Genesis 12:4 - Northern Tepehuan Bible

^4-5 Abram ka biakatadai baikobhai dan bhaibuxtama dan taama umigi. Dai ïïgida kaï ïgai Gïr Nukadakami dai ka dagito go kii xako oidakatadai ïgai. Dai bhïiyi boi mïkaxi xako gïï kaatï oidigi Kanaan tïgidukïdï. Abram oñigadï Saraí tïgidu dai Abram baidaja go Saraí ïmadï ïmo kïïrhi Lot tïgidukïdï. Go Lot ïr akitadï Abram. Bïïxi kusubaka ïgai buxtuidadï abhiadïrï Haranañdïrï xako óídagatadai ïmadï pipioñigadï ïpï ix makïdï ami biatu ïgai. Dai iji ïgai Haranañdïrï dai mui tasai mos iimïi ïgai boiyamu dai bhodïrï ka ayi mïï Kanaanïrï.

Genesis 12:4 Kruisverwysings

Genesis 13:5

Dai go Lot, go akitadï Abram, oiditadai go Abram dai miadïrï gï urhiñaiña. Gïï bipidakami ïgai bïï gokatai. Arhiï muidu sosoigadï kañiñiru ïmadï baakaxi dai pipioñigadï muidu ïpï ix makïdï ïmadï iimïi.

Genesis 28:10

Dai Jakobo jii abhiadïrï Bersebaiñdïrï dai bhïiyi ïgai boi Aranamajako.

Hechos 7:4

Daidi go Abraam busai aidï Kaldeañdïrï dai jii Araanamu dai ami oidaka agai. Dai gokiïrï muu aidï ogadï. Bhodïrï Diuxi bua go Abraam tami oidigïrï xako óídaga aapimï xibi gin aaduñi.

Hebreos 11:8

Go Abraamkaru kïïga buaboitu ïpï dai kaxkïdï buaboidaitai ïïgidi ïgai Diuxi. Diuxi aagidi sai dagitona kiidï dai sai imïna xibhïakoga xako Diuxi maaki agai ïmai dïbïrai xako oidakagi. Dai bïïxkïrï ïïgidi ïgai tomaxi mai maatïkatadai xako imi agai kia.

Hebreos 6:15

Dai tomaxi tïbïpi nïnïra go Abraam bïïxkïrï apia buaboitudaiña ïgai ixtumaxi aagidi Diuxi. Daidi gokiïrï bhïiyi ïgai ixtumaxi nïnïrakatadai ïgai. Diuxi idui ixtumaxi aagiditadai ïgai tudu.