Exodo 26:31 - Northern Tepehuan Bible

³¹ —Bhaiga abïr duñi ïmo gïï nagiïkami ikuxi dai kïï kobokami. Gokïdï ïjïkobai bimu go tutukabi gin kiiyïrï xako ïr xadutudikami ka agai ïmadï go xako bïïxi adama ïr xadutudikami ka agai. Abïr bhai buada ikuxi tïdoikami ïpïamaaxkami tïbagi ïmadï moraduakami dai bïgikami ïpï dai ix makïdï kïï finuga ilugadï. Gokïdï abïr duñi go gïï kobokami ikuxi. Ami abhana go ikuxi abïr soma Diuxi tïañikarui maaxkami bai kïï tiodikana go ikuxi— itïtïdai Diuxi.

Exodo 26:31 Kruisverwysings

Exodo 25:18

Bïï goka padïrï go iñaparagai gï agai xi tutusagi goka Diuxi tïtïañikaru maaxkami ix makïdï ajana. Martiokïdï sosona go oro dai bhobai baaxi iñaparana iduñi go tïtïañikaru xi mos ïmo aaduindagaikagi ïgai ïmadï go iñaparagai.

Exodo 25:4

Gï agai xi gin oida ïgai ikuxi ïpï tïbagi tïdoika maaxkami dai moraduakami ïpï dai bïgikami dai kïï duñixikami toa ikuxi dai xibato popodï ïpï duñaragai bïïtarï go baaki.

Exodo 26:32

—Xibi gï aagidamu aanï pïx dukatai ïrhigagi go gïï kobokami ikuxi— itïtïdai Diuxi go Moises. —Gï agai pïxi bhai duñagi maakoba uxi kïï fifinuakami dai bïï sudakami tïkidagi oro. Dai bhodïrï gï agai pïxi duñagi maakoba taataradï go ïï plata duñixikami ixtukïdï dagïkagi ïgai go uxi dai ami gï tutusa agai gobai. Bhodïrï oro xixikorakamiandïrïï iña agai go gïï ikuxi go bïï maakoba uxiañdïrï ix makïdï idui aapi. Daidi ami go ikuxi ïbhïgidïrï ikïsa go Xadutudikami Kajoñi biakami sïïrhikami. Podukai go ikuxikïdï ïjïkobai bimu xako ïr xadutudikami ka agai ïmadï go xako bïïxi adama ïr xadutudikami— itïtïdai.

Lebitiko 16:2

Dai bhodïrï Gïr Nukadakami aataga ïmadï Moises daidi itïtïdai, —Aagidañi gï xïgi Aaron sai maiti agai xi mos ipïldakai baakiagi ïgai go gïï nagiïkïdï ikuxi ïbhïgidiïrï dai buidïrï go kajoñi iñaparadï xako gï boixidai ïrai bai ïgaikïdï oigïlda nïidagi aanï odami soi maaxkamigadï. Ami bïïxi adama ïr xadutudikamiïrï tudu. Xi mos ïgikïdï baakiagi ïgai mukian taada ïgai gin maaxitukai aanï kubhuxi saagida bhobai kajoñi iñaparadï dama.

Mataibo 27:51

Baidi amaxi tïkabidïrï abhiadïrï asta mïï taana ukami sarai go gïï ikuxi ix makïdï go gïï kiupaigadïrï judidiu sagiïkatadai. Dai gigiburhi oidigi ïpï dai mui ojodai taatapai ïrana.

Markos 15:38

Baidi ïrana ïxi sarai go gïï ikuxi tïkabidïrï abhiadïrï asta mïï taana ukami ix makïdï go gïï kiupaigadïrï judidiu sagiïkatadai.

Efesios 2:14

Suxi Kristo ïgai dai bhai dui gïr bïïtarï xi ka mai tipukana buidïrï kaatïkaragai saidi xibi ïr ïmo aadunumïkana go judidiu ïmadï ix makïdï maiti ïr judidiu.