Exodo 4:5 - Northern Tepehuan Bible

⁵ —Daiñi— itïtïdai Diuxi. —Pïx xudu aiyagi Ejipituana gï agadamu xi podukai dïbïrapi daituda aapi gï uxiaraga ïpamu bai kooyi gï naatomu gobai ïpamu. Aidï gia gï buaboitudamu go Israelitas xi gï buitapi gin maaxitu aanï ix makïdï Abraam dai Isaak dai Jakobo buaboitudaiña— itïtïdai Gïr Nukadakami.

Exodo 4:5 Kruisverwysings

Genesis 12:7

Dai Gïr Nukadakami kïkiba Abram buitapi daidi potïtïdai, —Idi ïr go dïbïrai ix makïdï maakimu aanï gï maamara ïmadï gï piipixara maigobai— itïtïdai. Dai bhodïrï amaxi kïi Abram ïmo daxdakarui dai mua ïmo buxtaki dai daaxi Gïr Nukadakami. Ami gï maaxitu Gïr Nukadakami Abram buitapi xi kaxkïdï ami kïi ïgai go daxdakarui.

Genesis 17:1

Ïmo imidagai aidïxi ka biakatadai Abram maakokobhai dan bhaibuxtama dan tuxtama umigi sai gï maaxitu Gïr Nukadakami buidïrï ïgai daidi potïtïdai, —Aanï ïr Diuxi. Dai aanï ïgai dai bïïxi adama ïr gubuakami. Gï agai ix gin ïïgiadagi aapi dai kïï buañixikan dukai oidakagi— itïtïdai.

Genesis 28:13

Dai tïsadikaru abhana kïakatadai Gïr Nukadakami daidi potïtïdai ïgai go Jakobo, —Aanï ïr Diuxi gï Nukadakami dai aanï soikïiña gï boxika Abraam ïmadï gï oga Isaak. Daiñi. Bïïxi idi dïbïrai xako dama kaatï aapi aanï gï maakimu gï piipixara bïïtarï— itïtïdai.

Exodo 19:9

Dai bhodïrï Gïr Nukadakami potïtïdai go Moises, —Daiñi, ipïrhidi aanï sai gï buaboida kaïkana go odami. Kaxkïdï xibi ïmo ikomai kobokami saagida kïkibamu aanï aapi gï buitapi bai kaïkagi go odami atagaitai aanï aapi gï ïmadï. Podukai gia gï buaboituda kaïkamu go odami— itïtïdai Gïr Nukadakami Moises. Dai bhodïrï Moises ïpamu aagidi Gïr Nukadakami ix kaititadai go Israelitas.

Exodo 3:15

Bhodïrï itïtïdai Diuxi Moises, —Aagidamu aapi go Israelitas sai aanï ïgai dai gï otoi ix makïdï buaboitudaiña gïn aaduñi ïïki. Ix makïdï buaboitudaiña go Abraam dai Isaak dai Jakobo tudu. Podukai tïdamu aapi go Israelitas. Aanï Aanï tïgidu aanï tomax tuigako dai podukai in aagamu bïïxi óídakami xïïki óídaka agai oidigi dama— itïtïdai Diuxi.

Exodo 3:16

Daidi Diuxi Gïr Nukadakami kia aatagaimi ïmadï Moises daidi itïtïdai, —Ïmpaidamu aapi go Israelitas bhaitï gukakamigadï aïkai aapi Ejipituana daidi aagidamu aapi xi gï buidïrï maaxitu aanï ix makïdï gïn piipixara buaboitudaiña ïïki. Ix makïdï Abraam dai Isaak dai Jakobo buaboitudaiña tudu. Aagidamu aapi xi gï buidïrï gin maaxitu aanï dai xi aanï gï aagidi xi nïidi aanï xïï soi dukai gïn aaduintuldimi go Ejiptuïrï óídakami— tïdamu aapi go Israelitas bhaitï gukamigadï.

Exodo 3:18

—Go bhaitï gukakamigadï Israelitas gï ïïgida kaimu. Dai bhodïrï oidamu aapi go bhaitï gukakami daidi mïï Ejiptuïrï Rey buidïrï kïkibamu aapi dai atagidamu. Daidi tïdamu aapi go Rey sai, —Diuxi Gïr Nukadakami ix makïdï aatïmï Israelitas buaboitudai ïgai daidi gïr buidïrï gï maaxitu dai gïr aagidi sai mïï oidigana daaxida aatïmï buxtaki. Ïgai gin otoi naidi gï tanïna aanï oigaragai xi dagitoagi aapi gin aaduñi xi baidakagi aanï baika tasai imidagai oidigamu. Mïï koditulda ïragai aatïmï buxtaki Diuxi Gïr Nukadakami. Potïdamu aapi go Rey— itïtïdai Diuxi go Moises.

Exodo 3:4

Daidi Gïr Nukadakami nïidi xi miadïrïioma aijimi daidi tïtïdai, —Moises— itïtïdai Diuxi. —Tami an daja— ikaiti Moises.

Exodo 3:6

—Aanï ïr Diuxi ix makïdï gin buaboitudaiña gï piipixara ïki. Ix makïdï buaboitudaiña Abraam ïmadï Isaak dai Jakobo ïïki tudu— itïtïdai Diuxi. Daidi go Moises ïbhïimi xi nïijadagi Diuxi daidi gï iña buibasodï.

Exodo 4:1

Diuxi aagidi go Moises sai bubaidana ïgai go Israelitas Ejiptuañdïrï. Dïï mos go Moises itïtïdai Diuxi, —Xadïrï gin buaboitudaiña go Israelitas. Maiti gin ïïgiadamu ïgai ïrhi aanï. Bhaiyoma potïimu ïgai xi maiti ïr buaboi xi gin buidïrï gï maaxitu aapi Gïr Nukadakami— itïtïdai Moises.

Exodo 4:31

Daidi go Israelitas kïïga buaboida kaï ñokidï Aaron ïmadï Moises. Kïïga maatï kaï ïgai xi Gïr Nukadakami tïgito nïiditadai go Ejipituana óídakami xïï kabami soi duiñturhimi ïgai go Israelitas. Dai maatï kaï ïgai ïpï sai Gïr Nukadakami soiña agai. Xi kaxkïdï kuiki ïgai dai xaduturhi ïgai Diuxi kïïga buaboitudaitai.

Exodo 4:4

Dïï mos Gïr Nukadakami itïtïdai, —Bhajiana bhïiyi go kooyi— itïtïdai. Daidi go Moises otoma bhajian bhïiyi go kooyi. Tai go kooyi uxi gï nato ïpamu.

VUAANA 11:15

—Dïï gia kïïga dui aapimï gïn bïïtarï mai dakatai aanï mïïka aidïxi muu ïgai. Podukai gia bamioma kïïga buaboitudamu aapimï xibi nïiditai ix tuma duñimu aanï— itïtïdai. Dai bhodïrï itïtïdai —Xibi gia tinda nïida go Lasaro— itïtïdai.

VUAANA 11:42

—Kïïga maatï aanï tudu sai aapi bïïxkïrï gin mamaakai ix tumaxi gï tanïdagi aanï dïï idi ix makïdï tami guka mai maatï ix kaxkïdï gï aagidi aanï tanai buitapi ïgai sai ïgai buaboitudana ix aapi ïgai dai gin otoi— itïtïdai.

VUAANA 20:27

Dai bhodïrï itïtïdai ïgai go Tomás, —Gimi dai taata gï ïkakïdï dai nïida sai kia kïï maaxi xako gï xixixatu gin ïïka. Dai tami gin onoma dïgakïrï taata ïpï dai podukai ka mai xu xi poïrhiada aapi sa bhai maiti ïr buaboi dai bhaiyoma kïïga buaboitudada aapi— itïtïdai.

VUAANA 20:31

Tami idi libroïrï oja aanï ïïmoko ipïrhiditai ix nïiditai aapimï gobai kïïga buaboitudada aapimï ix go Suxi buaboikïdï ïr Diuxi maradï daidi ïr Ga Tïanïdami ïpï. Ojixi go maaxidaragai idi libroïrï sai ïgaikïdï buaboitudana aapimï dai sai ka buaboitudakai sai bhodïrï kïïgakïrï óídakana aapimï bïïxkïrï bïïtarï.

VUAANA 5:36

—Gia ïr buaboi tudu sai Juan gïn aagidiña xorai aanï. Dïï kia oidaga ïma maaxi ïpï ix makïdï aagai kïïgioma xorai aanï. Go aaduindagai ix makïdï ibuadana aanï ami aagai kïïgioma xorai aanï. Ibuayi aanï go aaduindagai ix makïdï Diuxi gin tïjai dai kaxkïdï nïiditai gin aaduindagai kïïga gï maatï sai Diuxi gin otoi.

Hechos 7:2

Dai Tibañi itïtïdai, —Gin kaïkabïrai aapimï gin aaduñi dai aapimï gïr bhaitï gukakamiga. Daiñi, Diuxi bamioma bia gubukadagai xi bhai toma xorai. Dai gï maaxitu ïgai gïr aaduñi Abraamkaru buitapi aidïxi kia Mesopotamiïrï oidakatadai ïgai mai kia imïkai ïgai Aranamu.

Hebreos 11:16

Dai bhaiyoma gaagaiña ïgai ïmo oidakaragai bamioma kïïgadukami xi go ïïkidadï kiidï. Ka tïbagiana óídata ïrhiditadai ïgai tudu dai ka mai tïtïitoiña ïkidadï oidakaradï mos ïï kïïga buaboidaitai ïgai ixtumaxi Diuxi aagidi. Kaxkïdï kïïga bhai gï ïrhidi Diuxi ïgaikïdï. Mai xia ïï Diuxi kaïkatai sai go Abraam ïmadï aduñdï podukai aagaiña sai ïgai ïr Diuxigadï tudu. Kaxkïdï bhai duñi Diuxi ïmo kiiki tïbagiana ïgai bïïtarï dai podukai mamaaxidi xïï kïïga bhai ïrhidi ïgaikïdï. Dai gï agai sai maatïkana aapimï sai podukai nïijadamu Diuxi bïïxkatai ix makïdï ïpïan dukai buaboitudai ix duu buaboitu go Abraam ïpï.