Exodo 32:1 - Northern Tepehuan Bible

¹ Kaxi pogïduitadai gokobhai tasai abhiadïrï xi jii go Moises tubidakiamu. Dai go Israelitas gïn ïmpagi ïmadï go Aaron daidi potïtïdai, —Ka mai dibian tïi go Moises— ikaiti ïgai. —Ka arhiï tïbïpi daja ïgai tubidakana— ikaiti. —Gïr bubaitu go Moises Ejiptuañdïrï dai xibi ka mai maatï aatïmï xi gï dui ïgai. Tïgito aatïmï xi aapi Aaron gïr duiñdagi ïmo ixtumaxi sai ïgai ïr diuxikagi aatïmï gïr bïïtarï. Aidï gia ix makïdï iduña agai aapi gïr tïïgidamu boi xako sïïrhi iimiagi aatïmï— itïtïdai go Israelitas.

Exodo 32:1 Kruisverwysings

Genesis 19:14

Dai go Lot kaïkatai gobai sai mïï aagidi ïgai go kïkïïrhi ix makïdï ka aagai sai ïmadï bii agai go maamaradï Lot. Daidi potïtïdai ïgai, —Otoma abïr boopoi. Ka xia duada agai Gïr Nukadakami idi bhaabhaki— itïtïdai. —Arhiï buiruga aapi dai kaiti— itïtïdai go kïkïïrhi dai mai buaboitu.

Genesis 39:8

Dïï gia go Jose maiti ipïrhi dai itïtïdai bhaiyoma —Gin amu gin nukaturhi buxtuidadï dai ka mai buamï ïrhidi ix nukadakagi.

Exodo 13:21

Diuxi bhaitïki kïïkigi go Israelitas xi podukai go Israelitas maatïkana xako sïïrhi iimiagi. Tasïrï ïmo tïkabakami kïakami kubhuxi maaxtugaiña ïgai dai tukarï ïmo gïï tïkabakami táí maaxtugaiña. Podukai bhaigakana ïgai xi oijadagi gïn imidagai tomaxuduku tomaxi tasïrï xiïpï tukarï.

Exodo 14:11

Daidi bui ñiño ïgai go Moises daidi itïtïdai, —Tui pïxi gïr bubaitu aapi Ejiptuañdïrï dai tami gïr bua. Maiti ix tipu Ejipituana xako yaasagi koidadï xi tanai gïr buapai aapi ix koiyagi aatïmï oidigana.

Exodo 16:3

Daidi ikaitimi, —Xioma ïr kïïgaikatadai xi gïr kodamudai Gïr Nukadakami aidïxi kia Ejipituana darajatadai aatïmï. Ami gia ajayi sonoana darajana aatïmï dai tataxkonïkana kuadatai bhaabhaidi. Dïï xibi ka oidigana gïr darasaka go Moises ïmadï Aaron ipïrhiditai ïgai ix koiyagi aatïmï bhiugigaikïdï— ikaitimi.

Exodo 24:12

Bhodïrï Gïr Nukadakami aataga ïmadï Moises daidi itïtïdai, —Tïsaidañi bhaigobakoga tubidakiamu xako daja aanï. Bhaigobioma miadïrïioma kïkiba tami tubidakïrï daidi gin nïnïraka naidi aanï gï maakana ojodai kaakaparakami xako oja aanï maatïtuldaragai ïmadï sïïrhikami. Gokïdï maakimu aapi ñoki go odami— itïtïdai Gïr Nukadakami Moises.

Exodo 24:18

Dai Moises tïsai kubhuxi saagida sïïrhi dai ayi tubidaki kugïrï. Ami bii ïgai gokobhai tasai dai gokobhai tukagi.

Exodo 32:11

Dïï gia go Moises apia dukai daañimi Diuxi Gïr Nukadakami go Israelitas bïïtarï daidi potïtïdai, —Cho gin Nukadakami— itïtïdai. —Ïïgi gï gubukadakïdï pïtai bubaitu aapi go Israelitas Ejiptuañdïrï dai xibi dukatai bhamuka ïrhidi aapi buidïrï— itïtïdai.

Exodo 32:7

Dai Gïr Nukadakami itïtïdai go Moises, —Mïïka nïida gï aaduñi mïï taana ix makïdï Ejiptuañdïrï bubaitu aapi. Kaxiata gïpiïrï gïn surhi ïgai ïïgi— itïtïdai.

Mataibo 24:43

Daiñi, ïmo oidakami xadïrï kosokana ix maatïkagi ïgai sai ami kiidïrï ayi agai ïmo ïxibugami. Nïnïasïrhigan dukai dakana ïgai bhaiyoma dai mai daadagitoiña ïgai go ïxibugami xi bakiagi sai mai popoidana ïgai buxtuidadï.

Mataibo 24:48

—Dïï gia go pioñi ix makïdï nukadakami bii ami kiiyïrï kïï bhaiga xi galtuigakagi ïpï. Xi pomaaxkagi ïgai aidï gia gïgïbi antaada ïgai go gaa pipioñi ïmadï kuxñiñirui po gï ïrhiditai ïgai sai mai otoma dibiagai amudï. Ix mai buamï gï ïrhiadagi ïgai ix dibiagi amudï dai mos gakuadagi dai gayïdagi ïmadï jaa nabaakoidadï,

Hechos 17:29

Buaboi aba tudu xi ïr maamaradï aatïmï Diuxi. Kaxkïdï tudu, ¿Dukatai pobïr ïrhiadana aatïmï xi Diuxi ïr ïmo ubixi maaxi ix makïdï odami idui? Ïgai maiti ïr ïmo odami duñidï toma xïï kabami saitudagakagi odami ix makïdï iduña agadagi. Ïgai maiti ïr oro tomarhi plata tomarhi odai ïpï.

Hechos 19:26

Dai maatï aapimï ïpï sai mui odami ka bhïiyi go Pabora buaboidaradï kaïkai aatagidï dai mai xu mosïkaxi tanai Efesoana. Maigobai aipako xako ukami Asia tïgidu oidigi go óídakami ïïgidimi Pabora ñokidï ïpï. Ïgai pokaiti sai go momono ix makïdï ibuayi odami mai namïga didiuxi dukai.

Hechos 7:40

Dai aagidi ïgai go Aaron daidi potïtïdai, Gïr duiñdañi sasanto bai gïr nukatika ïgai boiyamu. Go Moises gïr bubaitu Ejiptuañdïrï dai xibi ka mai maatï aatïmï xi gï dui ïgai, ikaiti gïr aaduñi ïïki.

2 Pedro 3:4

Daidi ikaitidamu ïgai, —¿Tïdui dai mai kia dibia Suxi Kristo?— ikaitida agai. —Pokaitiña go Suxi sai buaboikïdï dibiagai ïpamu dïï mai kia dibia. Mo maaxkana oidigi aidï abhiadïrï xi idui Diuxi dai mai tipu maaxidaragai ix dibiagi Suxi Kristo ïpamu— ikaitidamu. —Go ïïki óídakami ka kïkïrhiokoi dai ka bïïxi koi dai modukai mai dibia go Suxi tudu— ikaitida agai ïgai gïn parunaitai.