Genesis 1:12 - Northern Tepehuan Bible

¹² Ka bhai gï dui bïïxi tïdoidagai dïbïraiñdïrï. Dai ka bhai gï ïrhidi Diuxi tïïgakai.

Genesis 1:12 Kruisverwysings

Genesis 1:11

Dai bhodïrï saidi itïi Diuxi, —Gï aagai ix gukakagi uxi oidigi dama iibhaidakami dai basoi ïpï iibhaidakami ïpï— itïi ïgai. Dai ka pogïdui mos potïkai ïgai.

Genesis 1:13

Dai ka ayi baika tasai abhiadïrï xi gï aaga idui Diuxi oidigi.

Markos 4:28

Go dïbïrai ïïgi bhai buayi kuadagai, ïpïga bubuakïi aagadï dai gokiïrï muradadï dai gokiïrï ibhiadï.

Lukas 6:44

Bïïxi uxi gï maatï ibhiadïrï tudu. Dukami, maiti gï yoobai igoxi xiïpï uba uparaiñdïrï di.

2 Korintios 9:10

Daiñi, Diuxi ïgai dai muiduturhi ixtumaxi saidi podukai biakagi odami ixtumaxi tïgitokagi. Dukami, xïxkadï gaïsadagi odami Diuxi ïgai dai muidutudai go ïxtokai saidi biakana go odami ixtuma ugiagi dai ixtuma ïsadagi ïpamu. Kïï bhaiga Diuxi ix gïn maakadagi asta bhaibitukami ixtumaxi tudu saidi kïïga ibuada aapimï oiditai soiñi jaa.

Galatas 6:7

Dai xi pobuadagi aapimï aidï gia gokiïrï kïïga buimu aapimï gïn maitïki. Gin aagidamu aanï ïmo maaxidaragai gokïdï. Daiñi, xi ïmo odami gaïïxiagi ixtumaxi kïïgadukami aidï gia gokiïrï yoobamu ïgai ix tumaxi kïïgadukami ïi ïgai. Dïï gia xi soimaaxkami gaïxiagi ïgai aidï gia soimaaxkami yoobamu ïgai ïpï gokiïrï. Mai bhaiga ïmoko xi buirumadagi Diuxi tudu. Ïgai bïïxkïrï anoraidi odami ixtumaxi ajïakagi nïiditai ixtumaxi idui ïgai tudu.

Hebreos 6:7

Daiñi, gïn aagidamu ïmo maaxidaragai sai maatïkana aapimï ix maaxi odami ix makïdï buaboitudai dai ix maaxi ix makïdï mai buaboitudai ïpï. Bhaitoma ïpïan buayi ïgai dïdïbïrai xako gaïïsïi óídakami. Ïïmo dïdïbïrai kïkïïgadu dai kïïga bui go naana maaxi bhai ïrhiaragai ix makïdï gamamaakai Diuxi. Dudatai dukuiña tami oidigi daama tudu. Dai go kïïgadukami dïbïraïrï kïïga bapakïi go sudagi xïxkadï dudukiagi dai otoma badïrïi gobai. Pomaaxkami dïbïriana gia kïïga bhai gï buayi ïxikami odami bïïtarï.