Exodo 3:10 - Northern Tepehuan Bible

¹⁰ Xibi aanï gï otosa iñagai xi mïï aatagada aapi buidïrï go Rey amïï Ejipituana xi dagitona ïgai go Israelitas bai bubuakïna ïgai abhiadïrï daidi bhodïrï bubaidamu aapi go Israelitas— itïtïdai Diuxi.

Exodo 3:10 Kruisverwysings

Genesis 15:13

Dai Gïr Nukadakami gï maaxitu ïgai buitapi daidi itïtïdai, —Aanï ipïrhidi pïx maatïkagi ix no xibhïako óídaka agai gï piipixara xako maiti ïr kiidï. Dai oidakami ami mïkaxi aaduinturhiada agai gï piipixara ïpïan dukai axñiñitu. Maako ciento umigi ka mos soi maa taatamitulda agai ïgai— itïtïdai.

Genesis 15:14

—Dïï aanï gïgïbituldamu go odami ïgai ix makïdï soimaaxi taatamitulda agai gï piipixara. Dai bubuakimu gï piipixara abhiadïrï xako soimaaxi taatamu ïgai darajatai dai abhiadïrï gïï kusu iimimu ïgai buxtuidagadï.

Hechos 7:34

Daiñi, aanï kïï maatï xïï soimaaxi taatamaimi gin maamara Ejiptuïrï óídakatai. Kaïkana aanï xïïxi aajagïiña ïgai dai tïbai aanï dai kïïgakïrï bubaida gin agai. Imiñi tudu, aapi Moises. Gï otosamu aanï Ejiptuamu ïpamu, itïtïdai Diuxi.

Hechos 7:36

Dai gokiïrï go Moises bubaitu gïr aaduñikaru Ejiptuañdïrï dai idui naana maaxi maaxidaragai Diuxi gubukadadïkïdï. Naana maaxi idui ïgai Ejipituana ix makïdï ïïgi Diuxi bhaiga xi ibuadagi dai go gïï sudagi bïgikïdïana ïpï. Dai gokiïrï apia kia pobuadana ïgai gokobhai umigi ajiopaitai gïr aaduñi oidigana xako mai tipu óídakami.

Hechos 7:6

Dai Diuxi potïtïdai go Abraam, Ïpï chïki umigikïdï gï piipixara iimimu tabhiadïrï dai no xibhï óídaka agai ïmai oidigïrï. Mïïkaxdïrï óídakami dukai óídakamu ïgai ami. Dai ami óídakami sosoigadï dukai nïijadamu gï piipixara dai aaduintuldamu. Soi dukai óídakamu ïgai maako ciento umigi, itïtïdai.

Hechos 7:7

Dai Diuxi apia aatagidi Abraam daidi itïtïdai, Daitudamu aanï gïgïbidaragai abhana go odami ix makïdï soimaaxi taatatulda agai gï piipixara ami xako óídaka agai ïgai xako mai buaboikïdï ïr kiidï. Dai gokiïrï bubuakimu gï piipixara abhiadïrï dai gin xadutuadamu ïgai tanai xako daraja aatïmï xibi, itïtïdai Diuxi.