Exodo 6:6 - Northern Tepehuan Bible

⁶ —Mïïka aagida aapi go Israelitas xi aanï ïr Nukadakami dai tïïgidamu aanï xïï gubuka aanï. Kaxi ïr sïïrhi xi go Ejipituana Rey aaduñdï biakagi gïgïbidaragai mos ïï soimaaxi ibuadatai ïgai. Kaxkïdï gïïpi daitudamu aanï gïïgïbidaragai abhana xibi dai podukai kïïgakïrï bubaidamu aanï go Israelitas xi ka mai soi buidadamu go Ejipituana óídakami. Aagidañi go Israelitas sai aanï Nukadakami ïgai dai poduña iñagai sai ka maiti gatïanïna go Ejipituana óídakami ix dukai gatïanïi ïgai xibi— itïtïdai Gïr Nukadakami.

Exodo 6:6 Kruisverwysings

Exodo 1:11

Kaxkïdï go Ejipituana dudunukami ikaiti, —Gï agai tïxi kabami aaduintulda go Israelitas. Maatï xi podukai mai muidagi ïgai— ikaiti. Dai bhodïrï darai ïgai kïkïïrhi tïtïanïdami xi ïgai kabami aaduintulhdana go Israelitas. Gatïjai ïgai gokapïrï tutusaragai gïïgïr kiiki xako Pitonïrï dai Ramseïrï tïtïgidu gïïgïr kiiki. Amïï go Rey bhai darasaiña ixtumaxi bhai darasa ïrhiada ïgai, dukami papaiñomi maaxi ixtukïdï gakokoadagi.

Exodo 12:51

Dai go baaxi tasïrï aidïxi go Rey aagidi go Israelitas xi iimïna, go baa tasïrï gïn bubaitu Diuxi abhiadïrï. Mos sakarhi guka ïgai kabami muidukatai tudu dai ka bhïiyi boi. Podukai Diuxi bubaitu bïïxkatai ïgai Ejiptuañdïrï.

Exodo 2:11

Dai go Moises go Rey kiidïrï gïï dïï bïïxkïrï go Israelitas ïgai daidi kïïgakïrï ïr aaduñdï ïgai. Dai ïmo imidagai ka kïïrhitukai Moises, amïï dibiji ïgai aaduñdï. Dibiji ïgai go Israelitas tudu. Dai nïidi ïgai xi Ejipituana óídakami gubudakïdï aaduinturhi aaduñdï. Daidi nïidi ïpï ïmo Ejipituana oidakami xi gïbaitadai ïmo Israelita.

Exodo 3:17

—Daidi aagidamu aapi go Israelitas sai aanï gï aagidi sai kïïgakïrï gïn bubaida iñagai abhiadïrï Ejiptuañdïrï sai podukai go Ejiptuïrï óídakami ka mai soi buadana. Daidi aagidañi sai gïn baidaja iñagai gamo xako óídaga go Kananeos dai go Hititas dai Amoreos dai Fereseos dai Hebeos dai Jebuseos. Gamo gïn baidaja iñagai xako gïïpiga dïbïrai dai kïïgadu bïïxi. Potïdamu aapi go Israelitas— itïtïdai Diuxi Moises.

Exodo 3:8

—Kaxkïdï tïbai aanï tïbagiañdïrï daidi kïïgakïrï bubaida iñagai xi ka mai soi buadagi go Ejiptuïrï óídakami. Ayimu ixtuigako baidamu aanï gin aaduñi abhiadïrï Ejiptuañdïrï. Daidi baidakamu aanï xako gïïgïr kaatï dïdïbïrai dai kïkïïgadukami. Xako óídaga go Kananeos agaikïdï óídakami ïmadï go Hititas dai Amoreos dai Fereseos dai Hebeos dai Jebuseos— itïtïdai Diuxi Moises.

Exodo 32:11

Dïï gia go Moises apia dukai daañimi Diuxi Gïr Nukadakami go Israelitas bïïtarï daidi potïtïdai, —Cho gin Nukadakami— itïtïdai. —Ïïgi gï gubukadakïdï pïtai bubaitu aapi go Israelitas Ejiptuañdïrï dai xibi dukatai bhamuka ïrhidi aapi buidïrï— itïtïdai.

Exodo 6:2

—Aanï ïr Nukadakami— itïtïdai Diuxi Moises.

Exodo 6:8

Aanï baidakamu go Israelitas gamo Kanaanamu xako aagidi aanï ïïki go Abraam ïmadï Isaak dai Jakobo. Gamo baidakamu aanï xi amïï biakamu ïgai gïn dïbïraga. Aanï ïr Nukadakami dai ka poduñimu aanï. Podukai aagidamu aapi go Israelitas tudu— itïtïdai Diuxi Moises.

Exodo 7:4

Dïï tomaxi dukai go Ejiptuïrï Rey maiti gï ïïgida kaïkamu. Daidi bhodïrï gia daituldamu aanï ïmo gïdukami gïïgïbidaragai abhana go Ejiptuïrï óídakami mai ïïgidakai ïgai. Dai aidï gia bubaidamu aanï gin aaduñi. Bhïimu ïgai boi dai ka mos sakarhi gukibamu ïgai ïmo gïï desfile dukai mos ïï muidukatai— itïtïdai .

Exodo 7:5

—Gin gubukadakïdï bubaidamu aanï go Israelitas. Aidï gia maatïkamu go Ejipituana óídakami xorai aanï dai xïïxi ïr gubuakami aanï dai maatïkamu aidï ïpï xi aanï ïr Nukadakami— itïtïdai Diuxi go Moises. Bhodïrï Diuxi aagidi Moises ïmadï Aaron ix dukatai iduñagi Rey buidïrï amïï aïkai ïgai.

Hechos 13:17

Aatïmï Israelïrï óídakami Diuxigadï ïkobai bubaitu gïr aaduñi ïïki dai muidaturhi aidïxi kia Ejiptuïrï óídakatadai ïgai. Mïïkaxdïrï óídakami dukai óídakatadai ïgai aidï. Dai gokiïrï bubaitu ïgai ami Ejiptuañdïrï gï gubukadakïdï— ikaiti.