Exodo 20:5 - Northern Tepehuan Bible

⁵ Maiti gï aagai mïxi kuikïskïdagi buidïrï go maaxi xadutudaitai. Mosïkaxi aanï ïgai daidi ïr Diuxi daidi Nukadakami tïgidu aanï. Ix buaboida agadagi aapimï ïmai aidï gia bhamukamu aanï. Aituldamu aanï gïïgïbidaradï ix makïdï gin kïïdai dai soimaaxi ibuayi. Dai maamaradï ïpï taatamu gïïgïbidaradï ïmadï bopoxikadï dai piipixaradï.

Exodo 20:5 Kruisverwysings

Numeros 14:33

Gïn maamara tanai oidigana nukada agai kañiñiru dai óídaka agai ïpï gokobhai umigi kia. Podukai po kaki umigi taata agai aapimï gïïgïbidaraga mai ïïgidakai. Dai gïn maamara ïpï soi taadakamu go kobhai umigi aïkami gïn ïmadï. Daidi bhodïrï bïïxi ugitimu aapimï ix makïdï ïr gïïgïr odami xibi. Dai aidï gia bapakimu gïn maamara Kanaanïrï.

Mataibo 4:9

Dai potïtïdai ïgai go Suxi, —Kïï gï tïgito nïida. Daiñi, xi gï totonakïdï kïïkibagi aapi Suxi tami gin buidïrï daidi gin xadutuadagi, aidï gia gï maakimu aanï bïïxi gobai ix makïdï nïidi aapi— itïtïdai.

VUAANA 15:18

Dai oi Suxi go aatagi daidi itïtïdai mamaatïrdamigadï, —Gin aaduñi, ipïrhidi aanï ix maatïka aapimï sai gïn kïïdada agai go gaa odami ix makïdï adaimïi ïïgi tïgibudadï. Daiñi, ix ïr aaduñdïkamudai aapimï ïgai ix makïdï adaimïi ïïgi tïgibudadï aidï gia gïn oigïadamudai ïgai. Dïï gia aapimï maiti ïr aaduñdï ïgai. Aanï ka ïkobai gïn bubaitu go gaa saagidañdïrï ix kaxkïdï gïn kïïdai ïgai. Dai xïxkadï gïn kïïdadagi ïgai abïr gïn tïtïgitoda sai aanï ïr gïn tïanïdamiga dai aanï kaxi gin kïïdaiña ïgai ïïki abhiadïrï.

VUAANA 7:7

—Mai tipu tudu ixtukïdï gïn kïïdadagi odami dïï aanï gia gin kïïdai ïgai. Maaxi aagaiña aanï xïïxi ïr soimaaxi ibuadami ïgai dai kaxkïdï gin kïïdai— itïtïdai Suxi.

VUAANA 9:2

Dai Suxi mamaatïrdamigadï itïtïdai go Suxi, —¿Mamaatïtuldiadami, borai ïgai dai soimaaxi dui ix kaxkïdï mai nïadami busai gobai? ¿Ïïgi gobai ix soimaaxi dui go dïïdïdï xio?— itïtïdai go mamaatïrdamigadï.

Romanos 1:30

Mai kïï tutiakami aagaiña ïgai jaa dai kïdaiña Diuxi. Xigarhi dukai ñokidiña jaa bui. Gïgïrdukami gïn ïrhidiña ïïgi ïgai dai aipako gïn aagaiña ix xïïxi ïr gïgïrdukami ïpï. Mos tïgito ajiopaiña ïgai ix dukatai ibuadagi naana maaxi soimaaxkami ix makïdï mai kia nïidiña odami. Dai mai ïïgidiña ïgai gïn dïïdï.

Romanos 8:7

Daiñi, Diuxi buidïrï bïïtï odami ix makïdï gïn tïgito ajiopai gïn ïkidadï tïgibudagai. Gïr ïkidadï tïgibudagai tomarhi ïmo imidagai mai ïïgidi Diuxi sïïrhikamigadï tudu. Maiti ixtutuidikïi gobai xi ïïgiadagi tudu.

1 Korintios 10:22

Tadu bhamukitu aapimï Diuxi. Gïïpi bamioma gubuka ïgai xi aapimï di.

Santiago 4:4

Daiñi, Diuxi bïïtarï ïpïan dukami aapimï ïmo oki ix makïdï oidiña ïmai kïïrhi tomaxi maiti ïr kunadï. Oidiña aapimï go tami oidigi daama óídakami tïgibudadï soimaaxkïdï tudu. Pobuayi aapimï gaagaitai gïn bhai ïrhiaraga ixtumaxiïrï oidaga tami oidigi daama. Bamioma ïïmadai aapimï go soimaaxi tïgibudagai ix makïdï oidaga tami idi oidigi daama tudu dai mai ïïmadai aapimï Diuxi. Gï agai sai maatïkagi aapimï tudu sai odami ix makïdï adaimïi pomaaxkami tïgibudagai ïr buidïrï bïïtïkami Diuxi.