Exodo 6:5 - Northern Tepehuan Bible

⁵ Xibi nïidi aanï soi ïrhiaradï piipixaradï ïgai, go Israelitas tudu. Dai nïidi aanï xïï kabami tïanïi go Ejiptuïrï óídakami aaduindagai bïïtïkami. Tïïtïitoi aanï ix dukai gin baasaka aanï ïïki aagaitai aanï sai baidaja iñagai dai tïïgida iñagai dïbïrai xako óídakagi ïgai dai ka baidaja in ïrhidi aanï— itïtïdai Diuxi Moises.

Exodo 6:5 Kruisverwysings

Genesis 8:1

Dai tomaxi tïbïpi kaatï go sudagi Diuxi bïïxkïrï apia tïtïitoi go kïïrhi Noé ïmadï go buxtaki dai go oidigana buxtaki dai kïkïixi ïmadï ujurugi ix makïdï barko ïraan darajatadai. Dai otoi ïgai ïbïrhi bai ïgaikïdï tïbañimi go sudagi.

Exodo 2:23

Bhodïrï tïbïpikïdï muu go Ejiptuïrï Rey. Dai óídakami apia gubudakïdï tïanïi aaduindagai go Israelitas. Xi go Israelitas soi taadakana dai aijiïgïiña. Daidi Diuxi kaï.

Exodo 2:24

Ïkioma Diuxi kaxi aagiditadai piipixarakarudï go Israelitas sai maaki agai dïbïrai xako óídakagi ïgai. Abraam dai Isaak dai Jakobo tïtïgidu piipixarakarudï go Israelitas. Dai xibi Diuxi tïgito nïidi soi ïrhiaradï go Israelitas Ejipituana darajatai. Dai tïgito ix tïtïdai ïgai piipixarakarudï ïïki dai ka soiña agai ix dukai aagai ïgai dai bubaida agai abhiadïrï.

Exodo 3:7

Daidi Gïr Nukadakami apia ñokidimi daidi itïtïdai, —Kïï maatï nïidi aanï xïïxi soi dukai óídaga gin aaduñi Ejiptuïrï. Kaïkana aanï xïïxi aijiïgïiña ïgai xudu soi buadagi tïtïanïdamigadï. Daidi kïï maatï aanï xïïxi bia ïgai soi ïrhiaragai abhana— ikaiti.

Lukas 1:54

Dai xibi ka kïïga tïgito Diuxi go ñoki ix makïdï aagidi ïgai go Abraamkaru ïïki go piipixaradï bïïtarï. Potïtïdai ïgai sai bïïxkïrï oigïda nïijada agai piipixaradï tudu. Kaxkïdï xibi Diuxi gïr duñi ïmo soiñi bïïxkatai aatïmï Israelitas gïr bïïtarï— ikaiti go Maria aagaitai xïïxi ïr gïdukami Diuxi.

Lukas 1:72

—Ka podukai bhai dui Diuxi ñoki gïr ïïki aaduñi ïmadï tudu. Aagidi ïgai sai gïr oigïda nïijada agai. Kaxkïdï xibi bhai dui ïgai kïïgakïrï bubaidaragai gïr bïïtarï. Ka podukai aagidi ïgai gïr ïïki aaduñi kaxkïdï.