Exodo 20:7 - Northern Tepehuan Bible

⁷ Aanï ïgai dai bïïxi adama ïr xadutudikami kaxkïdï gï agai mïxi xadutuadagi gin tïtiaraga ïpï. Diuxi gïn Nukadakami aanï dai aanï gïïgïbituldamu ix makïdï mai xadutuadagi gin tïtiaraga.

Exodo 20:7 Kruisverwysings

2 Korintios 1:23

Xibi gïn aagidamu aanï ix tuixidï maiti gïn dibiji aanï gamo Korintoïrï baasïki. Dai Diuxi ïr nïijadami sai buaboi aagai aanï. Maiti ipïrhiditadai aanï sai kabami gïn bhagaidagi kaxkïdï mai jii aanï gamoko baasïki.

Santiago 5:12

Gin aaduñi Diuxi amadïrï, xibi gïn aagidamu aanï ïmo ñoki ix makïdï sïïrhikïdï gï agai ix kaïkagi aapimï. Daiñi, xïïxkadï gïn bapasadagi ix iduñi agai ixtumaxi mosïkaxi abïr ikaitiada sai, —Ïjï iduñimu aanï—. Dai maiti gï agai sai arastudagi aapimï jaa ñoki. Maiti gï agai xi jaa ñokikïdï maaxituda ïrhiada aapimï sai buaboikïdï iduña agai aapimï tudu. Dukami, maiti abïr aagadagi sai Diuxi ïr nïijadami saidi iduña agai aapimï. Dai maiti gï agai xi aagada aapimï ïpï sai ixtumaxi tami idi oidigi daama oidaga ïr nïijadami saidi iduñimu aapimï ïpï. Ix iduña agadagi aapimï aidï gia mosïkaxi, —Ïjï iduñimu aanï— abïr ikaitiada dai mosïkaxi. Dai ix maiti iduña agadagi aapimï, aidï gia bhaiyoma mosïkaxi, —Cho maiti iduñimu aanï— abïr ikaitiada. Ïma dukai gïpiïrï surhigimu aapimï Diuxi buidïrï tudu.