Exodo 6:3 - Northern Tepehuan Bible

³ —Gin maaxitu aanï buidïrï aapimï gïn piipixara ïïki ix makïdï Abraam dai Isaak dai Jakobo tïtïgidu. Podukai máí ïgai xi aanï ïr Diuxi dai bïïxi adama ïr gubuakïdï aanï. Dïï mos mai tïïgi aanï gin tïtiaraga. Nukadakami tïgidu aanï tudu— itïtïdai.

Exodo 6:3 Kruisverwysings

Genesis 17:1

Ïmo imidagai aidïxi ka biakatadai Abram maakokobhai dan bhaibuxtama dan tuxtama umigi sai gï maaxitu Gïr Nukadakami buidïrï ïgai daidi potïtïdai, —Aanï ïr Diuxi. Dai aanï ïgai dai bïïxi adama ïr gubuakami. Gï agai ix gin ïïgiadagi aapi dai kïï buañixikan dukai oidakagi— itïtïdai.

Genesis 22:14

Dai gokiïrï Abraam dáí tïtiaradï go tubidaki, —Gïr Nukadakami Ïï Daasakïrï— tïïtï ïgai. Dai apia kia pokaiti odami xibi sai Gïr Nukadakami ïï daasamu tubidakïrï ixtuma aagadagi.

Exodo 3:14

—Gï aagidamu aanï ix tïgidu aanï— itïtïdai Diuxi. —Aanï Aanï tïgidukami aanï. Tïdamu aapi go Israelitas sai Aanï Aanï tïgidu ix makïdï gï otoi— itïtïdai Diuxi go Moises.

VUAANA 8:58

Dai Suxi itïtïdai, —Aanï aagai sai aidïxi mai kia busaitadai go Abraamkaru aanï kaxi oidakatadai— itïtïdai.

Apokalipsis 1:4

Aapimï buaboitudadami Asiana óídakami, aanï ïr Juan dai gïn ojidi idi ojai. Gïn ojidi aanï aapimï tudu ix makïdï kubarakami gïgïrï kiikiïrï óídaga aipakoga ami Asiana. Ipïrhidi aanï sai Diuxi ïmadï Diuxi Ibhïadï ïmadï Suxi Kristo kïï tuigakana gïn bïïtarï dai sai gïn maakana ibhïxtaragai gïn ibhïdagïrï. Diuxi tudu ïgai dai ka oidakatadai mai kia kïkibakai oidigi dai tomarhi ïmo imidagai mai ugiti agai. Dai Diuxi Ibhïadï ïgai dai buidïrï kïïka Diuxi daikarudï dai ami gamamaaxidi xïïxi ïr gubuakami ïgai dai ix mai biïga tomarhi ïmo ixtumaxi.

Rut 1:20

-Ka maiti abïr Noemi gin aagada- itïtïdai go Noemi. -Mara abïr gin aagada xibi bhaiyoma. Diuxi ix makïdï bïïxi adama gubuka ka soidodai gin oidakaraga tudu.