Filemon 1:11 - Northern Tepehuan Bible

¹¹ Baasïkioma maiti ïr soiñikana go Onesimo aapi gï bïïtarï dïï gia xibi ka buaboitu gobai dai xibi gia gïïpi ïr soiñi ïgai aapi gï bïïtarï dai aanï in bïïtarï ïpï.

Filemon 1:11 Kruisverwysings

Mataibo 25:30

Dai gobai gin pioñiga galtuigakïdï ix makïdï mai kïïga idui maiti ïr soiñi toma lïïchi. Kaxkïdï abïr maigobai kidigana busaida xakoga tukamuga. Ami suakadamu gobai dai kïrïndamu taatamudï soimaaxi taatamaitai— itïtïdai.

Lukas 15:24

Ka mukiadï ïrhiditadai aanï idi in maara di. Dai xibi tami duakakami kïïka. Xibhï imiadïkatadai gobai dai xibi ka tïï aatïmï ïpamu— itïtïdai go kïrhiodami go pipioñi daidi idui bagimi.

Lukas 15:32

Dïï gia xibi ka dibia gï sukurhi. Aatïmï ïmo mukiadï ïrhiditadai dai xibi ka duakatu. Xibhï imiadïkatadai ïgai dai xibi ka tïï aatïmï ïpamu. Kaxkïdï gï agai xi bagimituda aatïmï di— itïtïdai.

Lukas 17:10

Dai podukai ïpï xïxkadï ibuadagi aapimï ixtumaxi gatïjai Diuxi abïr itïda sai aapimï mos ïr pipioñi duu dai sai mosïkaxi idui aapimï ixtumaxi biakatadai xi ibuadagi pipioñikatai aapimï. Podukai abïr itïda aapimï— itïtïdai.

Romanos 3:12

Bïïxkatai kuga iji odami dai ka maiti ïr soiñi ïgai. Mai tipu xorai ibuadagi ixtumaxi ïr sïïrhi, tomarhi ïmadutai.

2 Timoteo 4:11

Mosïkaxi go Lukas gin ïmadï daja xibi. Kaxkïdï ipïrhidi aanï sai otoma bhaigobai dibiana aapi. Dai ipïrhidi aanï sai buapana aapi go Markos ïpï. Maatï aanï sai ïgai kïïga gin soiñamu gin aaduindagïrï kaxkïdï.

Filemon 1:10

Gï tanïi aanï sai kïïga bhai dukai nïijada aapi go Onesimo tudu. Gin maara dukai nïidi aanï Diuxi amadïrï tudu. Ïgai gin ïmadï buaboitu maixapikatai aanï tami.

Filemon 1:12

Aapi Filemon, xibi gï otosdamu aanï go Onesimo ïpamu tomaxi kïïga oigïdai aanï dai ipïrhiditadai aanï xi tami gin ïmadï biyagi ïgai.

1 Pedro 2:10

Kïïga ïr buaboi ixtumaxi oja go ñokituldiadamigadï Diuxi ïïki tudu. Ïgai ikaiti sai, ïkiomai maiti ïr ïmo aadunumïkana aapimï. Dïï gia xibi kaxi ïr aaduñdï aapimï Diuxi. Ïkiomai mai tipukatadai xorai buamï ïrhiadagi gïn bïïtarï. Dai xibi gia Diuxi kïïga buamï ïrhidi gïn bïïtarï, ikaiti go ñokituldiadamigadï Diuxi ïïki gïn aagaitai ïgai aapimï.