Exodo 4:14 - Northern Tepehuan Bible

¹⁴ Dai Gïr Nukadakami bhamu aidï buidïrï Moises daidi itïtïdai. —Gï sukurhi Aaron ïr pipiixaradï Lebi ïpï ïpïandukai aapi dai ïgai kïï saitudaga atagaragai. Xibhïadïrï imïi ïgai gï dibida agaitai. Bhai gï ïldamu ïgai gï tïïgakai— itïtïdai Gïr Nukadakami Moises.

Exodo 4:14 Kruisverwysings

Exodo 4:13

Dïï mos go Moises apia maiti ipïrhidi. —Gin oigïdañi Gïr Nukadakami, otosañi ïmai— itïtïdai.

Exodo 4:17

—Bhïkañi gï uxiaraga. Ïgaikïdï duñimu aapi naana maaxi maaxidaragai maaxi— itïtïdai Gïr Nukadakami Moises.

Exodo 4:27

Daidi mai kia aïkai ïgai Ejipituana sai Gïr Nukadakami ñokidi sukurhidï Moises, Aaron tïgidukïdï. Ïgai gia Ejipituana dakatadai. Daidi Gïr Nukadakami itïtïdai, —Imïdañi oidigamu. Amïï oidigamu ayimu aapi go Moises— itïtïdai. Dai go Aaron jii dai amïï tubidakïrï Horeb tïgidukïdï xako ajïi Diuxi ami buidïrï ayi ïgai Moises. Dai biaturhi ïgai dai usupi.

Hechos 15:28

Diuxi Ibhïadï ïgai dai gïr tïanïi xibi dai aatïmï pokaiti sai mosïkaxi gï aagai aapimï xi ïgiada idi chïki ñoki,

Filipenses 2:21

Go gaa mosïkaxi ïïgi bïïtarï buamï gïn ïrhidi dai mai buamï gïn ïrhidi ixtumaxi bhai ïrhidi Suxi Kristo.