Exodo 3:1 - Northern Tepehuan Bible

¹ Aidïpïrï go Moises nukadakana Reuél sosoigadï kañiru. Go Reuél gokadu tïtiaradï. Reuél tïgidu ïgai dai Jetero tïgidu ïpï. Ïgai gamamaakaiña ñoki Madianïrï óídakami xi kïï buaboitudagi ïgai. Ïmo imidagai Moises saadatai imïi kañiñiru oidigamu daidi ayi uruñi utapako ïmo tubidaki Horeb tïgidukïdï xako didibai Diuxi.

Exodo 3:1 Kruisverwysings

Exodo 17:6

—Aanï Horeb tubidakïrï gïn nïnïrakamu go gïï odiïrï. Ami gïïgïmu aapi go odai xi abhiadïrï busaimu sudagi ixtuma iiyagi go odami— itïtïdai Gïr Nukadakami Moises. Bhodïrï podui go Moises ix dukai aagidi Diuxi dai bïïxi go bhaitï gukakamigadï go Israelitas nïidi.

Exodo 19:11

Gï agai sai kïïga bhai gïn dukana ïgai naidi ayimu aanï tami Sinaí tubidakïrï. Bïïxi go Israelitas buitapi tïbañimu aanï tudu— itïtïdai Gïr Nukadakami Moises.

Exodo 19:3

Ami tubidakïrï tïsai Moises dai aataga agai ïmadï Diuxi. Dai Gïr Nukadakami nobai tubidakiañdïrï ñokidi Moises daidi itïtïdai, —Idi ñoki aagida aapi go Jakobo piipixaradï, go Israelitas tudu. Aagidañi xi adukai aagai aanï sai,

Exodo 2:18

Bhodïrï ka kiiyïrï aïkai go aarhi oki ogadï itïtïdai, —¿Tuixi mosïï otoma dada aapimï?— itïtïdai.

Exodo 2:21

Daidi aagidi ïgai go Moises saidi ami gï urhiñana dai go Moises bhai aa daidi ami gï urhi. Daidi go Reuél maa ïmoko maradï ix makïdï Sefora tïgidu dai go Moises ka ïma bii.

Exodo 24:13

Bhodïrï Moises báí ïmo kïïrhi ix makïdï Josue tïgidu xi ïgai oidana tubidakiamu. Dai mai kia iji ïgai dai mïï aatagidi ïgai go bhaitï gukakamigadï go Israelitas daidi potïtïdai, —Tami abïr gïr nïnïraka aapimï. Aatïmï tïïtïigiaragai tubidakiamu xako daja Diuxi. Dai xi biakagi aapimï aatagi xi tumaxi bhai duñagi mai kia dadakai aatïmï abïr aatagida go Aaron ïmadï go Hur xi gobai gïn soiñamu— itïtïdai.

Exodo 3:12

Daidi Diuxi itïtïdai, —Gï ïmadï daakamu aanï. Daiñi, ayimu ixtuigako gin xadutuadamu aapi tami idi tubidakïrï ïmadï gï aaduñi ka bubuakïkai aapimï Ejiptuañdïrï. Aidï gia maatïkamu aapi xi aanï ïgai daidi gï otoi— itïtïdai.

Exodo 3:5

—Xadutudikami idi dïbïrai xako kïïka aapi. Maiti miadïrï kïïkada dai maigobai daasa gï sususaka— itïtïdai Diuxi.

Exodo 4:18

Bhodïrï ïpamu tïbai Moises tubidakiañdïrï xako tïïtadai ïgai táí dai xako aatagaitadai ïgai ïmadï Diuxi dai bhodïrï ïpamu ayi kiidïrï tubhadï. Reuél tïgidu tubhadï. Dai Jetero aagaiña odami ïpï. Gokadu tïtiaradï tudu. Daidi Moises itïtïdai aidï —Gï agai xi mïï nïida aanï gin aaduñi ïpamu Ejipituana. Maatïka in ïrhidi xi bhai kia daraja ïgai— itïtïdai. —Ïjï mïïka nïida— itïtïdai Jetero.

Exodo 4:27

Daidi mai kia aïkai ïgai Ejipituana sai Gïr Nukadakami ñokidi sukurhidï Moises, Aaron tïgidukïdï. Ïgai gia Ejipituana dakatadai. Daidi Gïr Nukadakami itïtïdai, —Imïdañi oidigamu. Amïï oidigamu ayimu aapi go Moises— itïtïdai. Dai go Aaron jii dai amïï tubidakïrï Horeb tïgidukïdï xako ajïi Diuxi ami buidïrï ayi ïgai Moises. Dai biaturhi ïgai dai usupi.

Lukas 2:8

Dai Belenïrï no maigobai oidigana ajiopaitadai paxtuturu dai nukadatadai kañiñiru aidï tukarï.

Hechos 7:30

—Dai bhodïrï ka daibunukai gokobhai umigi, oidigana aimïraitadai Moises miadïrï ïmo gidi Sinaí tïgidukami. Ami ïmo Diuxi tïañikarudï gï maaxitu Moises buitapi. Ïmo uxi ipuadïrï mïïkatadai dai ami taiyïrï gï maaxitu ïgai .

1Sa 16:11

—¿Maiti xi tipu jaa gï maamara?— itïtïdai. —Mosïka arhidukïdioma bii. Dai oidigana daja nukadai ïgai kañiñiru— itïtïdai Isaí. —Otoma bhaigobai ibaida— itïtïdai Samuel. —Maiti ugimu aatïmï go bhaabhaidi daaxidaradï Gïr Nukadakami xi mai dibiagi ïgai— itïtïdai.