Genesis 1:14 - Northern Tepehuan Bible

^14-15 Bhodïrï saidi itïi Diuxi xadiko, —Gï aagai sai oidakagi kukudagi tïbagiana sai kudaidakana oidigi sai ïgaikïdï gï maatïkagi xi ïr tasïrï xi ïpï tukarï. Dai ïgaikïdï gï ïkaldagi tasai dai umigi dai gï maatïkagi xudu miadaidagi go gïïgïr tasai— itïi ïgai. Dai ka pogïdui mos potïkai ïgai.

Genesis 1:14 Kruisverwysings

Genesis 1:13

Dai ka ayi baika tasai abhiadïrï xi gï aaga idui Diuxi oidigi.

Genesis 8:22

Ïïgi xïï tïbïpi kïkibagi oidigi kia oidaka agai ïxidagai ïmadï yoobaragai dai oidaka agai ïpidagai ïmadï toiñdagai dai toomoko ïmadï tïdaako dai tasai ïmadï tukagi asta xuduku ka ugitiagi oidigi— itïi Gïr Nukadakami.

Mataibo 2:2

Daidi potïtïdaiña ïgai go óídakami, —¿Xako daja ïgai ix makïdï xibiapï busai dai ïr Reygadïka agai go Judidiu?— itïtïdaiña. —Tïï aatïmï ïmo xabugai amïï xarhi amakoga ix makïdï ïr ïmo maaxidaragai sai ka busai go Rey ix makïdï go Judidiu nïnïraka ix busiagi dai kaxkïdï dada aatïmï dai gaagai. Tïïgia rïrhidi dai iduña rïrhidi ïmo xadutudaragai ïgai bïïtarï tudu— ikaitiña go mamaatïkami.

Mataibo 24:29

Dai oi Suxi aatagidï daidi potïtïdai ïgai go mamaatïrdamigadï, —Ayimu ixtuigako kabami soimaaxi taatamada agai óídakami karhioga ugiti agaitai oidigi. Dai ka daibunukai go kabami soimaaxi taataragai saidi aidï otoma gï tukamutu agai go tasai ïmadï go masadai dai surhigimu go xixabugai tïbagiañdïrï. Aidïpïrï gigiburhi agai bïïxi ixtumaxi oidaga tïbagiïrï tudu— itïtïdai.

Markos 13:24

Suxi apia maakai ñoki daidi ikaiti, —Ka daibunukai go gïï soi ïrhiaragai tami oidigi daama bai bhodïrï tukutu agai tasai ïmadï masadai.

Apokalipsis 6:12

Dai bhodïrï nïidi aanï aidïxi upasdi go Arhi Kañiru ïpï ïmo seyugadï go libro. Dai aidïpïrï kabami gigiburhi oidigi dai tukutu go tasai, ïpïamaaxi bii ïmo boopoi kostarhi tukukami. Dai go masadai kabami bïgitu, ïrai maaxi bii bïgikatai.

Apokalipsis 8:12

Dai bhodïrï gaiiba ïpï ïmai tïañikarudï Diuxi daidi bhaitoma tajukami xia tui go tasai ïmadï go masadai dai podukai ïpï go xixabugai. Gïn tukutu ïgai bai mai kïï tonorïkana tasïrï dai bamioma tukamugakana tukarï ïpï.

Apokalipsis 9:2

Dai kupioka ïgai go gïï dïgai kuuparadï dai busai gïïpi kubhuxi, ïpïamaaxi kubhuxigadï ïmo gïï táí dai tukutu go tïbagi dai iña go tasai bai tukamutu oidigi kubhuxikïdï.