Exodo 6:2 - Northern Tepehuan Bible

² —Aanï ïr Nukadakami— itïtïdai Diuxi Moises.

Exodo 6:2 Kruisverwysings

Exodo 17:1

Gïr Nukadakami aagidiña go Israelitas xïxkadï ka dagitoagi ïgai xako gïn urhindiña dai ïpamu mos poduu oidiña ïgai go boi. Mos podukai iimïi ïgai oidigañdïrï xako Sin tïgidu. Kïï dukai oidi ïgai gïn imidagai dai ayi Refidimïrï. Ami Refidimïrï ka mai tïï ïgai sudagi ixtuma iiyagi.

Exodo 20:2

—Aanï ïgai daidi ïr Diuxi gïn Nukadakami— ikaiti Diuxi. —Aanï tudu ïgai daidi gïn bubaitu Ejiptuañdïrï xako axñiñitu dukai gïn aa duiñturhitadai go óídakami.

Exodo 3:14

—Gï aagidamu aanï ix tïgidu aanï— itïtïdai Diuxi. —Aanï Aanï tïgidukami aanï. Tïdamu aapi go Israelitas sai Aanï Aanï tïgidu ix makïdï gï otoi— itïtïdai Diuxi go Moises.

Exodo 3:15

Bhodïrï itïtïdai Diuxi Moises, —Aagidamu aapi go Israelitas sai aanï ïgai dai gï otoi ix makïdï buaboitudaiña gïn aaduñi ïïki. Ix makïdï buaboitudaiña go Abraam dai Isaak dai Jakobo tudu. Podukai tïdamu aapi go Israelitas. Aanï Aanï tïgidu aanï tomax tuigako dai podukai in aagamu bïïxi óídakami xïïki óídaka agai oidigi dama— itïtïdai Diuxi.

Exodo 6:6

—Mïïka aagida aapi go Israelitas xi aanï ïr Nukadakami dai tïïgidamu aanï xïï gubuka aanï. Kaxi ïr sïïrhi xi go Ejipituana Rey aaduñdï biakagi gïgïbidaragai mos ïï soimaaxi ibuadatai ïgai. Kaxkïdï gïïpi daitudamu aanï gïïgïbidaragai abhana xibi dai podukai kïïgakïrï bubaidamu aanï go Israelitas xi ka mai soi buidadamu go Ejipituana óídakami. Aagidañi go Israelitas sai aanï Nukadakami ïgai dai poduña iñagai sai ka maiti gatïanïna go Ejipituana óídakami ix dukai gatïanïi ïgai xibi— itïtïdai Gïr Nukadakami.

Exodo 6:8

Aanï baidakamu go Israelitas gamo Kanaanamu xako aagidi aanï ïïki go Abraam ïmadï Isaak dai Jakobo. Gamo baidakamu aanï xi amïï biakamu ïgai gïn dïbïraga. Aanï ïr Nukadakami dai ka poduñimu aanï. Podukai aagidamu aapi go Israelitas tudu— itïtïdai Diuxi Moises.