Exodo 4:13 - Northern Tepehuan Bible

¹³ Dïï mos go Moises apia maiti ipïrhidi. —Gin oigïdañi Gïr Nukadakami, otosañi ïmai— itïtïdai.

Exodo 4:13 Kruisverwysings

Genesis 41:35

Kubarakami umigi kïï bhai gï duñimu ïjïxikami kia. Dai aapi Rey gï aagadamu xi maakiagi ïmo gubukadagai xi ïmpaida ïgai tïrhigi dai bhai tuakarukana bhai tuagi nobai gïïgïr kiikiïrï dai ami nukadakagi

Exodo 4:1

Diuxi aagidi go Moises sai bubaidana ïgai go Israelitas Ejiptuañdïrï. Dïï mos go Moises itïtïdai Diuxi, —Xadïrï gin buaboitudaiña go Israelitas. Maiti gin ïïgiadamu ïgai ïrhi aanï. Bhaiyoma potïimu ïgai xi maiti ïr buaboi xi gin buidïrï gï maaxitu aapi Gïr Nukadakami— itïtïdai Moises.

Exodo 4:12

—Mïradañi tudu naidi aanï gï maakana tïgibudagai dai ñoki ïpï paidi atagada— itïtïdai Gïr Nukadakami.

Exodo 4:14

Dai Gïr Nukadakami bhamu aidï buidïrï Moises daidi itïtïdai. —Gï sukurhi Aaron ïr pipiixaradï Lebi ïpï ïpïandukai aapi dai ïgai kïï saitudaga atagaragai. Xibhïadïrï imïi ïgai gï dibida agaitai. Bhai gï ïldamu ïgai gï tïïgakai— itïtïdai Gïr Nukadakami Moises.

Jonas 1:3

Dïï gia go Jonas maiti ipïrhi xi imiagi. Daibuna mïï ïgai bhaiyoma mai ïïgida ïrhiditai Gïr Nukadakami. Ayi ïgai go gïï sudaïrï ugidana xako Jope tïgidu ïmo gïï kiiki dai xako mui aïjïiña barko. Ami tïï ïgai ïmo barko Tarsiamaako imïdami dai sabïrhi ïmo boleto. Maiti ipïrhiditadai ïgai xi Gïr Nukadakami tïïgiagi dai tïsai barkoana.

Jonas 1:6

Dai kapitañigadï go barko mïï kïkiba xako kaatïkatadai Jonas dai potïtïdai, —Nïñiñi aapi parïgami— itïtïdai. —Daañiñi go Diuxi ix makïdï buaboitudai aapi. Maatï xi ipïlda ïgai xi gïr soiñagi sai mai koiyagi aatïmï— itïtïdai.

Mataibo 13:41

Amaxi aanï ix makïdï ïr otosadï Diuxi dai ïmo kïïrhi busai, aanï otosamu gin tïtïañikaruga bïïxi aipakoga xako ukami gatïanïi aanï dai abhiadïrï ïmapidamu ïgai bïïxkatai go odami ix makïdï ïr soimaaxi ibuadami dai ix makïdï gabapaidi jaa sai soimaaxi ibuadana ïpï.

VUAANA 6:29

Dai Suxi itïtïdai, —Gïn aagidamu aanï ix tumaxi ipïrhidi Diuxi ix ibuada aapimï. Ïgai ipïrhidi mïx xi gin buaboitudagi Diuxi otosadïkatai aanï— itïtïdai.