gïn tïanïda ïrhidi.

1 Pedro 2:12

Gïn tïgitobïrai sai go óídakami ix makïdï mai buaboitudai gïn tïgito nïidiña ix dukatai óídaga aapimï. Kaxkïdï abïr kïïga ibuada bïïxi aïkatïrï. Podukai tomaxi gïpiïrï gïn bupada ïrhiadagi jaa mai tïïgimu ïgai ixtukïdï. Dai xïïxkadï aagagi Diuxi ix bhai kïï idui óídakami aidï gia go ix makïdï gïpiïrï gïn bupaitadai biakamu xi aagadagi sai kïï idui aapimï. Dai aidï gia kïïga ñokadamu ïgai Diuxi bïïtarï ïpï nïiditai xïï kïïga ibuadana aapimï gïn soikïitai Diuxi.