Exodo 3:12 - Northern Tepehuan Bible

¹² Daidi Diuxi itïtïdai, —Gï ïmadï daakamu aanï. Daiñi, ayimu ixtuigako gin xadutuadamu aapi tami idi tubidakïrï ïmadï gï aaduñi ka bubuakïkai aapimï Ejiptuañdïrï. Aidï gia maatïkamu aapi xi aanï ïgai daidi gï otoi— itïtïdai.

Exodo 3:12 Kruisverwysings

Exodo 3:1

Aidïpïrï go Moises nukadakana Reuél sosoigadï kañiru. Go Reuél gokadu tïtiaradï. Reuél tïgidu ïgai dai Jetero tïgidu ïpï. Ïgai gamamaakaiña ñoki Madianïrï óídakami xi kïï buaboitudagi ïgai. Ïmo imidagai Moises saadatai imïi kañiñiru oidigamu daidi ayi uruñi utapako ïmo tubidaki Horeb tïgidukïdï xako didibai Diuxi.

Exodo 3:13

Dïï mos go Moises itïtïdai go Nukadakami, —Xadïrï gin buaboidana gin aaduñi xi aapi gin otoi ix makïdï ïkioma gïr piipixaraga buaboitudaiña. Xorai ïgai daidi gin otoi gin tïkakamu ïrhi aanï ïgai. Aidï gia dukatai tïda iñagai aidï aanï xi tïgidu aapi— ikaiti Moises.

Exodo 4:12

—Mïradañi tudu naidi aanï gï maakana tïgibudagai dai ñoki ïpï paidi atagada— itïtïdai Gïr Nukadakami.

Exodo 4:15

—Aagidamu aapi go Aaron bïïxi ix dukatai gï aagidamu aanï. Dai podukai atagamu ïgai amïï Ejiptuïrï naidi aanï gïn ïmadï dakamu dai gïn soiñamu. Aanï gïn aagidamu xi ixtumaxi atagadagi aapimï— itïtïdai.

Isa 7:14

Po tïtïdai ïgai sai, —Gïr Nukadakami gïn maaki agai aidï ïmo maaxidaragai ixtukïdï maatïkagi aapimï xi ïgai iduñi agai ix dukatai gïn aagidi ïgai ïïki. Gïn aagidamu aanï ix tumaxi ïgai daidi ïr maaxidaragai ka agai. Ïmo tïji ix makïdï mai kia abhana boo kïïrhi tïïgi agai ïmo arhi gïrhi abhana. Gobai ïgai dai maaxidaragai ka agai. Dai ka dibiakai ïgai Emanuel tïïtï agai— itïtïdai Isaias go Israelitas.

Mataibo 28:20

Tïïgidabïrai ñoki sai ïïgiada ïgai bïïxi ixtumaxi gïn tïjai aanï. Dai gï agai sai maatïka aapimï sai aanï gïn ïmadï daka iñagai asta xïïxkadï ukami kïakagi oidigi— itïtïdai Suxi. Mosïkaxi.

Markos 16:20

Dai go mamaatïrdami aipako iji dai óídakami buitapi aiturhi Diuxi ñokidï. Dai Suxi Gïr Nukadakami soikïiña aaduindadïrï bai ïgai naana maaxi ibuadana ix makïdï ïïgi odami xadïrï ixtuidana ix ibuadagi. Podukai maaxiturhi sai ix makïdï aagaiña ïgai ïr buaboi. Dai mosïkaxi.

Hechos 11:21

Diuxi kïïga soi go buaboitudadami ïgai dai ami kïïga mui odami ix makïdï maiti ïr judidiu buaboitu ïpï dagitokai gïn ïïkidadï buaboidaragai dai xibi ka oidami bii ïgai Gïr Nukadakami.

Hechos 7:7

Dai Diuxi apia aatagidi Abraam daidi itïtïdai, Daitudamu aanï gïgïbidaragai abhana go odami ix makïdï soimaaxi taatatulda agai gï piipixara ami xako óídaka agai ïgai xako mai buaboikïdï ïr kiidï. Dai gokiïrï bubuakimu gï piipixara abhiadïrï dai gin xadutuadamu ïgai tanai xako daraja aatïmï xibi, itïtïdai Diuxi.

Romanos 8:31

¿Ix tïiya ïrhidi aidï gïr bïitarï idi ix makïdï gïn aagidimi aanï idi ojiïrï? Diuxi ïgai dai gïr abhana kïïka dai gïr soikïi ¿aba? ¡Xadïrï ixtuidïna gïr buidïrï bïïtïkami gïr bui aidï!

Hebreos 13:5

Dai maiti abïr adaimuada go tuminxi ïpï poïrhiditai sai gobai ïr gïn bhai ïrhiaraga. Gï agai bhaiyoma xi bhai gïn ïrhiadagi ixtumaxikïdï ka bia aapimï. Daiñi, ka ojixi Diuxi ojadïrï sai, Aanï Diuxi maiti gïn dagitomu tomarhi ïmo imidagai, ikaiti Diuxi ojadïrï.