Genesis 13:10 - Northern Tepehuan Bible

¹⁰ Dai bhodïrï aipako nïnïaba go Lot dai ojoida tïï ïgai dïdïjoi ix makïdï sonoana kaatï go gïï aki Jordan tïgidukïdï. Ïmo gïï ïxikami maaxi tïdogi go dïdïjoi ïgai dai gïïpiga sudagi bïïxi asta mïï ukami xako guka bhaabhaki Soarana. Bhaiton ïpïan maaxi tiodi Ejipituana oidigi. (Ami dïdïjoana gukatadai goka kiiki Sodomïrï dai Gomorïrï tïtïgidukïdï. Aidïpïrï Gïr Nukadakami mai kia xia dodai oidigi ami xako gukatadai bhaabhaki ïgai. Kaxkïdï kia kïïgadukatadai ami oidigi.)

Genesis 13:10 Kruisverwysings

Genesis 13:11

Dai Lot bhai ïrhi ix gamo dïjoana oidakagi xako kaatï go aki Jordan tïgidukïdï. Xarhiapako kaatï go dïjoi ïgai abhiadïrï xako gïn aatagidi Abram ïmadï Lot. Dai gamo dui ïgai xi ka ïjïkobai gïn urhi ïgai Abram ïmadï Lot.

Genesis 13:9

—Daiñi, buiduru go oidigi— itïtïdai. —Nïidañi xako bhai ïrhiada aapi dai gamo gï urhiña. Xi norteamako imiagi aapi aanï suramajako imiagi. Dai ix suramajako imiagi aapi aanï norteamako imiagi— itïtïdai ïgai.

Genesis 3:6

Bhodïrï go oki kïïga gï tïgito nïidi go uxi dai kïï tiodikami tïï dai kïï bïïñiaka maaxi ibhiadï ïpï. Dai pobï ïrhi ïgai sai ïgaikïdï bhïi antaada gïdukami tïgibudagai dai bhïiyi ïmo ibhiadï dai gauu. Dai bhodïrï maa ïgai aduñdï bai ïgai uu ïpï.

Deu 34:3

Tïïgi ïgai go Negeb dai go dïjoi xako kaatï go aki Jordan dai go dïjoi Jerikoïrï xako mui guka saubarhi. Bïïxi tïïgi ïgai oidigi ix maaxi Soarana ukami ïpï.